(9)ဂဏန်းသမားများ အကြောင်း တစေ့တစောင်း

ကိုသိန်းဖေ။ ။ “ကြာပြီ ဆိုတော့ မေ့လောက်ပါပြီ၊ စိတ်မှာ ထင်ခဲ့တယ် . . . . အချစ်ဦးမို့ ယနေ့ထက် ထိအောင် ကိုယ်မမေ့ နိုင်သေးတယ် . . . ”

ကျွန်ုပ်။ ။ ဘယ်လို ဖြစ်တာလည်း ကိုသိန်းဖေ ရ။ စိုင်းထီးဆိုင် သီချင်းလေး တအေးအေး နဲ့ပါလား။ ဘာတွေများ ဖီလင်တက်လာ ပြန်ပြီလဲ။

ကိုသိန်းဖေ။ ။ ဒီ အသက်အရွယ်ရောက်မှ ဘာဖီလင်မှ တက်စရာ မရှိပါဘူးဗျာ။ ဆရာကလည်း မရိပ်မိဘဲ ကိုး။ ဆရာ့ကို“စောင်းပြီး” ဆိုနေတာလေ။

ကျွန်ုပ်။ ။ အလို။ ဘယ်လိုဖြစ်ရပြန်တာလဲဗျာ။ ကျွန်တော် နဲ့ ဒီသီချင်းနဲ့ ဘာဆိုင်လို့လဲ ဗျ။

ကိုသိန်းဖေ။ ။ ဆိုင်ပါသကောဗျာ။ ဆရာ့ဟာ တော်ကြာ တရားရိပ်သာဝင်ရတာ နဲ့ တော်ကြာ ဘလော့ဂ် အပိတ် ခံရတာနဲ့။ ဆရာ့ စာတွေကို စောင့်ဖတ်တဲ့ သူတွေ မေးခွန်းတွေ မေးထားတဲ့သူတွေ စိတ်ထဲမှာ ဆရာတော့ ငါတို့ကို မေ့နေလောက်ပါပြီ လို့ ထင်စရာ ဖြစ်ကုန်ကြပြီ ဆရာရေ။ ဒါကြောင့် ဒီ သီချင်းကို စောင်းပြီး ဆိုတာ ဆရာ ရေ့။

ကျွန်ုပ်။ ။ ဒီလိုလား။ ဒါဆိုလည်း စာဖတ်ပရိတ်သတ် အားလုံးကို ဒီနေရာကဘဲ တောင်းပန် လိုက်ပါတယ်ဗျာ။ ကျွန်တော်မှာတော့ တကယ့်ကို အခက်အခဲ တွေ့လို့ နှောင့်နှေး ကြန့်ကြာ နေရ တာပါ။ ကနေ့ အများစောင့်နေကြတဲ့ (9)ဂဏန်းသမားများအကြောင်း ကို တင်ပြီးရင်တော့ မေးခွန်း မေးထားတဲ့ သူတွေ အားလုံးကို ၄-၅ ရက် အတွင်း အပြီးအပြတ် ဖြေပေးသွားမှာပါဗျာ။ စိတ်ချပါ။

ကိုသိန်းဖေ။ ။ ဒါနဲ့ ဆရာ့ဘလော့ဂ် ဘယ်လိုဖြစ်ပြီး ပိတ်သွားရတာလဲ။ ရှင်းစမ်း လင်းစမ်းပါဦးဗျာ။

ကျွန်ုပ်။ ။ အေးဗျ။ ကျွန်တော်လည်း ဒီအကြောင်းကို ဗဟုသုတရအောင် ပြောပြချင်နေတာ။ စာဖတ်သူတွေထဲမှာလည်း ကိုယ်ပိုင် ဘလော့လေးတွေ တင်ထားတဲ့ သူတွေ အများသား လားဗျ။ သူတို့ တစ်တွေလည်း ဗဟုသုတတစ်ခု ရအောင် ပြောပြရဦးမယ်။ ဒီလိုဗျ။

ကျွန်တော် မူလက baydathukhuma.blogspot.com မှာ ဘလော့ဂ်လေး စ,ပြီး ဆောက်ခဲ့တာဗျ။ ဒါပေမယ့် သိတဲ့ အတိုင်းဘဲလေ။ blogspot နာမည်ပါနေတော့ ဟိုကျော် ဒီခွ လုပ်ရတာ ကျွန်တော်က မလုပ်ချင်ဘူး။ ဒီတော့ ကိုယ်ပိုင် ဒိုမိန်း ၀ယ်လို့ရတယ် ဆိုတော့ အဲဒီ blogspot ထဲမှာ ကိုယ်ပိုင် ဒိုမိန်း ၀ယ်လိုက်တယ်။ ဒီတော့ baydathukhuma.blogspot.com ကနေ baydathukhuma.com ဖြစ်လာတာ ပေါ့ဗျာ။ ကျော်စရာ ခွစရာလည်း မလိုတော့ဘူး။ ကိုယ့်ဟာကိုယ်တော့ ကျေနပ် နေတာပေါ့လေ။ ဒါပေမယ့် ကျွန်တော်က ဒိုမိန်းဘဲ ၀ယ်တာနော်။ Hosting ကို မ၀ယ်လိုက်ဘူး။ Hosting ကိုတော့ မူရင်း ဘလော့က ပေးထားတဲ့ Free Hosting ကိုဘဲ ဆက်သုံးလို့ ရမယ် ထင်တာပေါ့။ သူတို့ကလည်း ဒီအချက်ကို ရှင်းရှင်းလင်းလင်း မပြောဘူးဗျ။ ဒိုမိန်းဝယ် လိုက်ရင်ဘဲ ပြီးသွားသလိုလိုပေါ့ဗျာ။ ဒီလိုနဲ့ သြဂုတ်လကုန် ပိုင်းလောက်မှာ MRTV-4 မှာ ကျွန်တော့ ဘလော့ဂ်အကြောင်း ပါလာတယ်ပြောတာဘဲဗျ။ ကျွန်တော်တော့ မကြည့်လိုက်ရဘူး။ TV သတင်းဆိုတာကလည်း အတော် ထိရောက်သားဗျ။ အဲဒီ မတိုင်ခင်က တစ်နေ့ကို 400-500 လောက်ဘဲ ကြည့်တဲ့လူရှိတဲ့ ကျွန်တော့်ဆိုဒ်ဟာ အဲဒီသတင်းပါပြီး တစ်နေ့ကို 3000-4000 လောက်အထိ ၀င်ကြည့်တဲ့သူ တက်လာတယ်ဗျ။

ကိုသိန်းဖေ။ ။ (၁၀)ဆ နီးပါး တက်လာတာပေါ့နော်။ တီဗွီ သတင်းကလည်း အတော် ထိရောက်သားဗျ။

ကျွန်ုပ်။ ။ ဟုတ်တယ်။ (၁၀)ဆလောက် တက်,လာတယ်။ ဒါပေမယ့် အဲဒီ ရက်ပိုင်း လောက်ပါဘဲ။ အခုရက်ပိုင်းတော့ ဒီလောက် မရှိတော့ပါဘူး။ ကိုယ့်ဆိုဒ်ကို လူဝင်ကြည့်တာ များတယ်ဆိုတော့ ပိုက်ဆံတစ်ပြားမှ မရပေမယ့် ၀မ်းသာနေတာ ပေါ့ဗျာ။ ၀မ်းသာလို့မှ မဆုံးသေးဘူး။ စက်တင်ဘာ (၃)ရက်နေ့မှာ ဘလော့က ပိတ်သွားတော့ တာဘဲဗျို့။ အစက ဘာကြောင့်ဖြစ်တယ်ဆိုတာ လုံးဝ မသိဘူး။ ၀က်ဆိုဒ်ကို ဘဲ Attack အလုပ်ခံရ သလားပေါ့ဗျာ။ ဒါပေမယ့် Attack အလုပ်ခံရ လောက်အောင်လည်း ကျွန်တော့် ဆိုဒ်က မကြီးကျယ်ပါဘူး ။ ပါမွှားပါ။ ဘာလဲဆိုတာ တော်တော် အတွေးရ ခက်နေတာပေါ့ဗျာ။ ကျွန်တော့်ဟာ ကျွန်တော်ဆိုရင် ဒီပြဿနာကို ဘယ်လိုမှ မဖြေရှင်းနိုင်ပါဘူး။ ကံကောင်းထောက်မစွာ စင်္ကာပူမှာ ကျွန်တော် အမ,အကြီးဆုံးကမွေးတဲ့ တူကလေး “ချမ်းမင်းမောင်” က Web Developer အလုပ်, လုပ်နေတယ်ဗျ။ သူ့ကို အကူအညီ လှမ်းတောင်းရတာ ပေါ့ဗျာ။ သူလည်း ဖြစ်နိုင်ခြေတွေကို အမျိုးမျိုး စုံစမ်းကြည့်တော့ နောက်ဆုံး Server ကနေ Hit Count (လူအ၀င်) များလွန်းလို့ Free မပေးနိုင်တော့တဲ့ အတွက် ပိတ်လိုက်ရတာပါတဲ့ဗျ။ သူတို့က လူနည်းနည်းဝင်ရင်တော Hosting အတွက် ပြဿနာ မရှိဘူးပေါ့ဗျာ။ လူများလာရင်တော့ Hosting ကို အလကား မပေးနိုင်တော့တဲ့ အတွက် ပိတ်လိုက်ရတာပါတဲ့။ ကျွန်တော့် တူကလေးသာ မရှိရင် ကျွန်တော်ဟာ ကျွန်တော် ခုချိန်ထိ ဘာဖြစ်လို့ ဘာဖြစ်မှန်း သိမှာ မဟုတ်ဘူး။

ကြည့်ဗျာ – လုပ်ပုံက။ စီးပွားရေးသမားကြီးတွေ ပီသပါပေတယ်။ ဒါပေမယ့် ကျွန်တော် ဘ၀င်မကျတာက Hit Count များလာလို့ အလကား မပေးနိုင် တော့ဘူး ဆိုရင်လည်း ကြိုတင်အကြောင်းကြား သင့်ပါတယ်။ အခုတော့ အကြောင်းမကြား ဘာမကြားနဲ့ ဗြုန်းဆို ပိတ်ချလိုက်တော့ ဒီကလူတွေမှာ ဘာဖြစ်လို့ ဘာဖြစ်မှန်းမသိ။ နောက်ဆုံး ဖြစ်နိုင်ချေ ရှိတဲ့ သူတွေဆီ အီးမေးလ်တွေ နဲ့ လိုက်မေးမှ ကိုယ်တော်ချောတို့က ပြန်ဖြေသဗျ။

ကိုသိန်းဖေ။ ။ ဒီတော့ Hosting ပါ ၀ယ်လိုက် ရတာပေါ့။

ကျွန်ုပ်။ ။ ၀ယ်လိုက်ရ တော့တာပေါ့ဗျာ။ မ၀ယ်ရင် ဘသားချောတွေက ဖွင့်ပေးမှာမှ မဟုတ်တာ။ ဒါတောင် ချက်ခြင်း ဖွင့်မပေး သေးဘူး။ တစ်ပတ်လောက် ကြာသွားတာ ခင်ဗျားတို့လည်း သိမှာပါ။ ဒါကြောင့် ကျွန်တော့်လိုဘဲ အိုင်တီ ပညာ သိပ်မကျွမ်းကျင်သေးတဲ့ ဘလော့ဂ်ဂါလေးတွေကို ကျွန်တော် အကြံပေး ချင်တာက တတ်နိုင်သရွေ့ ကိုယ်ပိုင် ဒိုမိန်း မ၀ယ်ကြပါနဲ့။ ဒိုမိန်းဝယ်လိုက်ရင် နောက်ကနေ Hosting ဖိုးပါ တက်လာပါလိမ့်မယ်။ တစ်ကယ်လို့ blogspot ဘက်မှာ ကျော်ရ/ခွရတာ များရင် Wordpress ဘက်ကို ပြောင်းလိုက်ပါ။ ကျွန်တော်လည်း အခု ကိုယ်ပိုင် ဒိုမိန်း Hosting ၀ယ်ထား ပေမယ့် Wordpress ထဲကနေဘဲ ၀င်ရေးနေပါတယ်။ အဆင်ပြေပါတယ်။ အခက်အခဲ သိပ်မရှိပါဘူးလို့ ပြောချင်ပါတယ်ဗျာ။

ကိုသိန်းဖေ။ ။ ကဲ ဆရာရေ။ ဆရာ့ရဲ့ ရှင်းတမ်း ကိစ္စ ပြီးရင် ကျွန်တော်တို့ရဲ့ အပတ်စဉ် စကားဝိုင်းလေး စ, လိုက်ကြရအောင်လားဗျာ။ ဒီနေ့ နောက်ဆုံးကျန်တာ တော့ (9)ဂဏန်းသမားတွေ အကြောင်းနော် ဆရာ။

ကျွန်ုပ်။ ။ ဟုတ်ပါတယ် ဗျာ။ ဖဲသမားတွေရဲ့ စကားနဲ့ ပြောရရင် “အသရေ မညှိုးတဲ့ ရွှေ ကိုး ” ပေါ့ဗျာ။ ကျွန်တော်တို့ မြန်မာလူမျိုးတွေဟာ (9)ဂဏန်းကို တော်တော်ကြိုက်ကြတယ်ဗျ။ မော်တော်ကားနံပါတ် ဆိုရင်လည်း (9)ဂဏန်းရတဲ့ ကားဆို ၀ယ်ရ/ရောင်းရ လွယ်တယ်။ အိမ်နံပါတ်ဆိုလည်း ပေါင်းခြင်း (9)ကျရင် ကောင်းတယ်လို့ယူဆကြတယ်။ ကလေး နာမည်မှည့်ရင်လည်း (9)ဂဏန်း ရအောင် မှည့်ပေးပါလို့ မကြာခဏ တောင်းဆိုခံရတယ် ဗျ။ မြန်မာလို ၊ အင်္ဂလိပ်လို ပေါင်းခြင်း (9)ကျတဲ့ နေ့တွေကိုလည်း ကံကောင်းတယ်လို့ ယူဆကြပြန်တယ်။ “ကိုးန၀င်း” ဆိုတဲ့ စကားကလည်း ဂမ္ဘီရ လောကမှာ အတော် ခေတ်စားတဲ့ စကားလုံးဘဲဗျ။ အရာရာတိုင်းမှာ (9)ဂဏန်းဖြစ်ရင် သိပ်ကောင်းတယ်လို့ “မှားယွင်း” ယူဆနေကြတယ်ဗျ။

ကိုသိန်းဖေ။ ။ ဆရာက “မှားယွင်းယူဆနေကြတယ်” ဆိုတဲ့ အသုံးအနှုံးကို သုံးလိုက်တော့ (9)ဂဏန်းဟာ လူတွေထင်ထားသလို သိပ်ကောင်းတဲ့ ဂဏန်း တစ်ခု မဟုတ်ဘူးလို့ ဆရာပြောချင်တာလား ဗျာ။

ကျွန်ုပ်။ ။ မှန်တယ် ကိုသိန်းဖေ။ (9)ဂဏန်း ဟာ ကောင်းတဲ့ နေရာမှာ ကောင်းသလို ဆိုးတဲ့နေရာမှာလည်း အတော်ဆိုးတတ်တယ်ဗျ။ ကျွန်တော်ကတော့ (9)ဂဏန်းကို ဂဏန်းအားလုံးထဲမှာ အကောင်းဆုံး ဂဏန်းလို့ လုံးဝ မယူဆဘူး။ ဒါကလည်း အရမ်းပြောတာမဟုတ်ဘဲ သုတေသနတွေ အများကြီး လုပ်ပြီး မှ ပြောတာပါ။ တစ်ကယ်ဆို (9)ဂဏန်းဟာ ကောင်းကျိုး နဲ့ ဆိုးကျိုးမှာ ချိန်ခွင်လျှာ တင်ကြည့်ရင် ဆိုးတဲ့ ဘက်ကတောင် ပိုများတယ်လို့ ပြောချင် ပါတယ်ဗျာ။ ကိုသိန်းဖေ ရေ။ ခင်ဗျားလည်း ဗေဒင်ပညာကို လိုက်စားနေတာ ဆိုတော့ သတိထားမိမလား မသိဘူး။ သင်္ချာဗေဒ မှာ “ပိုက်သာဂိုးရပ်စ်” ရဲ့ သင်္ချာ နဲ့ ရှေးဟောင်း “ချားလ်ဒီးယန်းသင်္ချာ” ဆိုပြီး (၂)မျိုး ရှိရာမှာ “ပိုက်သာဂိုးရပ်စ်” သင်္ချာမှာ (9)ဂဏန်းကို အသုံးပြုထားပေမယ့် “ချားလ်ဒီးယန်း” သင်္ချာမှာတော့ (9)ဂဏန်းကို ဘုရားသခင်ရဲ့ ဂဏန်း ဆိုပြီး ဘယ်အက္ခရာကို မှ အသုံးပြု မထားတာကို သတိထားမိမှာပါ။

ကိုသိန်းဖေ။ ။ ဆရာပြောမှ သတိထားမိတယ်။ ဟုတ်တယ်ဗျ။ ချားလ်ဒီယန်း သင်္ချာမှာ အက္ခရာတွေကို (1) ကနေ (8) အထိဘဲ ရေတွက်ထားတာတွေ့ရပြီး (9)ဂဏန်းပိုင်တဲ့ အက္ခရာ မရှိဘူးနော်။

ကျွန်ုပ်။ ။ နက္ခတ်ပညာ နဲ့ သင်္ချာဗေဒပညာကို စတင်အုတ်မြစ်ချခဲ့တယ်လို့ သမိုင်းမှာ မှတ်တမ်းတင်ခံရတဲ့ “ချားလ်ဒီးယန်း” လူမျိုးတွေဟာ (9)ဂဏန်း နဲ့ အင်္ဂါဂြိုဟ်ကို “နတ်ဘုရား အခေါင်အချုပ်” လို့ သတ်မှတ်ပြီး ကြောက်လန့်ကြတယ်လို့ ဆိုတယ်ဗျ။ သူတို့ ခေတ်က နတ်ဘုရားဆိုတာကလည်း လူတွေ သိပ်ပြီး ကြောက်လန့်ရတဲ့ ပုဂ္ဂိုလ်တွေဘဲ မဟုတ်လား။ ဒါကြောင့် ရှေးခေတ် ချားလ်ဒီယန်းလူမျိုးတွေဟာ (9)ဂဏန်းကို ရိုသေ ကြောက်လန့် ကြတာကို သွားတွေ့ရသဗျ။

ကိုသိန်းဖေ။ ။ ဒီနေရာမှာ ကျွန်တော် အကွန့်တက်ချင်တာက “နတ်ဘုရားတို့၏ ဘုရင်” ဆိုတဲ့ နေရာမှာ လူမျိုးတစ်မျိုးနဲ့ တစ်မျိုး အယူအဆ ကွဲပြား နေသလား မသိဘူး။ ကျွန်တော်ကြားဘူးတာက “နတ်ဘုရားတို့၏ ဘုရင်” ကို ကြာသပတေးဂြိုဟ် ကို သတ်မှတ်တယ်လို့ ကြားဘူးတယ်။

ကျွန်ုပ်။ ။ ခင်ဗျား ပြောတာလည်း မမှားဘူးဗျ။ ဒီနေရာမှာ လူမျိုးတစ်မျိုးစီ နဲ့ ခေတ်ကာလ အပေါ်မှာ မူတည်ပြီး သတ်မှတ်ချက်တွေ ကွဲပြားနေတာပါ။ ဒီလိုဗျ။ အလွန်ရှေးကျတဲ့ ချားလ်ဒီယန်းတွေကတော့ အင်္ဂါဂြိုဟ်ကို နတ်တို့၏ ဘုရင်လို့ သတ်မှတ်ပေမယ့်၊ အီဂျစ် အင်ပါယာကြီ ကောင်းစားလာတဲ့ အချိန် မှာတော့ နတ်တို့၏ ဘုရင်က “နေမင်း” ဆိုတဲ့ တနင်္ဂနွေဂြိုဟ် ဖြစ်လာပြန်တယ်ဗျ။ အီဂျစ်ဘာသာနဲ့ Rah (ရားရ်) လို့ခေါ်တဲ့ နေနတ်မင်းဟာ နတ်တို့ရဲ့ ဘုရင်အဖြစ် သတ်မှတ်ခံခဲ့ရတယ်ဗျ။ အဲဒီနောက် ဂရိ နဲ့ ရောမ အင်ပါယာတွေကောင်းစားလာတော့ “ဂျူပီတာ” လို့ခေါ်တဲ့ ကြာသပတေးဂြိုဟ် မင်းက နတ်တို့ရဲ့ ဘုရင် ဖြစ်လာပြန်သဗျ။ ဒါတွေက ခေတ်ကာလ နဲ့ လူမျိုးတွေအပေါ်မှာ မူတည်ပြီး ပြောင်းလဲနေတာပါ။ ဘာသာတရားတွေ ထွန်းကားလာတဲ့ နောက်မှာ နတ်ဘုရား ကိုးကွယ်မှုတွေ ကွယ်ပျောက်ခဲ့ပြီး ဂြိုဟ်တွေကို သက်မဲ့လို့ သတ်မှတ်လာကြပေမယ့် ဂြိုဟ်တို့၏ဘုရင် ဆိုတဲ့ အယူအဆ ကတော့ ဆက်ရှိနေသေးတယ်။ ဒီနေရာမှာ အရှေ့တိုင်း (နိယာယန စနစ်) နဲ့ အနောက်တိုင်း (သာယနစနစ်) အကြား ကွဲပြားနေသေးတာကို သွားတွေ့ရ တယ်ဗျ။

ကိုသိန်းဖေ။ ။ ဟုတ်လား ဆရာ။ ကျွန်တော်က နက္ခတ်ပိုင်းမှာ မကျွမ်းကျင်လို့ ဒါလေးကို ဗဟုသုတ ရအောင် ပြောပြပါဦး။

ကျွန်ုပ်။ ။ ကျွန်တော်တို့ မြန်မာနိုင်ငံမှာ အသုံးပြုနေတဲ့ နက္ခတ်ဗေဒင်ပညာက အိန္ဒိယက ရောက်လာတဲ့ ပညာဆိုတာတော့ ခင်ဗျားသိမှာပါ။ အဲဒီ အရှေ့တိုင်းစနစ် ဂြိုဟ်(၉)လုံးထဲမှာ ဂြိုဟ်တို့၏ ဘုရင်လို့ သတ်မှတ်ထားတဲ့ဂြိုဟ်က “ကြာသပတေးဂြိုဟ်” ကြီးဗျ။ ဒါကြောင့် ကြာသပတေးဂြိုဟ် ကောင်း၊ အပြစ်တစ်သိန်းပျောက်တို့၊ အပြစ်တစ်သန်းပျောက် တို့ဆိုတဲ့ ဆိုရိုးတွေ ဖြစ်လာကြတာပေါ့။ သာယနစနစ် လို့ ခေါ်တဲ့ အနောက်တိုင်း စနစ်မှာတော့ “တနင်္ဂနွေ” ဂြိုဟ်ဖြစ်တဲ့ နေမင်းကို ဂြိုဟ်တို့၏ ဘုရင်လို့ သတ်မှတ်ကြပြန်သဗျ။ ဒါကြောင့် အနောက်တိုင်းရာသီခွင်စနစ်ဟာ (၁၂)ရာသီခွင်မှာ တနင်္ဂနွေရပ်တည်မှု အပေါ် အခြေခံထားတာဖြစ်ပြီး “Transit” လို့ ခေါ်တဲ့ ဂြိုဟ်မြင်စနစ်မှာလည်း တနင်္ဂနွေရဲ့ ဂြိုဟ်မြင်ကို အတော် အဓိကထားကြတယ်။ နောက်ပြီး “Progressive” လို့ခေါ်တဲ့ တစ်နှစ်ခြင်း ဟောကိန်းထုတ်တဲ့ နှစ်တိုး ဇာတာ ဆိုရင်လည်း ကိုယ့်မွေးတဲ့ နာရီ၊ မိနစ်ကို တနင်္ဂနွေဂြိုဟ် အတိအကျဖြတ်သန်းချိန်ကို ယူပြီး ဇာတာဖွဲ့ ဟောကိန်း ထုတ်ကြတဲ့ စနစ်တွေဘဲဖြစ်တယ်။ ကဲ ဒါတွေပြောနေရင် ပြီးမှာ မဟုတ်တော့ဘူး။ (9)ဂဏန်းအကြောင်း စ, လိုက်ကြရအောင်။

ကိုသိန်းဖေ။ ။ ကျွန်တော်တို့လို ဗေဒင်ပညာကို လိုက်စားနေသူတွေ အတွက်တော့ ဒီလို ကျယ်ကျယ်ပြန့်ပြန့်သိခွင့်ရတာ ၀မ်းမြောက်မိပါတယ်ဗျာ။ ကဲ- သမိုင်းကို သိပ်စိတ်မ၀င်စားဘဲ အဟောပိုင်းကိုဘဲ စိတ်ဝင်စားသူတွေအတွက် (9)ဂဏန်းသမားများအကြောင်း တစေ့တစောင်းကို စ,လိုက်ကြ စို့လားဗျ။

ကျွန်ုပ်။ ။ ကိုသိန်းဖေ ရေ။ (9)ဂဏန်းဟာ သချာင်္ဗေဒမှာ “အင်္ဂါဂြိုဟ်” ပိုင်တဲ့ ဂဏန်းဖြစ်တယ်။ အင်္ဂါဂြိုဟ် ဟာ ရောမဒဏ္ဍာရီမှာ “စစ်နတ်ဘုရား”လို့ သတ်မှတ်ပြီး စစ်ပွဲများ၊ တိုက်ခိုက်မှုများ၊ အကြမ်းဖက်မှုများ၊ အဓိကရုဏ်းများ၊ သွေးထွက်သံယိုမှုများ၊ မီး , လျှပ်စစ် နဲ့ ပေါက်ကွဲစေတတ်တဲ့ပစ္စည်းများ၊ ဒါး၊ လှံများလို ချွန်ထက် တဲ့ ပစ္စည်းများ၊ စက်ကရိယာ ပစ္စည်းများနဲ့ ကပ်ရောဂါများ၊ ဘေးဆိုးအန္တရာယ်များ နဲ့ သက်ဆိုင်နေတဲ့ ဂဏန်းဖြစ်ပါတယ်။ ဒါကြောင့်  ဇာတာတစ်စောင်မှာ အင်္ဂါဂြိုဟ် အားကောင်းတဲ့ သူများဟာ စစ်ဘက်၊ စက်မှုလက်မှုဘက်၊ ဆေးပညာဆိုင်ရာ(အထူးသဖြင့် ခွဲစိတ်ကုသခြင်း) တွေမှာ အကျိုးပေး၊ ထူးချွန်တတ်သူတွေ များတယ်ဗျ။

ဒါပေမယ့် အင်္ဂါဂြိုဟ်ဟာ ကျန်တဲ့ ဂြိုဟ်တွေနဲ့ အမြင်အယှဉ် ဆက်သွယ်မှု မကောင်းပြန်ရင်လည်း ဘ၀မှာ Accident တွေဖြစ်ခြင်း၊ သွေးထွက်သံယို ဖြစ်ခြင်း၊ ခွဲစိတ်ကုသခံရခြင်းတွေ ဖြစ်တတ်တယ်ဗျ။ အင်္ဂါဂြိုဟ်ဟာ ယောင်္ကျားတွေကို ကိုယ်စားပြုတဲ့ “အဖို” သင်္ကေတ ဖြစ်ပြီး သောကြာဂြိုဟ်ကတော့ အမျိုးသမီးတွေကို ကိုယ်စားပြုတဲ့ “အမ” သင်္ကေတ ဖြစ်တယ်။ ရောမ ဒဏ္ဍာရီတွေမှာတော့ သောကြာဂြိုဟ်အရှင်မ “ဗီးနပ်စ်” အင်္ဂါဂြိုဟ် “မားစ်” ရဲ့ ကြင်ယာတော် ဖြစ်တယ်လို့ သတ်မှတ်ကြတယ်။

အဖိုဓာတ် နှင့် အမဓာတ် ကို ကိုယ်စားပြုသော အင်္ဂါဂြိုဟ်နှင့် သောကြာဂြိုဟ်တို့၏ သင်္ကေတ

လက်ရိုး နက္ခတ်ဗေဒင်ပညာမှာဘဲ ဖြစ်ဖြစ်၊ လက်ဆန်းဗေဒင်မှာဖြစ်ဖြစ်၊ ဂဏန်းဗေဒင်မှာ ဖြစ်ဖြစ် အင်္ဂါဂြိုဟ် အားနည်းရင် မိန်းမသားတွေမှာ အိမ်ထောင်ရေးကံ ညံ့တတ်ကြတယ်ဗျ။ ယောင်္ကျား ကောင်း မရတတ်ကြဘူး။ အင်္ဂါဂြိုဟ်ဟာ အိမ်ထောင်ရေးမှာ အတော်ကို ဒုက္ခပေးနိုင်တဲ့ ဂြိုဟ်ြဖစ်တာကို ကျွန်တော်ရေးခဲ့ပြီး “အင်္ဂါဂြိုဟ်နဲ့အိမ်ထောင်ရေး” ပိုစ့်မှာ သွားဖတ်ကြည့်ရင် ပိုကောင်းမယ်ဗျ။ (ဖတ်ချင်ရင် ဒီနေရာကို Click လုပ်ပါ)။ (9)ဂဏန်းသမားတွေရဲ့ ထူးခြားချက်တွေကတော့-

= များသောအားဖြင့် ပထမ အရွယ်မှာ ညံ့တတ်တယ်။ ကိုယ်မွေးပြီး မိဘတွေ အိမ်ထောင်ရေး၊ စီးပွားရေး ကသောင်းကနင်းဖြစ်တတ်တယ်။ ဒါမှမဟုတ် ကိုယ်ကိုယ်တိုင် ကျန်းမာရေး အလွန်ညံ့တတ်တယ်။

= အင်္ဂါဂြိုဟ် စိုးမိုးသူများ ပီပီ (9) ဂဏန်းသမားတွေဟာ “တုန်းဆိုတိုက်၊ ကျားဆိုကိုက်” သမားတွေ ဖြစ်တယ်။ စဉ်းစားတွေဝေ ချင့်ချိန်မှု နည်းတယ်။ စိတ်လောကြီးပြီး အရင်လို တတ်ကြသူများ ဖြစ်ကြတယ်။ စိတ်ရှည်သည်းခံနိုင်စွမ်း နည်းတယ်။ ရုပ်ဝါဒီ သမားတွေ များတယ်။ အပြိုင်အဆိုင် စိတ် ရှိတယ်။ အတိုက်အခံ ပြုလိုစိတ် ရှိတယ်။ ဘာသာရေးဖက်မှာ အားနည်းတတ်ကြတယ်။ ဒါပေမယ့် ဘာသာရေးဖက်ကို လုပ်မိပြီဆိုရင်လည်း အလွန်အကျွံ လုပ်တတ် ကြပြန်တယ်။ ပြင်းပြင်းထန်ထန် လုပ်တတ်ကြတယ်။ မြန်မာနိုင်ငံမှာ ထင်ရှားတဲ့ ရဟန်းသံဃာတော်တွေထဲမှာ (9)ဂဏန်းသမား အတော်များတယ်ဗျ။

= (9)ဂဏန်းသမားများဟာ ကိုယ်မှန်တယ်ထင်ရင် နောက်မဆုတ်တတ်သူများ ဖြစ်တာကြောင့် အငြင်းအခုန်သန်သူများ၊ ခိုက်ရန်ဖြစ်ပွား လွယ်သူများ၊ လူချစ်လူခင် မများသူများ အဖြစ် အများဆုံး တွေ့ရတတ်တယ်။ သူတို့ဟာ သူများအကြံပေးချက်၊ တိုက်တွန်းချက်များကို ထည့်သွင်းစဉ်းစားလေ့ မရှိဘဲ ကိုယ့် ဆုံးဖြတ်ချက်ကိုသာ ကိုယ်ယုံကြည်ကြသူများ ဖြစ်ကြတယ်။ ကိုယ့် ဆုံးဖြတ်ချက်အတိုင်း လုပ်လို့ အမှားတွေ့ကြရင်လည်း နောင်တ ရလေ့ မရှိကြ ပါဘူး။ နောင်တ ရရင်လည်း ကိုယ့်စိတ်ထဲမှာဘဲ ကိုယ်ထားပြီး သူများကို ဖွင့်ဟ မပြောတတ်ကြပါဘူး။ သူတို့ဟာ သူတို့ အမှားကို ၀န်ခံလေ့ မရှိတတ်ကြ တဲ့ လူစားမျိုးတွေဖြစ်တယ်။ “ကျွန်တော်/ကျွန်မ သိပ်မှားသွားပါတယ်” ဆိုတဲ့ စကားမျိုးကို (9)ဂဏန်းသမားတွေ ဆီက ကြားရခဲပါတယ်။

= (9)ဂဏန်း သမားတွေထဲမှာ အစွန်းရောက်သူတွေ သိပ်များတယ်။ တစ်ချို့ကျပြန်တော့လည်း ကိုယ်ကျိုးလုံးဝဆို လုံးဝမကြည့်ဘဲ အများအကျိုး သက်သက်သာ ဆောင်ရွက်နေသူတွေဖြစ်ပြီး၊ တစ်ချို့ကျပြန်တော့လည်း “ဘယ်သူသေသေ၊ ငတေမာပြီးရော” သမားတွေ ဖြစ်တတ်တယ်။ ဥပမာနှိုင်းယှဉ် ပြရရင် သူ့ဘ၀တစ်ခုလုံးကို လူမှုရေးအကျိုးသက်သက်အတွက်နဲ့ ရှင်သန်သွားတဲ့ မဟာဂရုဏာရှင် “မာသာထရီဇာ” ဟာ (27)ရက်နေ့မှာ မွေးတဲ့ (9)ဂဏန်း ပိုင်ရှင်ဖြစ်ပြီး ၊ ပြည်သူ သန်းပေါင်းများစွာကို လျှို့ဝှက်စွာ သတ်ဖြတ်ခဲ့တဲ့ ဆိုဗီယက် အာဏာရှင်ဟောင်း “စတာလင်” ဟာလည်း (18)ရက်နေ့ မွေးတဲ့ (9)ဂဏန်း ပိုင်ရှင်ဘဲ ဖြစ်ပါတယ်။ ဒါပေမယ့် (18) ဂဏန်း နဲ့ (27)ဂဏန်းဟာ (9)ခြင်း တူပေမယ့် ကွာခြားချက်တွေ အများကြီး ရှိတာကို ဆက်ပြီး ဖတ်ရပါမယ်။

=(9)ဂဏန်းသမားတွေဟာ ဘ၀ကို သက်သက်သာသာ ငြိမ်းငြိမ်းချမ်းချမ်း ဖြတ်သန်းရသူတွေ မဟုတ်ကြပါ။ အမြဲတမ်း ပြဿနာ၊ ဒုက္ခ၊ အခက်အခဲ၊ အန္တရာယ်တွေ နဲ့ ရင်ဆိုင်နေရပါတယ်။ လူ လူချင်း ပြိုင်ဆိုင် တိုက်ခိုက်ခံရတဲ့ ပြဿနာတွေ ရှိသလို ရန်သူမျိုး(၅)ပါးဘေး၊ သဘာဝ ဘေးဥပဒ် ဘေးများနဲ့လည်း မကြာခဏ ကြုံရတတ်ပါတယ်။ ဒါပေမယ့် သူတို့ဟာ ခံနိုင်ရည် မြင့်မားသူတွေဖြစ်ပြီး အဆိုးဆုံး အခြေအနေထဲမှာ တောင်မှ အကောင်းဆုံးဖြစ်လာမှာကို မျှော်လင့်ချက် အပြည့် ရှိတဲ့သူတွေ ဖြစ်ကြပါတယ်။ လွယ်လွယ် နဲ့ နောက်ဆုတ်တတတ်ကြသူများ မဟုတ်ဘူး။

= သူတို့ဘ၀ဟာ ကိုယ့်ကို အတိုက်အခံပြုသူ ၊ အပြိုင်အဆိုင် ပြုသူတွေ အမြဲရှိတတ်တယ်။ ရန်သူ များတတ်တယ်။ နောက်ပြီး သူတို့ ကိုယ်တိုင်ကလည်း ပြိုင်ဘက်တွေကို အတိုက်အခံ ၊ အပြိုင်အဆိုင် ပြုလိုစိတ် ပြင်းထန်သူတွေဖြစ်တယ်။ “ဂျိုကုပ်ရှိရာ၊ ဂျိုထောင်မလာ” ဆိုတဲ့ စကားလိုပေါ့ဗျာ။ (9)ဂဏန်း သမား အတော်များများဟာ ယဉ်ကျေးသိမ်မွေ့မှု သိပ်မရှိကြဘဲ “ငါ့ စကား၊ ငါ့နွားရ” ပြောတတ်ကြသူ၊ ဘေးကျကျ ပြောတတ်ကြသူများဖြစ်လို့ သူတို့ အကြောင်း မသိရင် အတော်ပေါင်းရ ခက်သားလားဗျ။ တစ်ချို့ စကားပြော ယဉ်ကျေးတဲ့ (9)သမားတွေလည်း ရှိပါတယ်။ ဒါပေမယ့် စကားပြောသာ မရိုင်း ပေမယ့် “အကြောကတော့ အတော်မာတယ်” ပြောရမယ်ဗျ။ “ပျော့ပျော့လေး နဲ့ နံတဲ့ ကြောင်ချီး” သမားတွေပေါ့ဗျာ။ သူတို့ကို အကြံပေးလို့ မရဘူးဗျ။ သူတို့ လုပ်ချင်ရာ လုပ်တတ်တဲ့ လူစားမျိုးတွေ။

= အချစ်ရေး၊ အိမ်ထောင်ရေး ဘ၀မှာတော့ (9)ဂဏန်းသမားတွေဟာ ယောင်္ကျားတွေ နဲ့ မိန်းမတွေဟာ ပြောင်းပြန် အကျိုးပေးတတ်ကြပါတယ်။ ယောင်္ကျားလေး (9)သမားတွေဟာ ယေဘူယျ အိမ်ထောင်ရေး ကောင်းမွန်ပြီး၊ မိန်းကလေး (9)သမားတွေ ကျတော့ ယေဘူယျ အိမ်ထောင်ရေး ညံ့တတ် ကြပါတယ်။ သင်္ချာဗေဒမှာ (4)ဂဏန်း အခြင်းခြင်း အိမ်ထောင်မပြုသင့်သလို (9)ဂဏန်း အချင်းချင်းလည်း အိမ်ထောင်မပြုသင့်ပါဘူး။ အတွေ့ရ များတာ ကတော့ (9)ဂဏန်းသမားခြင်း အိမ်ထောင်ပြုရင် အလွန် ဆင်းရဲဒုက္ခ ရောက်တတ်ပါတယ်။ စီးပွားရေး အလွန်ညံ့တတ်ပါတယ်။ လူချင်းကတော့ သင့်မြတ် အဆင်ပြေကြတာ များပါတယ်။

= (9)ဂဏန်း သမားတွေဟာ လူလူခြင်း အပေါ်မှာ အကောင်းမြင်ဝါဒ နည်းတတ်ကြပါတယ်။ အထူးသဖြင့် ဆွေမျိုးသားချင်းများ နဲ့ အမြဲလို မသင့်မတင့် ဖြစ်နေကြသူများ ဖြစ်တတ်ကြပါတယ်။ (9)သမား အတော်များများဟာ လူချစ်လူခင် နည်းတတ်ကြပါတယ်။ ဒါကြောင့် တစ်ကယ် ဒုက္ခရောက်ပြီ ဆိုရင် ကယ်မယ့်သူမရှိ၊ ယူမယ့်သူ မရှိ ဖြစ်ရတတ်တာကို အထူးသတိပြုစေချင်ပါတယ်။

= (9)ဂဏန်း သမားတွေဟာ ဇွဲသတ္တိကောင်းတယ်။ အပင်ပန်းခံနိုင်တယ်။ အကြံကြီးပြီး ဘ၀တိုးတက်အောင်မြင်ရေးကို အမြဲ ကြိုးစားနေကြ သူများ ဖြစ်ပေမယ့် လူမှု ဆက်ဆံရေး ပြေပြစ်မှု နည်းပါးခြင်း၊ သူ့ဖက်ကိုယ့်ဖက် မျှတတဲ့ အမြင် နဲ့ လုပ်ရပ်တွေမှာ အားနည်းခြင်း၊ တတ်သိ နားလည်သူတို့ရဲ့ အကြံပေးချက်များကို လိုက်နာမှု မရှိခြင်းတွေကြောင့် ဘ၀မှာ အောင်မြင်သင့်သလောက် မအောင်မြင်ကြတာ များတယ်ဗျ။

ကိုသိန်းဖေ။ ။ သူတို့နဲ့ တည့်တဲ့ဂဏန်း မတည့်တဲ့ဂဏန်း တွေရယ် , ဘ၀အကျိုးပေး လုပ်ငန်းတွေကို အမိန့်ရှိပါဦးဆရာ။

ကျွန်ုပ်။ ။ (7)ဂဏန်းသမားများအကြောင်းမှာ ရေးခဲ့သလို (9)ဂဏန်း နဲ့ (7) ဂဏန်းဟာ ကမ္ဘာရန်ပါဘဲ။ ဒါကြောင့် (9)ဂဏန်းသမားတွေဟာ ပေါင်းလိုက်ရင် (7)ဂဏန်း ကျတဲ့ အသက်ပိုင်းတွေ (ဥပမာ- 34နှစ်)၊ (7)ဂဏန်းပါတဲ့ အသက်ပိုင်းတွေ (ဥပမာ-47)တွေမှာ ကျန်းမာရေး၊ လူမှုရေး၊ စီးပွားရေးတွေ ထိခိုက်တတ်တယ်။ (9)ဂဏန်း နဲ့ နောက်ထပ် မတည့်တာက (8)ဂဏန်း။ (9)ဂဏန်းက အင်္ဂါဂြိုဟ် ၊ (8)ဂဏန်းက စနေဂြိုဟ်။ ဒီဂြိုဟ်နှစ် လုံးပေါင်းမိရင် မီးလောင်ခြင်း၊ ပေါက်ကွဲခြင်း၊ သွေးထွက်သံယိုဖြစ်ခြင်း၊ ဆူပူအကြမ်းဖက်မှုများဖြစ်ခြင်း၊ သဘာဝဘေးဥပါဒ်များနဲ့ Accident မျိုးစုံကို ဖြစ်စေ နိုင်တာကို သတိပြုရမယ်။ နောက်မတည့်တဲ့ ဂဏန်းကတော့ (4)ဂဏန်းပေါ့ဗျာ။ (4)ဂဏန်း နဲ့ (9)ဂဏန်း နှစ်ခု ပေါင်းစုံမိရင်လည်း Accident တွေ၊ ဘေးဥပဒ်တွေ၊ သွေးထွက်သံယိုမှုတွေ ဖြစ်နိုင်တယ်ဗျ။ ဒါကြောင့် (9)ဂဏန်း၊ (8)ဂဏန်း နဲ့ (4) ဂဏန်း ဆိုတဲ့ ဂဏန်း (၃)လုံး ပေါင်းစည်း မိပြီဆိုရင် ကြောက်စရာကောင်းတဲ့ ဘေးဥပဒ်တွေ ဖြစ်စေနိုင်တယ်ဗျ။ (9)ဂဏန်း သမားတွေဟာ (1)ဂဏန်း၊ (3)ဂဏန်း၊ (5)ဂဏန်း၊ (6)ဂဏန်းများနဲ့တော့ တည့်ပြီး (2)ဂဏန်းသမားနဲ့ ဥဒါသိန် လို့ ခေါ်တဲ့ အလယ်အလတ် ဂဏန်းပေါ့ဗျာ။

= (9)ဂဏန်းသမားတွေနဲ့ အကျိုးပေးတဲ့ အလုပ်တွေကတော့ စစ်ဘက်၊ ဆေးဘက်၊ ဆရာဝန်၊ သူနာပြု ၊ အင်ဂျင်နီယာ၊ ယာဉ်စက်ကရိယာလုပ်ငန်းများ၊ မီးလျှပ်စစ်နှင့် တိုက်ရိုက်ထိတွေ့ရသော လုပ်ငန်း၊ ရွှေလုပ်ငန်း၊ သတ္တုလုပ်ငန်း၊ ဆေးဝါးထုတ်လုပ် ရောင်းဝယ်ခြင်း၊ အားကစား နှင့် ဆက်နွယ်နေသော လုပ်ငန်းများ၊ ချွန်ထက်သော လက်နက်များ၊ ဒါးများ ကတ်ကြေးများ နှင့် ပူးတွဲ လုပ်ကိုင်ရသော လုပ်ငန်းများ အကျိုးပေးပါတယ်။

ကိုသိန်းဖေ။ ။ (9)ဂဏန်း တစ်ခုခြင်းစီရဲ့ ၀ိသေသ လက္ခဏာလေးတွေလည်း ပြောပြပါဦး ဆရာ။

ကျွန်ုပ်။ ။ (9)ရက်နေ့မှာ မွေးတဲ့ (9)ထီးတည်း သမားတွေကတော့ ငယ်စဉ်ဘ၀မှာ ခက်ခဲကြမ်းတမ်းမယ်။ ကျန်းမာရေးမကောင်းဖြစ်မယ်။ ကိုယ်မွေးပြီး မိဘတွေ စီးပွားကျတာ၊ အိမ်ထောင်ရေး အဆင်မပြေတာ ဖြစ်တတ်တယ်။ ခေါင်းမာတယ်။ အကြောမာတယ်။ ကိုယ်ဖြစ်ချင်တာကို မဖြစ်ဖြစ်အောင် လုပ်တတ်တယ်။ ပြီးမှ ကောင်းလည်းခံ၊ ဆိုးလည်း ခံ ပေါ့။ သူတစ်သားနေရာက ၀င်ပြီး စဉ်းစားတတ်တဲ့ စိတ်သဘောမျိုး နည်းတယ်။ ဆွေမျိုးများနဲ့ မသင့် မတင့် အလွန်ဖြစ်မယ်။ ဒီကြားထဲမှာ မိန်းကလေးဖြစ်ပြီး အင်္ဂါသမီး၊ စနေသမီးတို့ ၊ (၂)ကြွင်း ၊ (၃)ကြွင်း ၊ (၆)ကြွင်းဖွား တွေ ဖြစ်မယ်ဆိုရင်တော့ အိမ်ထောင်ပျက်ခြင်း၊ ကွဲခြင်း၊ မုဆိုးမဖြစ်ခြင်းများ အလွန်ဖြစ်လွယ်ပါတယ်။

= (18)ရက်နေ့ မွေးတဲ့ (9)ဂဏန်းသမားကျတော့ ငယ်စဉ်ဘ၀မှာ ဒုက္ခ၊ ဆင်းရဲ အလွန်များပြီး ချို့ချို့တဲ့တဲ့ နဲ့ ဘ၀ကို စ,တင်ရသူတွေ ပိုများပါတယ်။ ဒါပေမယ့် Current of Destiny လည်းကောင်းရင် ဒုတိယ၊ တတိယ အရွယ်တွေမှာ ကောင်းစားတတ်ပါတယ်။ ဒီနေရာမှာ (9)ထီးတည်း သမားတွေထက် နဲနဲ သာပါတယ်။ (18)ဂဏန်းသမားတွေရဲ့ အားနည်းချက်ကတော့ ကိုယ်ခြင်းစာတရားနည်းပါးတတ်ခြင်း၊ တစ်ကိုယ်ကောင်းဆန်ခြင်း၊ အချို့ အလွန် ရက်စက်စွာ ပြုမူတတ်ခြင်းများ ဖြစ်တတ်ပါတယ်။ (အားလုံးတော့ မဆိုလိုပါ)။ Accident နဲ့ သဘာဝ ဘေးအန္တရာယ်များ ကြုံဆုံလွယ် တတ်ပါတယ်။

= (27) ရက်မွေးတဲ့ (9)ဂဏန်းသမားတွေကတော့ အားလုံးထဲမှာ အကောင်းဆုံးပါဘဲ။ များသောအားဖြင့် လူမှုရေးသမားများ၊ နိုင်ငံရေးသမားများ အဖြစ် တွေ့ရတတ်တယ်။ နာမည်ကျော် ဘုန်းတော်ကြီးတွေမှာလည်း တွေ့ရတတ်တယ်။ (ရဟန္တာ အရှင်မြတ်ကြီးဖြစ်တဲ့ ကျေးဇူးတော်ရှင် မိုးကုတ် ဆရာတော် ဘုရားကြီးဦးဝိမလ ဟာ (27)ရက်ဖွားဖြစ်ပါတယ်)။ (27)ရက်ကို သင်္ချာဗေဒပညာမှာ “ရာဇလှံတံ” လို့ အမည်ကင်ပွန်းတပ်ပါတယ်။ လူ့သမိုင်းမှာ တစ်ဦးဆိုတစ်ဦး ပေါ်ထွန်းခဲ့တဲ့ မဟာဂရုဏာရှင် “မာသာထရီဇာ” ဟာလည်း (27)ရက်ဖွားပါဘဲ။ (27)ရက်ဖွားတွေဟာ (9) (18)ဂဏန်းတွေလောက် ရုပ်ဝါဒီ မဆန်ဘဲ နာမ်ဝါဒ နဲ့ ဘာသာရေးဘက်ကို ပိုမို ကိုင်းညွတ်ပါတယ်။ အတွေးအခေါ်လည်း ပိုမိုမြင့်မားပါတယ်။ ဘ၀ ကံဇာတာ အလွန်ကောင်းတတ်ပါတယ်။ အောင်မြင်ကျော်ကြား လွယ်ပါတယ်။ ကမ္ဘာကျော်တဲ့ (9)ဂဏန်းသမား အများစုဟာ (27)ရက်ဖွားတွေဘဲ ဖြစ်နေ တာကို တွေ့ရတယ်ဗျ။

ကိုသိန်းဖေ။ ။ ကဲ- ဆရာရေ။ အဆုံးသတ်အနေနဲ့ ဆရာ စုဆောင်းထားတဲ့ ကမ္ဘာကျော် (9)ဂဏန်း သမားများကိုလည်း ပြောပါဦး ဆရာရေ။

ကျွန်ုပ်။ ။ ကမ္ဘာကျော် (9)ဂဏန်းသမားတွေကတော့ – ကဗျာဆရာကြီး လောင်းဖဲလိုး က (27)ရက်ဖွား၊ လုပ်ကြံခံရတဲ့ ဖိလစ်ပိုင် အတိုက်အခံ ခေါင်းဆောင် ဘင်နီနို အကွီနို က (27)ရက်ဖွား၊ အမေရိကန် သမ္မတဟောင်း ရစ်ချတ်နစ်ဆင် က (9)ရက်ဖွား၊ နိုဘယ်ဆုရှင် နယ်လဆင်မန်ဒဲလား က (18)ရက်ဖွား၊ သြစတြီးယား အိမ်ရှေ့မင်းသား ဖရန်စစ်ဖာဒီနန် က (18)ရက်ဖွား၊ နိုဘယ်ဆုရှင် ဂျွန်စတိန်းဘတ် က (27)ရက်ဖွား၊ အမေရိကန် နိုင်ငံခြားရေး ၀န်ကြီးဟောင်း ဟင်နရီ ကစ်ဆင်းဂျားက (27)ရက်ဖွား၊ မော့စ် ကြေးနန်းစနစ်ကို တီထွင်ခဲ့သူ ဆင်မြူရယ် မော့စ် က (27)ရက်ဖွား၊ အာကာသထဲကို ပထမဆုံး ရောက်ခဲ့သူ ယူရီဂါဂါရင် က (9)ရက်ဖွား၊ ဆွံအ နားမကြား၊မျက်မမြင်ဘ၀နဲ့ ပါရဂူဘွဲ့တွေယူနိုင်ခဲ့တဲ့ ဟယ်လင်ကယ်လား က (27)ရက်ဖွား၊ ဂျာမန် နက္ခတ်ပညာရှင် ကတ်ပလာ က (27)ရက်ဖွား၊ အက်ရှင်မင်းသား ဂျင်းကလောက် ဗန်ဒိန်း က (18)ရက်ဖွား၊ ဟောလီးဝုဒ် မင်းသားတွေဖြစ်တဲ့ ကီဗင် ကော့စနာ ၊ ဂျွန်ထရာ ဗိုလ်တာ နဲ့ ဘရက်ပစ် တို့က (18)ရက်ဖွားတွေ၊ အောင်မြင်ကျော်ကြားနေချိန်မှာ ရုတ်တရက် ကွယ်လွန်သွားရရှာတဲ့ ဟောင်ကောင် ကွန်ဖူးမင်းသား ဘရုစ်လီ က (27) ရက်ဖွား၊ နောက်လက်ရှိအောင်မြင်ကျော်ကြားနေတဲ့ ဟောင်ကောင် အက်ရှင်မင်းသား ချောင်ယွန်ဖတ် က (18)ရက်ဖွား၊ အဆိုကျော် ခရစ္စတီးနား အဂွီလီးယား က (18)ရက်ဖွား၊ သဘာဝ မင်းသား တွမ်ဟန့်ခ် က (9)ရက်ဖွား၊ ကလီယို ပက်ထရာ ဇာတ်ကားနဲ့ နာမည်ကြီးခဲ့ပြီး အိမ်ထောင် (၇)ဆက်ပြုခဲ့တဲ့ မင်းသမီးကြီး အဲလီဇဘက်တေလာ က (27)ရက်ဖွား၊ ကမ္ဘာကျော် ဂီတပညာရှင် မိုးဇက် က (27)ရက်ဖွား၊ ဘီတယ် အဆိုကျော် ဂျွန်လီနွန်က (9)ရက်ဖွား၊ ပုပ်ရဟန်းမင်းကြီး ဂျွန်ပေါ က (18) ရက်ဖွား၊ ဆိုဗီယက် အာဏာရှင် ဂျိုးဇက် စတာလင် (18)ရက်ဖွား၊ အမေရိကန် သန်းကြွယ်သူဌေးကြီး ဟင်နရီ ဂျေ ကိုင်ဇာ က (9)ရက်ဖွား၊ မဟာဂရုဏာရှင် မာသာထရီဇာ က (27)ရက်ဖွား၊ အမေရိကန် သမ္မတဟောင်း သီအိုဒို ရု့စ်ဘဲ က (27)ရက်ဖွား၊ ကဗျာစာဆိုကြီး အိုမာခေရမ် က (18)ရက်ဖွား အသီးသီး ဖြစ်ကြပါတယ်ဗျာ။ ကဲ- (9)ဂဏန်းသမားများအကြောင်း တစေ့တစောင်းကို ဒီမှာဘဲ အဆုံးသတ်လိုက်ကြရအောင် လားဗျာ။

ကိုသိန်းဖေ။ ။ ကောင်းပါပြီး ဆရာ။ ကျေးဇူးတင်ပါတယ်ဗျာ။

ဖတ်ရှုသူ အားလုံး ကိုယ်စိတ်နှစ်ဖြာ ချမ်းသာကြပါစေသော်။

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

(8)ဂဏန်းသမားများ အကြောင်း တစေ့တစောင်း

ယနေ့သည် ကျွန်ုပ်နှင့် ကိုသိန်းဖေ တွေ့ဆုံနေကြနေ့ဖြစ်ပြီး ယနေ့ဆွေးနွေးမည့် အကြောင်း အရာ မှာ (8)ဂဏန်း သမားများ အကြောင်း ဖြစ်လေသည်။

ကိုသိန်းဖေ။ ။ ဘယ်နှယ့်လဲ ဆရာ။ ပို့စ်တွေ တင်တာ ကြဲသွားပါလား။

ကျွန်ုပ်။ ။ အေးဗျာ။ မေးခွန်းတွေကို ဟိုထဲဝင်မေး၊ ဒီထဲဝင်မေး ဖြစ်နေလို့ တစ်စုတစ်စည်းထဲ ဖြစ်အောင်ဆိုပြီး အမေး/အဖြေ ကဏ္ဍကို လုပ်လိုက်တာ ၀င်လာတဲ့ လူကို မနည်းဘူးဗျ။ ကျွန်တော် တစ်နေ့ကို ဖြေနိုင်တာက (၁၀)ယောက် လောက် ၊ ၀င်လာတာက အယောက် (၃၀)လောက် ဆိုတော့ ဘာလုပ်ရမှန်းတောင် မသိပါဘူးဗျာ။ တစ်ဖက်က လည်း ကိုယ့်ဝမ်းရေး အတွက် အလုပ်လုပ်ရသေးတယ်လေ။ ပို့စ်တွေလည်း မှန်မှန် မတင်နိုင်တော့ဘူး။ ဒီကြားထဲမှာ MRTV-4 မှာ ကျွန်တော့် ဘလော့ဂ်အကြောင်း ပါလာတယ် ပြောတာဘဲဗျ။ အဲဒါကြောင့်လား မသိဘူး။ ကျ , လိုက်တဲ့ လူတွေဗျာ။ စိတ်တောင် ညစ်စ, ပြုလာပြီ။ ဗေဒင် မဟောချင်ပါဘူးဆိုမှ မေးလိုက် ကြတာဗျာ။

ကိုသိန်းဖေ။ ။ အဲဒါကြောင့် “ကိုယ့်အတတ်၊ ကိုယ်စူး” ဆိုတဲ့ စကားပုံ ပေါ်လာတာပေါ့ဗျာ။ ကဲ- ဆရာ ရေ။ စိတ်ညစ်တာ နောက်မှ ညစ်။ ကျွန်တော်တို့ ပုံမှန် တင်ဆက်မှုလေး စ,လိုက်ကြရအောင်။

ကျွန်ုပ်။ ။ ကိုသိန်းဖေ- ရေ။ (8)ဂဏန်းဟာ(1)ကနေ (9)အတွင်းမှာ ရှိတဲ့ ဂဏန်းထဲမှာ အတော်စွမ်းအားထက်မြက်တဲ့ ဂဏန်းတစ်ခုလို့ ဆိုရမယ်ဗျ။ သူဟာ စနေဂြိုဟ် (Satan)ရဲ့ အမှတ်အသား သင်္ကေတဖြစ်ပြီး ရှေးဟောင်း ဂရိ ဒဏ္ဍာရီတွေမှာရော၊ ခေတ်သစ် ခရစ်ယာန် ဘာသာမှာရော မကောင်းတဲ့ “နတ်ဆိုး” “မာန်နတ်” အဖြစ် သတ်မှတ်ကြတယ်ဗျ။ ခရစ်ယာန်ဘာသာမှာ ဘုရားသခင်ကို အံတုပြီး ဒုက္ခပေးတဲ့ ဇာတ်ကား တွေ မြန်မာနိုင်ငံမှာ တော်တော်များများ ကြည့်ဘူးကြမှာပါ။ သူဟာ အခါအခွင့် သင့်တိုင်း ဘုရားသခင် နဲ့ လူသားတွေကို ဒုက္ခပေးတတ် တယ်လို့ ယူဆကြတယ်ဗျ။ (8)ဂဏန်းဟာ (4)ဂဏန်းနဲ့ ကမ္ဘာရန်လို့ ဆိုရမယ်။ သူတို့ နှစ်ဦးတွေ့တိုင်း ပြင်းထန်တဲ့ ဘေးဒုက္ခတွေ ဖြစ်တတ်တာကို သချာင်္ဗေဒ ပညာရှင်တွေဟာ အတော်ကို လေးလေးနက်နက် ယုံကြည်ကြတယ်ဗျ။ ဒီဂဏန်း (၂)ခုဟာ မတည့်ကြပေမယ့် တစ်ခုနဲ့တစ်ခု ဆွဲအားတော့ အတော်ပြင်းထန်တယ် ဆိုရမယ်ဗျ။ ဘာကြောင့်လဲ ဆိုရင် လင်မယားစုံတွဲ အတော်များများကို လေ့လာကြည့်တဲ့အခါ (4)ဂဏန်းသမား နဲ့ (8)ဂဏန်း သမားတွေ ရကြတာ တော်တော်များတယ်။ ရပြီးတော့လည်း မတည့်ကြဘူး။ အဆင်မသင့်ရင် ကွဲကြပြန်ရော။

ကိုသိန်းဖေ။ ။ ဒီလိုဆိုရင် (8)ဂဏန်းဟာ မာန်နတ်ရဲ့ သင်္ကေတဆိုတော့ (8)ဂဏန်း သမားတွေဟာ လူဆိုးတွေလို့ ပြောလို့ရမလား ဆရာ။

ကျွန်ုပ်။ ။ အဲသည်လိုတော့လည်း ပြောလို့ မရပြန်ဘူးဗျ။ ဂဏန်းသဘောအရတော့ ဟုတ်တယ်။ ဒါပေမယ့် (8)ဂဏန်းသမားတွေထဲမှာ လူကောင်းတွေ၊ လူ့လောကကြီးကို အကျိုးပြုသူတွေ အများကြီးဗျ။ (8)ဂဏန်းသမားတွေဟာ ခက်ခဲကြမ်းတမ်းတဲ့ ဘ၀တွေကို ဖြတ်သန်းရပေမယ့် သူများတွေကို ဒုက္ခပေးတဲ့လူတွေလို့ တော့ သတ်မှတ်လို့ မရပြန် ဘူးဗျ။ အထူးသဖြင့် (17)ရက်မှာ မွေးတဲ့ (8)ဂဏန်းသမားတွေဟာဆိုရင် စိတ်ထားနူးညံ့ကြပြီး လူ့လောကကို အကျိုးပြုသူတွေ ၊ အေးအေးချမ်းချမ်း နေတတ်ကြသူတွေ များတာ ကို တွေ့ရတယ်ဗျ။

ကိုသိန်းဖေ။ ။ (8)ဂဏန်းရဲ့ ထူးခြားတဲ့ သင်္ကေတ လေးတွေကရော ဆရာ။

ကျွန်ုပ်။ ။ အရပ် (၈)မျက်နှာ နဲ့ ဂြိုဟ်ကြီး (၈)လုံး၊ ငရဲဘုံ (၈)ထပ်၊ လောကဓံတရား (၈)ပါး၊ မဂ္ဂင် (၈)ပါး၊ ဗုဒ္ဓဘာသာတွေ ဥပုဒ်စောင့်တဲ့ (၈)ပါးသီလ၊ ဘုရားဂုဏ်တော်တွေမှာ ၀ိဇ္ဇာ(၈)ပါးဂုဏ်တော်၊ မဟာဘုတ်မှာ သက်ရောက်ဂြိုဟ် (၈)လုံး၊ ပထ၀ီ၊ ၀ါယော၊ အာပေါ၊တေဇော ဆိုတဲ့ ဓာတ်ကြီး (၄)ပါးကို အဖို , အမ ခွဲလိုက်ရင် ဓာတ် (၈)ပါးပွားများခြင်း၊ စစ်အင်္ဂါ (၈)ပါး၊ တွေဟာ (8)ဂဏန်းနဲ့ သက်ဆိုင်တဲ့ သင်္ကေတာတွေဘဲ ဖြစ်ပါတယ်။ နောက်တစ်ခုက တရုတ်လူမျိုး တို့ရဲ့ “ယိကျင်း”ဗေဒင်ပညာမှာ “ယင်ဓာတ်” နဲ့ “ယန်ဓာတ်”ကို အခြေခံထားပြီး “တြိရေခါ (8)ခု” နဲ့ ဖွဲ့စည်း တည်ဆောက် ထားတာဖြစ်ပါတယ်။

ကိုသိန်းဖေ။ ။ (8)ဂဏန်းသမားတွေရဲ့ စရိုက်လက္ခဏာတွေကို ပြောပြပါဦး ဆရာ။

ကျွန်ုပ်။ ။(8)ဂဏန်းသမားတွေဟာ ငယ်စဉ်ဘ၀မှာ လောကဓံများခဲ့ကြသူတွေများပြီး ဒုတိယ၊ တတိယ အရွယ်မှာ ကောင်းစားကြတာ များတယ်ဗျ။ သူတို့ဟာ ဘ၀မှာ နေရာကောင်းတစ်ခုရဖို့ အခက်အခဲပေါင်းများစွာ၊ ဒုက္ခပေါင်းများစွာကို အရင်းတည်ပြီးမှ ရလာကြသူတွေများတယ်ဗျ။ ရွှေဇွန်းကိုက်မွေးလာသူတွေ ရှိကောင်းရှိပေမယ့် အလွန်နည်းပါတယ်။ သူတို့ဟာ ဇွဲကောင်း၊ သတ္တိကောင်းသူတွေဖြစ်ပြီး ၀ီရိယလည်း ကောင်းတတ်ကြတယ်။ လောကဓံတရားကို ခံနိုင်ရည် ရှိသူတွေဖြစ်ကြတယ်။

= (8)ဂဏန်းသမားတွေဟာ အခက်အခဲ ပြဿနာတွေနဲ့တွေ့ရင် နောက်ဆုတ်ပြေးလေ့မရှိဘဲ ရင်ဆိုင်ဖြေရှင်းလေ့ရှိသူတွေဖြစ်တယ်။ သူတို့ရဲ့ မဆုတ်မနစ်တဲ့ ဇွဲလုံ့လကြောင့် နောက်ဆုံးမှာ အောင်ပွဲခံရတာများတယ်။ လုံးဝ သုံညဘ၀မျိုးရောက်သွားရင်တောင်မှ မီးလျှံငှက် (Phoenix) လို ပြာပုံထဲက ပြန်ရှင်သန်လာနိုင်သူတွေဖြစ်တယ်။ (26)ရက်နေ့မှာ မွေးတဲ့ တရုပ်နိုင်ငံရဲ့ ခေါင်းဆောင်ကြီး “မော်စီတုန်း” ဆိုရင် “ချန်ကေရှိတ်” ရဲ့ တိုက်ခိုက်မှုတွေကို မခံနိုင်တော့လို့ မြောက်ပိုင်း မိုင် (5000)ခရီး အထိဆုတ်ခွာပြေးခဲ့ရပေမယ့် နောက်ဆုံးမှာတော့ တရုပ်ပြည်ကြီးကို ပြန်လည် သိမ်းပိုက် နိုင်တဲ့ ဇွဲနဘဲက (8)ဂဏန်းသမားတွေရဲ့ သတ္တိဘဲဗျ။

= (8)ဂဏန်းသမားမှန်ရင် ဘ၀ကို ကိုယ့်ဘ၀ကိုယ် တည်ဆောက်နေတတ်ကြသူ၊ ကိုယ့်ဂုဏ်သိက္ခာကို တန်ဖိုးထားသူတွေများတယ်ဗျ။ သူတို့ဟာ အသောက်အစား၊ အပျော်အပါးတွေကို သိပ်ခုံမင်လေ့မရှိဘဲ အလုပ်ကို ပိုပြီး ဦးစားပေးတတ်ကြသူများဖြစ်တယ်။ အပျော်အပါးရှိသင့်သလောက်တော့ ရှိမှာပေါ့ဗျာ။ ဒါပေမယ့် သူတို့ ခေါင်းထဲမှာ စွဲဝင်နေတာကတော့ “အလုပ်” ဘဲဗျ။ “အောင်မြင်ကြီးပွားရေး” ဘဲဗျ။

= သူတို့ဟာ လက်တွေ့ကျသူများဖြစ်ပြီး စိတ်ကူးယဉ်တတ် ကြသူများမဟုတ်ဘူး။ လောကကြီးမှာ ကိုယ်လိုချင်တာရဖို့ တန်ရာတန်ကြေးပေးရမယ်ဆိုတဲ့ သဘောတရားကို ယုံကြည်ကြသူများဖြစ်တယ်။ အချောင်လမ်းစဉ်လိုက်သူ နည်းပါးတယ်။

= (8)ဂဏန်းသမားအတော်များများဟာ ကပ်စေးနဲ ချွေတာ တတ်ကြသူများဖြစ်ပြီး ငွေကြေးကို အလဟသ သုံးဖြုန်းပစ်လေ့မရှိတတ်ကြဘူး။ သူတို့ သုံးစွဲရင်လည်း “ထောင်မြင်၊ ရာစွန့်” သဘောမျိုး စွန့်လွှတ်တာမျိုးဖြစ်တတ်တယ်။ ဒါပေမယ့် သူတို့ သဒ္ဓါရက်ရောမိပြီ ဆိုရင်တော့ လုံးဝမငဲ့ကွက်ဘဲ လှူဒါန်း တတ်ကြတဲ့သူတွေဖြစ်တယ်ဗျ။ အမေရိကန် ရေနံသူဌေးကြီး “ဂျွန်ဒီရောက်ဖဲလား” ဆိုရင် ကပ်စေးနဲတဲ့နေရာမှာ အလွန်နာမည်ကြီးပေမယ့် သူမသေခင်မှာ “ရောက်ဖဲလားဖောင်ဒေးရှင်း” ဆိုတဲ့ အဖွဲ့ကြီးကို ဒေါ်လာ သန်းရာနဲ့ ချီပြီးတည်ထောင်ခဲ့တယ်။ အဲဒီဖောင်ဒေးရှင်းဟာ ဆေးဝါး ထုတ်လုပ်ရေးနဲ့ သုတေသန အတွက်ဖြစ်ပြီး ဒီအဖွဲ့ရဲ့ ကျေးဇူးကြောင့် လူ့အသက် သန်းပေါင်းများစွာကို ကယ်တင်နိုင် ခဲ့တဲ့ သာဓကတွေရှိတယ်ဗျ။

= (8)ဂဏန်းသမားအတော်များများဟာ သူများကို ဒုက္ခမပေးတတ်ကြတာများပေမယ့် သူတို့ကို ဒုက္ခပေးလာသူများကိုတော့ ပြန်ပြီး လက်စားချေရမှ ကျေနပ် သူများဖြစ်တယ်။ သွေးအေးအေး၊ ခေါင်းအေးအေးနဲ့ စနစ်တကျ အကွက်ချပြီး တန်ပြန် ထိုးနှက်တတ်ကြတယ်။

= သူတို့ဟာ နဲနဲတော့ ပေါင်းဖို့သင်းဖို့ ခက်ခဲသူတွေဖြစ်တတ်တယ်။ လူ့ဂွစာတွေလည်း ပါတတ်တယ်။ အကြောင်းသိသွားရင်တော့ အလွန်ပေါင်းလို့ သင်းလို့ ကောင်းတဲ့သူတွေ ဖြစ်တယ်။ ကိုယ့်မိတ်ဆွေကောင်းတွေအပေါ်မှာ သစ္စာရှိတတ်ကြသူများဖြစ်တယ်။

= (8)ဂဏန်းသမားတွေဟာ ထိပ်ဆုံးကို ရောက်လာရင် လွယ်လွယ်နဲ့ ပြန်လည် ကျဆုံးသွားဖို့ မလွယ်လှဘူး။ ဒီနေရာမှာတော့ (4)ဂဏန်းသမားတွေနဲ့ ဆန့်ကျင် ဘက်ဘဲ။ (4)ဂဏန်းသမားတွေက “ကနေ့သူဌေး၊ မနက်ဖြန်ခွေး” ဆိုတာမျိုး မကြာခဏဖြစ်တတ်တယ်။

= သူတို့တစ်တွေဟာ လူကြည့်ရင် သိပ်အထင်ကြီးစရာမရှိပေမယ့် အလွန်လိမ္မာပါးနပ်ကြသူများဖြစ်တယ်။ ရှေ့ရေးကို ကြိုတင်သိမြင်တတ်ပြီး အနာဂါတ်မှာ ဖြစ်လာမှာ တွေကို တွက်ချက်တဲ့ နေရာမှာ အလွန်တော်သူတွေဖြစ်တယ်။

ကိုသိန်းဖေ။ ။ (8)ဂဏန်းသမားတွေရဲ့ အိမ်ထောင်ရေး၊ အချစ်ရေး နဲ့ မိတ်ဘက်တွေကို ပြောပြပါဦးဆရာ။

ကျွန်ုပ်။ ။(8)ဂဏန်းသမားတွေဟာ အချစ်ရေး နဲ့ အိမ်ထောင်ရေးမှာ အေးစက်စက် နိုင်ကြသူများဖြစ်တတ်တယ်။ သူတို့ဟာ သူတို့အချစ်ကို ပွင့်ပွင့်လင်းလင်း ဖော်ထုတ် ပြသလေ့မရှိတတ်ကြဘူး။ အချစ်ရေး အိမ်ထောင်ရေးတွေမှာ သစ္စာရှိတတ်ကြသူများဖြစ်တယ်။ ဒါပေမယ့် (26)ရက်ဖွား တွေ ကျတော့ သစ္စာတရား သိပ်တန်ဖိုးမထားတတ်ကြ ပြန်ဘူးဗျ။ ဒါပေမယ့် အိမ်ထောင့်ဝတ္တရားတော့ ကျေပွန်ကြတဲ့ သူတွေဖြစ်ကြပြန်တယ်။ နောက်တစ်ခုက သင်္ချာသဘောအရ (8)ဂဏန်းနဲ့ တည့်တဲ့ဂဏန်း ရှားပါတယ်။ (1)ဂဏန်း , တနင်္ဂနွေဂြိုဟ်ဆိုတဲ့နေမင်းကို ဖက်ပြိုင်တုပနိုင်စွမ်းရှိတာ (8)ဂဏန်းဘဲရှိတော့ သူနဲ့လည်း မတည့်ဘူး။ (2)ဂဏန်းသမားကျတော့ အလွန်အားပျော့တဲ့အတွက် သူလုပ်သမျှ ခံရမယ့် ဂဏန်းမျိုးဖြစ်တယ်။ ကြာသပတေးဂြိုဟ် (3)ဂဏန်း သမားကျတော့ ဘုရားသခင်၊ တရားဓမ္မကို အစိုးရတဲ့ဂြိုဟ်ဖြစ်ပြီး (8)ဂဏန်းက မိစ္ဆာဂြိုဟ် အမှတ်အသားဖြစ်တော့ မတည့်ပြန်ဘူး။ လူချင်းတည့်ချင်တည့်မယ်။ ဓာတ်မတည့်ဘူး။ (4)ဂဏန်း သမားနဲ့ ကျတော့ ကမ္ဘာရန်။ အဲ- (5)ဂဏန်းသမားကတော့ အားလုံးနဲ့ မိတ်ဖြစ်အောင် ပေါင်းနိုင်တော့ တည့်တယ်လို့ ဆိုရမယ်။ (6)ဂဏန်းသမားတွေကလည်း ငြိမ်းချမ်းရေးသမားတွေဆို တော့ (8)ဂဏန်းကို သည်းခံနိုင်စွမ်းရှိတယ်။ (7)ဂဏန်းသမားနဲ့လည်း သဟဇာတ ဖြစ်တာကိုတွေ့ရပြန်ပါတယ်။ (8)ဂဏန်းသမားခြင်းလည်း မဆိုးပါဘူး။ (9)ဂဏန်းနဲ့ကျတော့ စနေ အင်္ဂါ တွဲမိရင် ဘေးဥပဒ်ဆိုးတွေ၊ သွေးထွက်သံယိုမှုတွေ အနိဌာရုံတွေ ဖြစ်နိုင်ပြန်ပါရော။

ဒီတော့ (8)ဂဏန်းနဲ့ လောက်လောက်လားလား တည့်တာဆိုလို့ (5)(6)(7) နဲ့ သူနဲ့ မျိုးတူ (8) ဘဲဆိုရမယ်ဗျ။ ဒီနေရာမှာတော့ ကျွန်တော့် အယူအဆ တွေက ဂဏန်းဗေဒင် စာအုပ်ထဲတွေ ထဲကနဲ့ ကွဲလွဲမှုတွေ ရှိနိုင်တယ်။ ဒါပေမယ့် ကျွန်တော်က လက်တွေ့လေ့လာပြီးမှ ပြောတာဆိုတော့ သိပ်မယုံရင် ကိုယ်တိုင် ကွင်းဆင်း လေ့လာကြပေတော့ဗျာ။

ကိုသိန်းဖေ။ ။ (8)ဂဏန်းသမား (၃)မျိုးရဲ့ သီးခြား စရိုက်လက္ခဏာတွေကိုလည်း ပြောပြပါဦး ဆရာ။

ကွန်ုပ် ။ ။ အင်္ဂလိပ် (8)ရက်နေ့မှာ မွေးတဲ (8) ဂဏန်းကတော့ “ထီးတည်း” ဂဏန်းသမားတို့ရဲ့ထုံးစံအတိုင်း ပေါင်းရ၊ သင်းရ ကြပ်တတ်တယ်။ နဲနဲ ဂွကျကျ လူစားမျိုးတွေဘဲ။ အလုပ်ကြိုးစားတယ်။ ဇွဲနဘဲ ကြီးတယ်။ ဆိတ်ဆိတ်ငြိမ်ငြိမ် နေတတ်တယ်။ အပြောအဆိုတိုတောင်းတတ်တယ်။ မာယာ ပရိယာယ် မရှိတတ်ဘူး။ ကျေးဇူးတရားကိုလည်း အလွန်သိတတ်သူများဖြစ်တယ်။ ကပ်စေးနဲ လက်ပေါက်ကပ်သူများလည်း ဖြစ်တတ်တယ်။ လူအများနဲ့ ဒွေးရော ယှက်တင် နေလေ့ မရှိတတ်ကြဘူး။ တစ်ချို့ဆိုရင် “အလုပ်စွဲ ရောဂါ” စွဲကပ်နေသူများတောင် တွေ့ရပါတယ်။

= အင်္ဂလိပ်ရက် (17)ရက်နေ့မှာ မွေးတဲ့သူတွေကတော့ (8)ဂဏန်းသမားတွေထဲမှာ “ရှယ်” လို့ဆိုရမှာပေါ့ဗျာ။ ကမ္ဘာကျော်တဲ့ (8)ဂဏန်း သမားတွေကလည်း (17)ရက်ဖွားတွေ ပိုများတယ်ဗျ။ ဒီနေရာမှာ ကျွန်တော်ပြောချင်တာတစ်ခုက “ဂဏန်းဗေဒင်ဟာ တားရော့ကဒ်တွေနဲ့ သွားပြီး ဆက်စပ်ရုံမျှမက တားရော့ကဒ်ဂဏန်းတွေရဲ့ လွှမ်းမိုးမှုကို အများဆုံး ခံရတဲ့ သဘော” ကို သွားတွေ့တယ်ဗျ။ ဂဏန်းဗေဒင်ပညာကို တဖက်ကမ်းခတ် ကျွမ်းကျင်တတ်မြောက်ချင်ရင် “တားရော့” ကို လုံးဝ လက်လွှတ်လို့ မရဘူး။ ပိုင်နိုင်ဖို့ လိုတယ်။ (17)ဂဏန်းဟာ တားရော့ကဒ်မှာ “The Star , သောကြာကြယ်” ဆိုတဲ့ ဂဏန်းကဒ်ဖြစ်တယ်။ “မှော်ဆရာရဲ့ကြယ်” လို့လည်း ခေါ်တယ်။ ဒီကဒ်ဟာ အလွန်အတိတ်နိမိတ်ကောင်းတဲ့ ကဒ်ဖြစ်တယ်။ ဂမ္ဘီရ ပညာရပ်တွေနဲ့လည်း ပတ်သက် နေတဲ့ဂဏန်း ဖြစ်တယ်။

ဒါကြောင့်မို့ (8)ဂဏန်းသမားတွေထဲမှာ (17)ရက်ဖွားတွေဟာ ဉာဏ်ပညာထက်မြက်ခြင်း၊ လူချစ်လူခင် များခြင်း၊ အများအကျိုး ဆောင်ရွက်တတ်ခြင်း၊ ရိုးသား ဖြောင့်မတ်ခြင်းဆိုတဲ့ ဂုဏ်တွေ နဲ့ ပြည့်စုံကြတယ်ဗျ။ သူတို့ဟာ လူအများ အကျိုး ဆောင်ရွက်သူတွေ များကြပြီး ဒုက္ခပေးမှု အလွန်နည်းကြတယ်။ လျှို့ဝှက်နက်နဲတဲ့ ပညာရပ်တွေကို လိုက်စား တတ်ကြတယ်။ အတွေး အခေါ် ဒဿနလည်း မြင့်မားကြတယ်ဗျ။ နောက်ပြီး Current of Destiny လို့ခေါ်တဲ့ မွေးတဲ့ ခုနှစ်ဂဏန်း (17)ရတဲ့လူတွေဟာ ဆရာသမား အကြီးအကဲတွေ ဖြစ်ကြပြီး တပည့်တပန်း အလွန်များတတ်ကြတယ်။ ဥပမာ- 1952 လို ဂဏန်းမျိုးပေါ့ဗျာ။ နောက်ပြီး (17) ဂဏန်းဟာ ဥပစ္ဆေဒက ကံကို အကာအကွယ်ပေးနိုင်တဲ့ ဂဏန်းဖြစ်ပြီး မွေးဂဏန်း (17)ရသည်ဖြစ်စေ၊ မွေးခုနှစ် (17)ရသည် ဖြစ်စေ အသေဆိုးနဲ့ သေတာ အလွန့်အလွန်နည်းတာကို တွေ့ရ တယ်ဗျ။

= (26)ရက်မွေးတဲ့ (8)ဂဏန်းသမားတွေကတော့ တစ်ကိုယ်ကောင်း နဲနဲဆန်ချင်ပြီး လျှို့ဝှက်မှုတွေ ရှိတယ်ဗျ။ သူတို့ဟာ အာဏာရှင်ဆန်ပြီး တစ်ဖက်သားအပေါ် လွှမ်းမိုးလို သူများလည်းဖြစ်တယ်။ စကားပြောရင် နဲနဲ ဂွတိုက်ပြောချင်တဲ့သဘော၊ လှောင်ပြောင်ပြောချင်တဲ့ သဘောတွေရှိတယ်။ အိမ်ထောင်ရေး၊ အချစ်ရေးမှာတော့ ကျန်တဲ့ (8)ဂဏန်း သမားတွေနဲ့ ယှဉ်ရင် မျက်နှာများ တတ်တယ်။ ဖောက်ပြန်လွယ်တယ်။ အိမ်ထောင်ဆက်လည်း များသွားနိုင်တယ်။ ငယ်စဉ်ကာလမှာ ခက်ခဲကြမ်းတမ်း တဲ့ ဘ၀မျိုးကို ဖြတ်သန်း ပြီးမှ အောင်မြင်လာတတ်တယ်။ ဒီနေရာမှာ ကျွန်တော် သွားတွေ့မိတာက (8)ဂဏန်းသမား အတော် များများဟာ အိုဇာတာ ကောင်းတတ်ကြတယ်ဗျ။ (26)ဂဏန်းသမားတွေ တစ်ခုသတိထားရမှာက Accident ပါဘဲ။ Current of Destiny ဆိုတဲ့ မွေးခုနှစ် မကောင်းရင် ဥပစ္ဆေဒကံ ရှိသူများဖြစ်တယ်။

ကိုသိန်းဖေ။ ။ အင်း- ပြည့်စုံပါပေ့ဆရာရယ်။ ကမ္ဘာကျော်တဲ့ (8)ဂဏန်းသမားတွေကိုလည်း ပြောပြပါဦး။

ကွန်ုပ် ။ ။ ကမ္ဘာကျော် (8)ဂဏန်းသမားတွေကတော့ – ဗြိတိသျှ နန်းရင်းဝန် အကျော်အမော် “လွိုက်ဂျော့” က (17)ရက်ဖွား၊ အမေရိကန် သန်းကြွယ်သူဌေးကြီး ဂျွန်ပီးယားပွန့် မော်ဂန် (စီနီယာ)က (17)ရက်ဖွား၊ အာရေဗျသဲကန္တာရမြေခွေးလို့ နာမည်ရတဲ့ ဗြိတိသျှ စစ်ဗိုလ်ချုပ်ကြီး “မောင့်ဂိုမာရီ” က (17)ရက်ဖွား၊ ဟေလီ ကြယ်တံခွန်ကို ရှာတွေ့ခဲ့တဲ့ နက္ခတ်ပညာရှင် “အက်ဒမွန် ဟေလီ” က (8)ရက်ဖွား၊ အင်ဒိုနီးရှား အာဏာရှင်ဟောင်း ဆူဟာတို က (8)ရက်ဖွား၊ မြန်မာနိုင်ငံထဲက ဂျပန်တွေကို မောင်းထုတ်တဲ့နေရာမှာ အရေး ပါခဲ့ပြီး လေယာဉ်ပျက်ကျ ကွယ်လွန်သွားတဲ့ ဗိုလ်ချုပ် “အော်ဒီ ၀င်းဂိတ်” က (26)ရက်ဖွား၊ ဟောလီးဝုဒ်မင်းသားကြီး “ဂျွန်ဝိန်း” က (26)ရက်ဖွား၊ အော်စကာဆုတွေ အကြိမ်ကြိမ် ရခဲ့တဲ့ မင်းသား “ဒတ်စတင် ဟော့ဖ်မန်း” က (8)ရက်ဖွား၊ သေဒဏ်ပေးခံရတဲ့ ရူမေးနီးယားသမ္မတ “နီကိုလပ်စ် ချောင်စက်စကူ” က (26)ရက်ဖွား၊ ဘက်စကတ်ဘော ချန်ပီယံ “မိုက်ကယ်ဂျော်ဒန် ” က (17)ရက်ဖွား၊ သဘောထား ပျော့ပြောင်းတဲ့ ဆိုဗီယက်အာဏာရှင်တစ်ဦးဖြစ်တဲ့ “နီကီတာ ကရူးရှက်ဗ်” က (17)ရက်ဖွား၊ ဟောင်ကောင်နဲ့ ဟောလီဝုဒ် အက်ရှင် မင်းသား “ဂျက်လီ” က (26)ရက်ဖွား၊ တင်းနစ်ချန်ပီယံ “ရော်ဂျာဖက်ဒရာ” က (8)ရက်ဖွား၊ ဂျာမန် ဘောလုံးစတား “မိုက်ကယ်ဘောလက်” က (26)ရက်ဖွား၊ နောက်စတား တစ်ယောက်ဖြစ်တဲ့ “ဂျိုလ်ကိုးလ်” က (8)ရက်ဖွား၊ မော်ဒယ် “ပဲရစ် ဟီလ်တန်” က (17)ရက်ဖွား၊ ဟာသမင်းသား “ဂျင်ကာရေး” က (17)ရက်ဖွား၊ အက်ရှင်မင်းသား “ကာ့တ်ရပ်ဆဲလ်” က (17)ရပ်ဖွား၊ ကမ္ဘာကျော် ဂီတပညာရှင်ကြီး “ဗီသိုဗင်” က (17)ရက်ဖွား၊ အမေရိကန်နိုင်ငံတည်ထောင်ရာမှာ ပါဝင်ခဲ့သူ ပညာရှိကြီး “ဘင်ဂျမင်ဖရင်ကလင်” က (17)ရက်ဖွား၊ တစ်ချိန်က “ရော့အင်ရိုးလ်” နဲ့ တေးဂီတနဲ့ ကမ္ဘာကျော်ခဲ့တဲ့ “အဲလ်ဗစ် ပရက်စလေ” က (8)ရက်ဖွား၊ အတွေးအခေါ်ပညာရှင်နဲ့ စာရေးဆရာကြီး “ဂျော့ဘားနတ်ရှော” က (26)ရက်ဖွား၊ ဒုတိယကမ္ဘာစစ် ဗိုလ်ချုပ်ကြီး မက်အာသာ က (26)ရက်ဖွား၊ လက်ဝှေ့အကျော်အမော် “မိုဟာမက်အလီ” က (17)ရက်ဖွား၊ တရုပ်နီ ခေါင်းဆောင်ကြီး “မော်စီတုန်း” က (26)ရက်ဖွား၊ “ဆိုနီ” အမှတ်တံဆိပ်ရဲ့ ဖခင်ကြီး “မိုရိတ အကီယို” က (26)ရက်ဖွား၊ အမေရိကန် သူကြွယ်ကြီး “ဂျွန်ဒီ ရောက်ဖဲလား” က (8)ရက်ဖွား၊ အမေရိကန်သမ္မတ “ဟယ်ရီ အက်စ် ထရူးမင်း” က (8)ရက်ဖွား၊ “လေရူးသုန်သုန်” ၀တ္တုတစ်ပုဒ်ထဲနဲ့ ကမ္ဘာကျော်ခဲ့ရတဲ့ စာရေးဆရာမ “မာဂရက် မစ်ချယ်” က (8)ရက်ဖွား၊ လူသေသော်လည်း ယနေ့ထိအောင် နာမည်မသေသေးတဲ့ ဗြိတိသျှ ပြဇာတ်စာရေးဆရာကြီး “၀ီလျှံ ရှိတ်စ်ပီယား” က (26)ရက်ဖွား၊ ကမ္ဘာ့ ကြက်ခြေနီ ဖခင်ကြီး “ဟင်နရီ ဒူးနန့်” က (8)ရက်ဖွား၊ သန်းကြွယ်သူဌေး ထိုင်းဝန်ကြီးချုပ်ဟောင်း “သက်ဆင် ရှင်နာဝပ်”က (26)ရက်ဖွားတွေဖြစ်ကြပါတယ်။

ကိုသိန်းဖေ။ ။ အခုလို ပြည့်ပြည့်စုံစုံ သိခွင့်ရတဲ့အတွက် ကျေးဇူးပါဘဲ ဆရာရယ်။ ကဲ- နောက်တစ်ပတ်မှာတော့ (9)ဂဏန်းသမားတွေအကြောင်း မပျက်မကွက်ကလေး ဆွေးနွေး လိုက်ကြအောင်ဗျာ။

ကျွန်ုပ် ။ ။ ကောင်းပါပြီဗျာ။ ကြိုးစားပါ့မယ်။

ဖတ်ရှုသူအားလုံး ကျန်းမာချမ်းသာကြပါစေ။

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)

(7)ဂဏန်းသမားများ အကြောင်း တစေ့တစောင်း

ကျွန်ုပ်သည် ဘလော့ဂ်နှင့် ကင်းကွာနေသည်မှာ အတော်ကြာခဲ့လေပြီ။ ပို့စ်အသစ် များကိုလည်း မတင်နိုင် သည်မှာ ကြာလှပြီဖြစ်၍ ကျွန်ုပ် ဘလော့အား ပုံမှန် ၀င်ရောက် ဖတ်ရှုကြသူများကိုလည်း အားနာလှပါချေပြီ။ ကျွန်ုပ် ခရီးထွက်ရာမှ ပြန်ရောက်သည်ကြားသည်နှင့် ကိုသိန်းဖေ လည်း အလျှင်အမြန် ရောက်ချ လာလေတော့ သည်။

ကိုသိန်းဖေ။ ။ ဘယ်နှယ့်လဲ ဆရာ။ ရိပ်သာ တစ်လလောက်ဝင်မယ်ဆိုပြီး အခု (၁၀)ရက်နဲ့ ပြန်ရောက်လာ သလား။ အိမ်လွမ်းတယ် ထင်ပါ့ဗျာ။

ကျွန်ုပ်။ ။ အေးဗျာ။ ပြောတော့ ကိုသိန်းဖေ ရေ။ ဖြစ်ပုံတော့ မပြောချင်ပါဘူး။ တရားအားထုတ်နေရင်း ကျန်းမာရေး ချို့ယွင်း လာလို့ (၁၀)ရက်နဲ့ဘဲ စခန်းသိမ်းခဲ့ရတယ် ဗျာ။

ကိုသိန်းဖေ။ ။ သြော်- ဟုတ်လား။ သိပါဘူးဗျာ။ ကျွန်တော်က အိမ်လွမ်းလို့များ ချက်ခြင်း ပြန်လာသလားလို့။

ကျွန်ုပ်။ ။ အိမ် သံယောဇဉ်က ဒီလောက်မဟုတ်ပါဘူးဗျာ။ တကယ်တော့ အလုပ် သံယောဇဉ်က ပိုများတယ်။ ပြီးတော့ အခုလုပ်ထားတဲ့ ဘလော့ရဲ့ သံယောဇဉ်ကလည်း မနည်းပေဘူးဗျ။ ဒီသံယောဇဉ် တွေကို မဖြတ်နိုင်သရွေ့တော့ သံသရာက ရှည်ဦးတော့မှာဘဲပေါ့ဗျာ။

ကိုသိန်းဖေ။ ။ ဟုတ်ပါပြီဗျာ။ ကဲ-ဆရာ ရေ။ ကျွန်တော်တို့ တနင်္ဂနွေ စကားဝိုင်းလေးကိုလည်း မျှော်တဲ့သူတွေ မျှော်နေကြလောက်ပြီ။ စ, လိုက်ကြအောင်လားဗျာ။ ဒီတစ်ပတ်ကတော့ (7)ဂဏန်းသမားတွေရဲ့ အလှည့်မဟုတ်လားဗျာ။

ကျွန်ုပ်။ ။ ဟုတ်ပါတယ်ဗျာ။ (7)ဂဏန်းရဲ့ ထူးခြားဆန်းကြယ်မှုလေးတွေနဲ့ စ,လိုက်ကြရအောင်လားဗျာ။ ကိုသိန်းဖေရေ – (7)ဂဏန်းဟာ ဂရိလူမျိုးတွေရဲ့ ဒဏ္ဍာရီမှာ “ပိုဆီဒွန်” (Posiedon) လို့ခေါ်တဲ့ ပင်လယ်နတ်ဘုရားရဲ့ အမှတ်အသားဂဏန်းဘဲဗျ။ ဂရိတွေက “ပိုဆီဒွန်” ခေါ်ကြတဲ့ နတ်ဘုရားကို ရောမလူမျိုးတွေက “နက်ပကျွန်း” လို့ ခေါ်ဝေါ် ကြပြန်သဗျ။ ပိုဆီဒွန်နတ်ဘုရားဟာ ပင်လယ်သမုဒ္ဒရာကို ပိုင်စိုးတဲ့ နတ်ဖြစ်တယ်လို့ ယူဆကြပြီး၊ သူဟာ “ပင်လယ်မုန်တိုင်း” “ငလျှင်” နဲ့ “မြင်း” တွေကို ပိုင်စိုးတယ်လို့ ယူဆကြတယ်ဗျ။ ရှေးအခါတုန်း ကတော့ ပင်လယ် မုန်တိုင်းတွေ နဲ့ ငလျှင်လှုပ်ခြင်းတွေဟာ ပိုဆီဒွန် နတ်ဘုရား အမျက်ဒေါသထွက်လို့ဖြစ်ရတာလို့ ယူဆကြတယ်ဗျ။

ကိုသိန်းဖေ။ ။ ဟိုရှေးအခါကတော့ လူတွေဟာ သဘာဝတရားကြီးအကြောင်းကို သိပ်နားမလည်ကြတော့ မီးတောင်ပေါက်ကွဲတာတွေ၊ ငလျှင်လှုပ်တာတွေ၊ မုန်တိုင်းကျတာ တွေဟာ နတ်ဘုရားတွေ စိတ်ဆိုးအမျက်ထွက်ကြတာလို့ဘဲ ယူဆခဲ့ကြတယ်လို့ ကျွန်တော်ကြားဘူးတယ်။ ဒါကြောင့် နတ်ဘုရားတွေ စိတ်ဆိုးပြေအောင် ယဇ်ပူဇော်မှုတွေ ပေါ်ပေါက်လာရတာမဟုတ်လား။

ကျွန်ုပ်။ ။ ဘာဘဲဖြစ်ဖြစ် – ဒီ နတ်ဘုရားဒဏ္ဍာရီတွေကိုတော့ အိပ်ရာဝင် ပုံပြင်မျိုးထက် လူမျိုးတစ်မျိုးရဲ့ သမိုင်းအမွေအနှစ်အဖြစ် ဆက်လက် ထိန်းသိမ်းထားသင့်တယ်လို့တော့ ယူဆမိတယ်ဗျာ။ ယုတ္တိရှိတာမရှိတာထက် သမိုင်းရဲ့ တန်ဖိုးက ပိုမိုကြီးမားတယ်မဟုတ်လား။ ကဲ- ကိုသိန်းဖေရေ၊ ဆက်ကြရအောင်ဗျာ။ (7)ဂဏန်းရဲ့ထူးခြားချက်တွေကတော့ ရက်သတ္တပါတ်တစ်ခုမှာ နေ့(၇)နေ့ရှိတာရယ်၊ လ,ဟာ (၇)ရက်တစ်ကြိမ် လဆန်းခြင်း၊ လဆုတ်ခြင်းဆိုတဲ့ ပုံမှန်စက်ဝန်းအတိုင်းလည်ပတ်နေတာရယ်၊ လူ့ကိုယ်ခန္ဓာမှာ ဒွါယ (၉)ပေါက်ရှိတဲ့အနက် (၇)ပေါက်ဟာ မြင့်မြတ်တဲ့ ကိုယ်အင်္ဂါ အစိတ်အပိုင်း ဖြစ်တဲ့ ဦးခေါင်းမှာဘဲ ရှိနေတာရယ်၊ ဂီတသီချင်းမှန်သမျှ “ဒို၊ ရေ၊ မီ၊ ဖာ၊ ဆို၊ လာ၊ တီ” ဆိုတဲ့ သံစဉ် (၇) ပါးနဲ့ ဖွဲ့စည်းထားတာရယ်၊ သက်တန့်မှာ ရောင်စဉ် (၇)ပါးနဲ့ ဖွဲ့စည်းထားတာရယ်၊ ကမ္ဘာရဲ့ မြင့်မြတ်တဲ့နေရာတွေ အများကြီးရှိတဲ့အထဲမှာ အံ့ဘွယ်နေရာဌာနတွေကို (၇)ပါး၊ (၇)နေရာ အဖြစ် သတ်မှတ်ထားတာတွေဟာ (7)ဂဏန်းရဲ့ ထူးခြားချက်တွေ ပေါ့ဗျာ။

ကိုသိန်းဖေ။ ။ ကျွန်တော်ကြားဘူးတာတစ်ခုက ကလေးတွေဟာ လ,မစေ့ဘဲ မွေးတဲ့အခါမှာ (8)လ,ထဲမှာဆိုရင် အသက်မရှင်ဘဲ (7)လ,ထဲမှာ ဆိုရင် အသက်ရှင်တယ် ဆိုတာ ကော ဟုတ်လားဗျ။

ကျွန်ုပ်။ ။ ဒါလည်း ဟုတ်တယ်ဗျ။ (8)ဂဏန်းဟာ စနေဂြိုဟ်ရဲ့ အမှတ်အသားဖြစ်လို့လားမသိဘူး။ လ,မစေ့ဘဲမွေးတဲ့ကလေးတွေဟာ (8)လထဲမှာ အသက်ရှင်ခဲပြီး (7)လ,ထဲမှာ မွေးရင်တော့ အသက်ရှင်ကြတယ်ဗျ။ ဒါဟာ (7)ဂဏန်းဟာ ရှင်သန်ခြင်း အမှတ်အသားကို ကိုယ်စားပြုတဲ့ လက္ခဏာဘဲဗျ။ သင်္ချာဗေဒ ပညာရှင်တွေကတော့ နက်ပကျွန်းဂြိုဟ်ကို ရှာဖွေတွေ့ရှိတဲ့ (1846) ခုနှစ် မတိုင်မှီအထိ (7)ဂဏန်းကို တနင်္လာဂြိုဟ်(လမင်း)ရဲ့ စိုးမိုးမှုအောက်မှာ ထားရှိခဲ့ကြတယ်ဗျ။ (2)ဂဏန်းကို တနင်္လာ အမဓာတ် (-) လို့ သတ်မှတ်ပြီး (7)ဂဏန်းကိုတော့ တနင်္လာအဖိုဓာတ်(+)လို့ သတ်မှတ်ထားရှိခဲ့ကြတယ်။ (1846)ခုနှစ်မှာ နက္ခတ်ပညာရှင်(၃)ဦးအဖွဲ့က နက်ပကျွန်း ဂြိုဟ်ကြီးကို ရှာဖွေတွေ့ ရှိပြီးတဲ့နောက်မှာတော့ သင်္ချာဗေဒပညာရှင်တွေက (7)ဂဏန်းကို နက်ပကျွန်းဂြိုဟ်ရဲ့ စိုးမိုးမှုအောက်ကို သွတ်သွင်းလိုက်ကြပြီး ရာသီခွင်မှာတော့ ယခင် ကြာသတေးဂြိုဟ်ပိုင်ခဲ့ တဲ့ “မိန်ရာသီ” ကို အပိုင်စားပေးလိုက် ကြတယ်ဗျ။

ကိုသိန်းဖေ။ ။ မိန်ရာသီဟာ ပင်လယ်သမုဒ္ဒရာတွေကို စိုးမိုးတဲ့ရာသီဖြစ်လို့ (7)ဂဏန်းကို မိန်ရာသီကို အပိုင်စားပေးလိုက်တာ သဘာဝကျပါတယ်ဗျာ။ ကဲ ဆက်လုပ်ပါဦးဗျာ။ (7)ဂဏန်းသမားတွေရဲ့ စရိုက်လက္ခဏာတွေ။

ကျွန်ုပ်။ ။(7)ဂဏန်းဟာ တနင်္လာဂြိုဟ်ပိုင်တဲ့ (2)ဂဏန်းနဲ့ ဆင်တူတဲ့ အချက်တွေရှိတယ်ဗျ။ အဲဒါက (7)ဂဏန်းသမားတွေဟာ (2)ဂဏန်းသမားတွေလိုဘဲ စိတ်ကူးဉာဏ် ကွန့်မြူးမှု အားကောင်း ကြတယ်ဗျ။ တီထွင်ဖန်တီးတတ်တဲ့ ဦးနှောက်မျိုးရှိတယ်။ တွေးခေါ်မျှော်မြင်မှု အားကောင်းတယ်။ အနာဂါတ်ကို ခန့်မှန်းနိုင်စွမ်းရှိတယ်။ မိသားစုဘ၀ကို မြတ်နိုးပြီး အကောင်းမြင် ၀ါဒလည်း ရှိကြတယ်ဗျ။ (2)ဂဏန်းသမားတွေထက် သာတဲ့အချက်က စိတ်ကူး စိတ်သန်း တွေကို အကောင်အထည်ဖော်တဲ့နေရာမှ (2)ဂဏန်းသမားက နှောင့်နှေးပြီး လေထဲအိမ် ဆောက်ကြတာ ပိုများတယ်။ (7)ဂဏန်းသမားတွေကတော့ မြန်မြန် ဆန်ဆန် အကောင်အထည်ဖော်ထက်တယ်ဗျို့။ နောက်ပြီး မဆုတ်မနစ် လုပ်ကိုင် တတ်တဲ့နေရာမှာလည်း (2)ဂဏန်းသမားထက် သာတယ်။ အဲဒီတော့ သူတို့ရဲ့ စရိုက်လက္ခဏာ လေးတွေ ချရေးကြည့်ရအောင်ဗျာ။

= (7)ဂဏန်းသမားတွေဟာ အကောင်းမြင်ဝါဒရှိတယ်။ ပျော်ပျော်ရွှင်ရွှင် တက်တက်ကြွကြွ နေထိုင်တတ်ကြတယ်။ သွက်လက်ဖြတ်လတ်ကြပြီး အကင်းပါး ကြတယ်။ ဉာဏ်ပညာလည်း ထက်မြက်ကြတာများတယ်ဗျ။ အလုပ်ကို မနားမနေ လုပ်တတ်ကြတယ်။ ထူးခြားဆန်းကြယ်တဲ့ ပညာရပ်တွေအပေါ်မှာ စိတ်ဝင်စားတတ်ပြီး သင်ယူလိုစိတ် ပြင်းပြတတ်ကြ တယ်။ သိပ္ပံပညာရော၊ ၀ိဇ္ဇာပညာမှာပါ ထူးချွန်တတ်ကြတယ်။

= (7)ဂဏန်းသမားတွေဟာ များသောအားဖြင့် ရုပ်ရည် ချောမောသန့်ပြန့်ကြတာ များတယ်ဗျ ။ ဒါပေမယ့် ရုပ်ချောသည်ဖြစ်စေ၊ မချောသည်ဖြစ်စေ သူတို့ဟာ ဆန့်ကျင်ဘက် လိင်တွေကို ဆွဲဆောင်နိုင်စွမ်းရှိတယ်ဗျ။ ဆန့်ကျင်ဘက်လိင်တွေရဲ့ စိတ်ဝင်စားမှုကို အများဆုံး ရရှိတတ်ကြတယ်။

= (7)ဂဏန်းသမားတွေဟာ များသောအားဖြင့် သဘောကောင်း၊ မနောကောင်းသူတွေဖြစ်ကြပေမယ့် သူတို့ စိတ်ဆိုးဒေါသထွက်မိရင် ကြောက်စရာ ကောင်းလောက်အောင် စိတ်ကြီးတတ်ကြတယ်ဗျ။ အဲဒီနေရာမှာ သူတို့ရဲ့ စိတ်သဘာဝဟာ ပင်လယ်ပြင်ကြီးနဲ့ သွားတူနေတယ်။ ပင်လယ်ပြင်ကြီးဟာ သာမန် အချိန်မှာ ကြည့်လိုက်ရုံနဲ့ ကြည်နူးဖွယ်ရာ ကောင်းသလောက် မုန်တိုင်းကျလှိုင်းထန်လာတဲ့ အခါမှာ ကြောက်စရာကောင်းသလိုပေါ့ဗျာ။

= သူတို့ဟာ လုံးဝသဘောကောင်းတဲ့ လူမျိုးတွေလို့တော့ သတ်မှတ်မရဘူးဗျ။ များသောအားဖြင့် (7)ဂဏန်းသမားတွေဟာ “သင်ကောင်းလျှင် ကျွန်ုပ်မဆိုးပါ” ဆိုတဲ့ လူစားမျိုး တွေလို့ပြောလို့ရမယ်ထင်တယ်။ သူတို့ကို ဒုက္ခမပေးသရွေ့တော့ လူကောင်းတွေပါဘဲ။ သူတို့ကို စိတ်ဆိုးအောင် လုပ်ရင်တော့ ပြန်ပြီး “အိုးရွဲ့ကို စလောင်းရွဲ့နဲ့ ဖုံးမယ်” ဆိုတဲ့ သဘောထားမျိုးတွေ ရှိတတ်တယ်။ “မာလျှင် သံချောင်း၊ ပျော့လျှင် ဖယောင်း” ဆိုတဲ့ စကားပုံနဲ့လည်း သူတို့စရိုက်ဟာ နီးစပ်ပြန်ပါတယ်။

= (7)ဂဏန်းသမားတွေဟာ ရုပ်ဝါဒီမဆန်ဘဲ နာမ်ဝါဒီဘက်ကို ကိုင်းညွတ်မှု ပိုများတယ်ဗျ။ ဘာသာတရားနဲ့ ရှေးရိုးအစဉ်အလာတွေကို ယုံကြည်လေးစား လိုက်နာကြတယ်။ သဘာဝတရားကြီးရဲ့ လျှို့ဝှက်ဆန်းကြယ်မှုတွေကို သိရှိစိတ်ပြင်းပြကြတယ်။ သူတို့ဟာ နာမ်လောကကို ယုံကြည်ကြသူများပြီး ဂမ္ဘီရ ပညာရပ်တွေဖြစ်တဲ့ နက္ခတ်ဗေဒင်ပညာ၊ ဆေးဝါး၊ အင်းအိုင်၊ ဂါထာ၊ အဂ္ဂိရတ်ပညာတွေ၊ စိတ်နယ်လွန်ပညာတွေ၊ သဘာဝကုထုံး၊ စိတ်ကုထုံးတွေအပေါ်မှာ ယုံကြည်တတ်ကြသူများဖြစ်တယ်။

= (7)ဂဏန်းသမားအတော်များများဟာ နာမ်လောကနဲ့ ဆက်သွယ်မှု ရှိတတ်ကြတယ်ဗျ။ ဒါကြောင့် သူတို့ဟာ ဘ၀မှာ ထူးဆန်းတဲ့ အိပ်မက်မျိုးတွေ မက်တာတို့၊ ရှေးပြေးနိမိတ် ဖြစ်တဲ့ အိပ်မက်မျိုးမက်တာတို့ ၊ သိုက်လောကနဲ့ ဆက်သွယ်မှု ရှိတာတို့၊ တစ်ခုခုဖြစ်မှာကို ကြိုသိတတ်တဲ့ စိတ်စွမ်းအားမျိုး ရှိတာတို့ကို တွေ့ရတတ်တယ်။ တစ်ခါတစ်ရံမှာ ကိုယ် အခုလောလောဆယ် ကြုံတွေ့ရတဲ့ အဖြစ်အပျက်တစ်ခုဟာ အရင်တစ်ခါဖြစ်ဘူးခဲ့သလိုမျိုး ခံစားရ တတ်တာတွေ ရှိတတ်တယ်။

= သူတို့ကိုယ်တိုင် ယုံကြည်သည်ဖြစ်စေ၊ မယုံကြည်သည်ဖြစ်စေ ကျွန်တော်ယုံကြည်တာ တစ်ခုက (7)ဂဏန်းသမားတွေမှာ သူတို့ကို စောင့်ရှောက်နေတဲ့ နာမ်လောကက ပုဂ္ဂိုလ် (သို့) စွမ်းအားလို အရာမျိုး ရှိတယ်ဗျ။ ဒါက ကျွန်တော် လေ့လာတွေ့ရှိချက်ပါ။ ယုံတာမယုံတာကတော့ စာဖတ်သူရဲ့ သဘောပါ။ အဲဒီ ပုဂ္ဂိုလ် (သို့) စွမ်းအားဟာ သူတို့ကို အတိုင်းအတာတစ်ခုအထိ စောင့်ရှောက်ပေးမှုရှိတယ်လို့ ကျွန်တော်ယုံကြည်တယ်ဗျ။

= (7)ဂဏန်းသမားတွေဟာ ငွေကြေးဓနဥစ္စာထက် ပညာကို ပိုပြီးတန်ဖိုးထားတတ်သူများဖြစ်တတ်ကြတယ်။ စီးပွားရေးသမားဖြစ်လျှင်သော်မှ ငွေနောက်ကို တစ်ကောက်ကောက် လိုက်နေသူတွေမဟုတ်ဘဲ အတတ်ပညာ၊ အသိပညာကို ပိုမိုလိုလားတတ်ကြတယ်။ သူတို့ဟာ အရာရာကို သိချင်တတ်ချင် စူးစမ်း လေ့လာနေချင်ကြသူများ ဖြစ်တတ်ကြတယ်။ သူတို့ဟာ ဂမ္ဘီရပညာတွေမှာသာမဟုတ်ဘဲ သိပ္ပံပညာရပ်တွေမှာလည်း ထူးချွန်ပြောင်မြောက် တတ်သူတွေ ဖြစ်ကြတယ်။

= သူတို့ဟာ ခရီးသွားခြင်း၊ အသစ်အဆန်းရှာဖွေခြင်းတို့ကို ခုံမင်တတ်ကြတာမို့ မိမိမွေးရပ်မြေမှာ မနေတတ်ကြဘဲ ရေခြား၊ မြေခြား၊ တိုင်းတပါးတွေကို ရောက်လွယ်၊ ထွက်လွယ် တတ်ကြသူများဖြစ်ကြတယ်။

= (7)ဂဏန်းသမားအတော်များများဟာ (အားလုံးကို မဆိုလိုပါ) ငယ်စဉ်ဘ၀မှာ ခက်ခဲကြမ်းတမ်းတဲ့ ဘ၀မျိုးကို ဖြတ်သန်းခဲ့ကြရသူတွေများတယ်ဗျ။ ဒါပေမယ့် ဒုတိယအရွယ်နဲ့ တတိယအရွယ်မှာတော့ ကောင်းစားတတ်ကြတယ်။

= ဘ၀ အနိမ့်အမြင့်အတက်အကျနည်းတတ်တယ်။ ဒါပေမယ့် တစ်ခုသတိထားရမှာက တစ်ချို့ (7)ဂဏန်းမွေးဖွားသူတွေဟာ လိင်စိတ်ဆန္ဒ အလွန်ပြင်းထန်တတ်ပြီး ကာမဂုဏ် လိုက်စားမှု လွန်ကဲတာကြောင့် နာမည်ဂုဏ်သိက္ခာကျဆင်းပြီး တတိယအရွယ်မှာ အိုဇာတာပါ နိမ့်ပါးသွားတတ်တာ ကိုလည်း သတိထားမိပါတယ်။ အထူးသဖြင့် (25)ရက်မွေးတဲ့ (7)ဂဏန်းသမား တွေ သတိထားရပါမယ်။

= သူတို့ဟာ သဘာဝတရားကြီးရဲ့ လျှို့ဝှက်မှုတွေ၊ လူသားတွေရဲ့ လျှို့ဝှက်မှုတွေကို ဖော်ထုတ်ချင်တတ်ကြတဲ့ “စုံထောက်ဉာဏ်” ရှိသူများဖြစ်ပြီး သဲထိတ် ရင်ဖို လုပ်ကိုင်ရမယ့် အလုပ်တွေကို ၀ါသနာခုံမင်တတ်ကြတယ်။ ကမ္ဘာကျော် ဂျိမ်းစ်ဘွန်းမင်းသားတွေ ဖြစ်ကြတဲ့ “ရှောင်ကွန်နရီ” နဲ့ “ပီးယားစ် ဘရော့စ်နန်” တို့ဟာ (7)ဂဏန်း မွေးဖွားသူတွေ ဖြစ်ပြီး သူတို့ရဲ့ ကိုယ်ပိုင်နံပါတ်ဟာလည်း (007) ခေါ်တဲ့ (7)ဂဏန်းဘဲဖြစ်နေတာကို တိုက်ဆိုင်စွာ တွေ့ရပါလိမ့်မယ်။

= (7)ဂဏန်းသမားတွေဟာ စိတ်ကူးစိတ်သန်းကောင်းခြင်း၊ အတွေးအခေါ်မြင့်မားခြင်း၊ တီထွင်ဖန်တီးတတ်ခြင်း၊ ဇွဲကောင်းခြင်းများနဲ့ ပြည့်စုံ တတ်သော် လည်း စည်းကမ်းစနစ် ကျနကျသူများ မဟုတ်ဘဲ ကပျစ်ကညစ် နေတတ်ကြသူက များပါတယ်။ သူတို့ဟာ လုပ်ငန်းတစ်ခုကို အောင်မြင်အောင် စွမ်းဆောင် နိုင်သူများ ဖြစ်ကောင်းဖြစ်ကြပေမယ့် ရေရှည် တည်တံ့ခိုင်မြဲအောင် ထိန်းသိမ်းလိုစိတ်နည်းပါးကြသူများဖြစ်တယ်။ တစ်ခုအောင်မြင်သွားရင် နောက်တစ်ခုကို ခြေလှမ်းပြင်နေတတ်ကြသူများဖြစ်တတ်ကြတယ်။ သူတို့ အလုပ် လုပ်သွားတာကို ပုံခိုင်းရရင် အိတ်ပေါက်နဲ့ ဖားကောက်သလို ဖြစ်နေတတ်တယ်။ စီးပွားရေးသမားဆိုရင်လည်း ငွေရှာကောင်းပေမယ့် အဖတ်တင်အောင် မစုဆောင်း နိုင်ကြသူ က များပါတယ်။ ဒါဟာ (7)ဂဏန်းသမားတွေ သတိပြုရမယ့် အချက်ပါ။ ကဲ- ကိုသိန်းဖေရေ။ ဒါဆို (7)ဂဏန်းသမားများအကြောင်း တစေ့တစောင်းလေး တော်တော်ပြည့်စုံသွား ပြီ ထင်ပါရဲ့။

ကိုသိန်းဖေ။ ။ သီးခြား Character တွေကိုလည်း ပြောပြဦးလေ ဆရာရဲ့။

ကျွန်ုပ်။ ။ သြော်- ဟုတ်ပါရဲ့။ သူတို့မှာလည်း သီးခြားဂုဏ်အင်လေးတွေ ရှိတယ်ဗျ။ (7)ရက်နေ့မှာမွေးတဲ့ “ထီးတည်း” (7)သမားတွေဟာ စွန့်စားလိုစိတ်၊ တီထွင် လိုစိတ် ပြင်းပြ သူတွေဖြစ်ပြီး ရဲရင့်တဲ့ စိတ်ထားလည်း ရှိကြတယ်ဗျ။ အလုပ်ကို မနားမနေလုပ်တတ်ပြီး အမြဲသွက်လက် ဖြတ်လတ်နေကြသူများလည်း ဖြစ်ကြတယ်။ အသစ်အဆန်းကို ရှာဖွေလို တယ်။ စစ်သွေးစစ်မာန်ရှိပြီး ဘ၀တက်လမ်းအတွက် တိုက်ခိုက်ရမယ်၊ ပေးဆပ်ရမယ်ဆိုရင်လည်း ၀န်မလေး ကြသူများဖြစ်တယ်။ ခရီးသွားလာမှုကို ခုံမင်ပြီး မရောက်ဘူးသေးတဲ့ နေရာမှန်သမျှ သွားလာလိုကြသူများဖြစ်ကြတယ်။

(16)ရက်နေ့မှာမွေးတဲ့ (7)ဂဏန်းသမားများကျတော့ (7) ဂဏန်း (၃)ခုထဲမှာ အကဲခတ်ရ ပိုပြီး ခက်တတ်တယ်။ သူတို့ဟာ အပြင်ပန်းကြည့်ရင် ပျော့ပြောင်း နူးညံ့သူများလို့ ထင်ရပေမယ့် လိုအပ်လာရင် ကြမ်းတမ်းခက်ထန်ဖို့ ၀န်မလေးကြသူများဖြစ်တယ်။ “ပျော့လျှင်ဖယောင်း၊ မာလျှင် သံချောင်း” ဆိုတာ (16)ရက် ဖွားတွေနဲ့ ပိုပြီး နီးစပ်မှုရှိတယ်။ ဂမ္ဘီရလောက၊ စိတ်နယ်လွန်လောကတွေနဲ့ ဆက်စပ် ပတ်သက်မှုများ ရှိတတ်တယ်။ သူတို့ အိပ်မက်တွေဟာ အနာဂါတ်မှာ ဖြစ်လာမယ့် နိမိတ်တွေ ဖြစ်နေတတ်တယ်။

(25)ရက်နေ့မှာ မွေးတဲ့ (7)ဂဏန်းသမားတွေကျတော့ စွမ်းအား အထက်မြက်ဆုံးလို့ ပြောနိုင်ပါတယ်။ လူချစ်လူခင်များတတ်ပြီး လူထုကို စည်းရုံး ဆွဲဆောင် နိုင်တဲ့ အရည်အသွေးတွေ ရှိတတ်တယ်။ ဆန့်ကျင်ဘက် လိင်တွေအပေါ်မှာ အလွန်ဆွဲဆောင်နိုင်စွမ်း ရှိတတ်တယ်။ တစ်ချို့ (25)ရက်ဖွားများဟာ မြာသိပ်ပြီး ပွေတတ်ပါတယ်။ တစ်ချို့ကျပြန်တော့လည်း လူဘုန်းကြီးလို့ ခေါ်ရလောက်အောင် သိက္ခာသမာဓိကြီးမားကြပြန်ပါတယ်။ (ဒါကတော့ သူတို့ ဘယ်ရာသီ ဖွားလည်းဆိုတာအပေါ်မှာတည်ပါတယ်)။ သူတို့ဟာ Current of Destiny မကောင်းရင် မတော်တဆထိခိုက်ခြင်း၊ ခွဲစိတ်ကုသခံရခြင်း၊ ကိုယ်အင်္ဂါ ချို့ယွင်းခြင်း၊ ဥပစ္ဆေဒကကံဖြင့် သေဆုံးခြင်း၊ အိုဇာတာ ညံ့ခြင်းများ ဖြစ်တတ်ပါတယ်။ လိင်ကိစ္စကြောင့် ဘ၀ပျက်ရသူတွေထဲမှာ (25)ရက်ဖွားတွေ အများဆုံး မို့ သတိပြုဆင်ခြင်ကြပါလို့ ပြောချင်ပါတယ်ဗျာ။

ကိုသိန်းဖေ။ ။ အင်း- ဆင်ခြင်သင့်တဲ့ ကိစ္စပေါ့ဗျာ။ သူနဲ့ တည့်တဲ့ဂဏန်း , မတည့်တဲ့  ဂဏန်းတွေကကော ဆရာ။

ကျွန်ုပ်။ ။(4)ဂဏန်းဟာ (8)ဂဏန်း နဲ့ ကမ္ဘာရန်ဖြစ်သလို (7)ဂဏန်းဟာလည်း (9)ဂဏန်းနဲ့ လုံးဝမတည့်ဘူးဗျ။ သူတို့နှစ် တွေ့မိရင် ပြဿနာကြီး တွေဖြစ်တတ်တယ်။ (7)ဂဏန်းဟာ (1)ဂဏန်း၊ (2)ဂဏန်း၊ (5)ဂဏန်း၊ (7)ဂဏန်းတွေနဲ့တော့ တကယ့် မိတ်ဘက် အစစ်ဘဲဗျ။ သူဟာ (4)ဂဏန်းသမား၊ (8)ဂဏန်းသမားတွေနဲ့လည်း သိပ်မတည့် ပြန်ဘူး။ (3)ဂဏန်း (6)ဂဏန်းသမားတွေနဲ့ကျတော့ မိတ်လည်းမမည်၊ ရန်လည်း မမည်တဲ့ “ဥဒါသိန်” လို့ခေါ်တဲ့ ဂဏန်းတွေ ဖြစ်ပြန်တယ်ဗျ။

ကိုသိန်းဖေ။ ။ ကဲ ဆရာရေ။ နောက်ဆုံး အဆုံးသတ်အနေနဲ့ ထင်ပေါ်ကျော်ကြားတဲ့ (7)ဂဏန်းသမားတွေကိုလည်း ပြောပြပါဦးဗျာ။

ကျွန်ုပ်။ ။ ထင်ပေါ်ကျော်ကြားတဲ့ (7)ဂဏန်းသမားတွေကတော့- အမေရိကန် မီလျံနာကြီး ဂျွန်ပီးယားပွန့်မော်ဂန် က (7)ရက်ဖွား၊ နာဇီဝါဒဖြန့်ချိရေးမှူး ဟင်းမလား က (7)ရက်ဖွား၊ ဘင်္ဂလားဒေ့ရ်ှနိုင်ငံကို တည်ထောင်ခဲ့သူ ခေါင်းဆောင်ကြီး အလီဂျင်းနား က (25)ရက်ဖွား၊ သိပ္ပံပညာနက္ခတ်ပညာစွယ်စုံရ ပညာရှင် ဆာအိုက်ဇက်နယူတန် က (25)ရက်ဖွား၊ စာရေးဆရာကြီး ဂျော့အော်ဝယ် က (25)ရက်ဖွား၊ အစ္စရေးနိုင်ငံရဲ့ ပထမဆုံး သမ္မတကြီး ဒေးဗဒ် ဘင်ဂူရီယံ က (16)ရက်ဖွား၊ ကမ္ဘာကျော် လူရွှင်တော်ကြီး ချာလီချက်ပလင် က (16)ရက်ဖွား၊ အမေရိကန် စာနယ်ဇင်းလောကရဲ့ ဘုရင်မကြီး ကတ်သရင်း ဂရေဟမ်(နယူးစ်ဝိခ်) က (16)ရက်ဖွား၊ ဟောင်ကောင် အက်ရှင်မင်းသား အကျော်အမော် ဂျက်ကီချန်း က (7)ရက်ဖွား၊ အဆိုတော် မက်ဒေါနား က (16)ရက်ဖွား၊ ဂျိမ်းစ်ဘွန်းမင်းသားကြီး ရှောင်ကွန်နရီ က (25)ရက်ဖွား၊ နောက် ဂျိမ်းစ်ဘွန်းမင်းသား လက်သစ် ပီးယားစ်ဘရော့စ်နန် က (16)ရက်ဖွား၊ ရုရှားတင်းနစ်အလှမယ် အင်နာကော်နီကိုဗာ က (7)ရက်ဖွား၊ ဟောလီးဝုဒ်မင်းသမီးအကျော်အမော် ကက်သရင်းဇီတာဂျုံး နဲ့ ကလော်ဒီယာရှက်ဖာ တို့က (25)ရက်ဖွားတွေ၊ အိန္ဒိယ ကဗျာနဲ့စာပေပညာရှင်ကြီး ရာဘင်ဒြာနတ်တဂိုး က (7)ရက်ဖွား၊ မြန်မာအမျိုးသမီးတွေ သိပ်ကြိုက်တဲ့ ကိုရီးယားသရုပ် ဆောင် ဂျင်ဒေါင်ဂန်း(ဒါရိုက်တာ ရင်) က (7)ရက်ဖွား၊ နောက် ကိုရီးယား အဆိုကျော်နဲ့ မင်းသား “ရိန်း” က (25)ရက်ဖွား၊ ဟောလီဝုဒ် နာမည်ကျော်မင်းသား နီကိုလပ်စ်ကေ့ခ်ျ က (7)ရက်ဖွား၊ မကြာခင်ကမှ ကွယ်လွန်သွားတဲ့ ဖိလစ်ပိုင် အမျိုးသမီး သမ္မတဟောင်း ကိုရာဇွန်အကွီနို က (25)ရက်ဖွား၊ ယခုတလော ကမ္ဘာမှာ ရေပန်းစားနေတဲ့ မြောက်ကိုရီးယားခေါင်းဆောင် ကင်ဂျုံအီလ် က (16)ရက်ဖွား၊ လုပ်ကြံခံရတဲ့ ဗြိတိသျှဗိုလ်ချုပ်ကြီး ဟောင်း လူးဝစ်မောင့်ဘက်တန် က (25)ရက်ဖွား၊ နောက်လုပ်ကြံခံရတဲ့ အီဂျစ် သမ္မတ အန်ဝါ ဆဒတ် ကလည်း (25)ရက်ဖွား၊ စင်ကာပူနိုင်ငံရဲ့ ဖခင်ကြီး လီကွမ်ယူး က (16)ရက်ဖွား၊ သံမဏိသူဌေးကြီး အင်ဒရူးကာနေဂျီ က (25)ရက်ဖွား၊ စာရေးဆရာကြီး ချားလ်ဒစ်ကင်း က (7)ရက်ဖွား၊ ဂရိသင်္ဘော သူဌေးကြီး အိုနာစစ် က (7)ရက်ဖွား၊ စာရေးဆရာကြီး ဆမ်းမားဆက်မွန် က (25)ရက်ဖွား၊ လေယာဉ်ပျံကို တီထွင်ခဲ့တဲ့ ရိုက်ညီနောင် နှစ်ဦးထဲက ၀ီလ်ဘာရိုက် က (7)ရက်ဖွား၊ အန္တာတိကတိုက်သို့ စူးစမ်းလေ့လာရေး ခရီးရှည်ကြီးကို ထွက်ခဲ့သူ ကပ္ပတိန်စကော့ က (7)ရက်ဖွား၊ ဗြိတိသျှ အဲလီဇဘက် ဘုရင်မကြီး က (7)ရက်ဖွားတွေ အသီးသီးဖြစ်ကြပါတယ်။

နောက်စိတ်ဝင်စားစရာကောင်းတာက မြန်မာနိုင်ငံရဲ့ ပထမဆုံးဝန်ကြီးချုပ်ဖြစ်ခဲ့တဲ့ ဦးနု (ခ)သခင်နု ဟာလည်း (25)ရက်မှာမွေးတဲ့ (7)ဂဏန်းသမား ပါဘဲဗျာ။ ကဲ ကျွန်တော်တို့ ရဲ့ တနင်္ဂနွေ စကားဝိုင်းလေး ဒီမှာဘဲ ရပ်နားလိုက်ကြစို့လားဗျာ။

ကိုသိန်းဖေ။ ။ကောင်းပါပြီဆရာ။ နောက်တစ်ပတ် (8)ဂဏန်းသမားတွေအလှည့် ဆက်ဆက်နော်။

ကျွန်ုပ်။ ။ ဟုတ်ကဲ့ပါဗျာ။ ကြိုးစားတင်ဆက်ပေးသွားပါမယ်။

ဖတ်ရှုသူအားလုံး ကျန်းမာချမ်းသာကြပါစေသော်။

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)

(6)ဂဏန်းသမားများ အကြောင်း တစေ့တစောင်း

အလှနတ်သမီး ဗီးနပ်စ် ရုပ်ထု

ကျွန်ုပ်။ ။ ကိုသိန်းဖေ ရေ။ အင်တာနက် လစဉ်ကြေးနောက်ကျလို့အဖြတ်ခံရတာရယ် , ကျွန်တော်ခရီးသွားမယ်ဆိုပြီး စီစဉ်လိုက်တာ ရယ်ကြောင့် ပုံမှန်တင်ဆက်နေတဲ့ ကျွန်တော်တို့ရဲ့ တနင်္ဂနွေစကားဝိုင်း လေးပျက်သွားတယ်ဗျာ။ ဒီတစ်ပတ်အတွက်တော့ (6)ဂဏန်းသမားများ အကြောင်းကို စ , လိုက်ကြရအောင်လားဗျာ။

ကိုသိန်းဖေ။ ။ ဟုတ်ပါ့ဗျား။ ကျွန်တော်လည်း ဆရာက ခရီးသွားမယ်ဆိုတော့ တော်တောက် ကသိကအောက် ဖြစ်သွားတယ်ဗျာ။ အခု ဆရာဖုန်းဆက်ခေါ်လို့ ကျွန်တော် ပြေးလာခဲ့ရတာ။ ကျွန်တော်ကလည်း (6)ဂဏန်းသမားဆိုတော့ ကျန်တဲ့ဂဏန်းတွေထက် ပိုသိချင်နေတာလေ။

ကျွန်ုပ်။ ။ အေးဗျာ။ ကျွန်တော့်မှာလည်း တစ်ဖက်မှာ အသက်မွေးဝမ်းကျောင်းအတွက် အချိန်ပေးရ၊ ဒီကြားထဲမှာ “ကွေးသောလက် မဆန့်ခင်၊ ဆန့်သောလက် မကွေးခင်” ဆိုတာလို အချိန်မရွေးကျရောက်လာနိုင်တဲ့ “သေခြင်းတရား” ကို နှလုံးသွင်းပြီး နေ့စဉ်အားထုတ်နေတဲ့ ၀ိပဿနာအလုပ်ကလည်းရှိနေတော့ ဒီဘလော့လေး ရှင်သန်နေဖို့ တော်တော် အချိန်လုပြီး လုပ်နေရတယ်ဗျာ။ ကျွန်တော်မကွယ်လွန်မှီ အတွင်း ကိုယ်သိသမျှ တတ်သမျှလေးတွေကို ချန်ထား ခဲ့ချင် လို့ပါ။

ကိုသိန်းဖေ။ ။ ဒီကြားထဲမှာ ပညာပေးလုပ်ငန်းအပြင် ဗေဒင်ဟောပြောတာကိုပါ အဆစ်လုပ်နေရတယ်မဟုတ်လား။

ကျွန်ုပ်။ ။ အေးဗျာ။ ဒီဘလော့လေး စတင်တည်ဆောက်စဉ်က ဗေဒင်ဟောပြောဖို့ အစီအစဉ်ဆိုတာ လုံးဝမစဉ်းစားခဲ့ပါဘူး။ ဒါပေမယ့် အကူအညီတောင်းလာကြပြန်တော့ လည်း မနေနိုင်ပြန်ဘူးလေ။ ဒီမေးခွန်းတွေ ဖြေဖို့ အချိန်ပေးရတော့ ပို့စ်တွေကို ခပ်စိပ်စိပ် မတင်နိုင်တော့ဘဲ ကျဲကျဲ သွားရတာပေါ့ဗျာ။ အမှန်ကတော့ ဗေဒင်ကို ဟောကို မဟောချင် တော့တာဗျ။ ဗေဒင်ဟောလာခဲ့တာ အသက် (၁၄)နှစ်သားကတည်းကဆိုတော့ ငြီးငွေ့ လာပြီပေါ့ဗျာ။ နှစ်ပေါင်း (၃၀)တောင်ကြာခဲ့ပြီလေဗျာ။ ဒါပေမယ့် ဘာဘဲဖြစ်ဖြစ် ဘယ်လိုငြီးငွေ့ငြီးငွေ့ ကိုယ့်ကို ချစ်ခင်အားကိုးနေကြသူတွေအပေါ်မှာ ကိုယ် တတ်နိုင်သလောက်တော့ ဟောပြောပေးသွားမှာပါ။

ကိုသိန်းဖေ။ ။ဆရာ့စေတနာ အတိုင်းရောင်ပြန်ဟပ်မှာပါဆရာရေ။ ကျွန်တော်ကတော့ ဗေဒင်မေးဖို့ထက် ပညာယူဖို့ကို ပိုပြီး စိတ်ဝင်စားတယ်။ ကဲ- ဆိုပါဦး ဆရာရေ။ (6)ဂဏန်းသမားအကြောင်းလေး။

ကျွန်ုပ်။ ။ (6)ဂဏန်းဟာ ထူးခြားတယ်ဗျ။ (1) ကနေ (9)အတွင်းမှာ ရှိတဲ့ ဂဏန်းအားလုံးထဲမှာ “အငြိမ်သက်ဆုံး” ဂဏန်းတစ်ခုလို့ ဆိုရမယ်ဗျ။

ကိုသိန်းဖေ။ ။ အဲဒါ ဘာကို ဆိုလိုတာလည်း ဆရာ။

ကျွန်ုပ်။ ။ ဒီလိုဗျ ကိုသိန်းဖေ ရ။ ကျွန်တော်က လက်တွေ့သမားဆိုတော့ လူ့လောကထဲမှာ လွှားလွှား , လွှားလွှားနဲ့ ထင်ပေါ်ကျော်ကြားနေသူတွေ၊ လူသိများနေသူတွေကို လေ့လာကြည့်လိုက်တော့ (4)ဂဏန်းသမားတွေက အများဆုံးဖြစ်နေတာကို သွားတွေ့ရတယ်ဗျ။ သူ့နောက်မှာ (1)ဂဏန်း၊ (2)ဂဏန်း၊ (5)ဂဏန်း၊ (7)ဂဏန်း နဲ့ (9)ဂဏန်းသမားတွေ လှုပ်ရှားနေကြတယ်ဗျ။ အဲဒီအထဲမှာ (6)ဂဏန်းသမားတွေဟာ ပျောက်,ပျောက် နေတာကို သွားတွေ့ရတယ်ဗျ။

ကိုသိန်းဖေ။ ။ (6)ဂဏန်းသမားတွေ အမွေးနည်းပြီး လူဦးရေ နည်းလို့များဆရာ။

ကျွန်ုပ်။ ။ ဒီလိုတော့ မဖြစ်နိုင်ဘူးဗျ။ ဖြစ်ရတဲ့ အကြောင်းကတော့ သူတို့ရဲ့ စရိုက်ကြောင့်ဘဲဗျ။ (6)ဂဏန်းသမားတွေဟာ အေးချမ်းငြိမ်သက်စွာ နေလို သူတွေ ဖြစ်တယ်။ မေတ္တာတရားကြီးမားကြတယ်။ သူ့ဟာသူထင်ပေါ်ကျော်ကြားလာရင်တော့ ကျော်ကြားမယ်။ ကျော်ကြားမှုကို လုပ်မယူတတ်ကြဘူး။ ခေါင်းဆောင်နေရာကို အတင်းလု မယူလိုကြဘူး။ ကျရာ တာဝန်ကိုဘဲ ထမ်းချင်ကြတယ်။ လူတွေက ခေါင်းဆောင်နေရာတင်ပေးမှ လုပ်ချင်လုပ်မယ်။ ဒါကြောင့် သူတို့ကို ထင်ထင်ပေါ်ပေါ် သိပ်မတွေ့ရတာဘဲဖြစ်တယ်။ နောက်တစ်ခုက (6)ရယ်၊ (15)ရယ်၊ (24)ရယ် ဂဏန်း (၃)မျိုးရှိတဲ့အထဲမှာလည်း တစ်ခုနဲ့ တစ်ခုဟာ သိပ်မဆင်တူကြဘူးဗျ။ သီးခြား ဂုဏ်အင်္ဂါ စရိုက်တွေ ရှိနေကြတာကိုလည်း သွားတွေ့ရတယ်။

ကိုသိန်းဖေ။ ။ အဲဒါကို ရှင်းအောင် ထပ်ပြောပါဦး ဆရာ။

ကျွန်ုပ်။ ။ ဒီလိုလေ။ ကျွန်တော်တို့ ကျွန်တော်ရေးပြီးခဲ့တဲ့ (1)ဂဏန်း (2)ဂဏန်း(3)ဂဏန်း (4)ဂဏန်း(5)ဂဏန်း သမားတွေရှိတယ် မဟုတ်လား။ အဲဒီထဲမှာ (1)ဂဏန်းသမား (၄)မျိုးဖြစ်တဲ့ (1,10,19,28)တွေမှာ “ယေဘူယျစရိုက်” ဆိုပြီး အားလုံးအတွက် ပျှမ်းမျှ စရိုက်လက္ခဏာတွေကို ထုတ်ယူလို့ လွယ်ပေမယ့် (6)ဂဏန်းသမားတွေမှာ ဒီလို သိပ်မလွယ်ဘူးဗျ။ ယေဘူယျ စရိုက်လက္ခဏာက နည်းပြီး (6)ဂဏန်းမှာက တစ်မျိုး ၊ (15)ဂဏန်းမှာက တစ်မျိုး (24)ဂဏန်းမှာက တစ်မျိုးစီ ဖြစ်နေတယ်ဗျ။ ယေဘူယျ သွားတူတဲ့ အချက်တွေက နည်းလွန်း နေတယ်။ နားလည်တယ်မဟုတ်လား။

ကိုသိန်းဖေ။ ။ ဟုတ်ပြီဆရာ။ (6)ဂဏန်းသမားတွေမှာ (6) ဂဏန်း ထီးတည်းသမားက တစ်မျိုး၊ (15)ဂဏန်းသမားက တစ်မျိုး၊ (24)ဂဏန်းသမားက တစ်မျိုးစီ ကွဲပြားနေကြတယ်။ ယေဘူယျ တူတဲ့အချက်က နည်းတယ်လို့ ဆိုလိုချင်တာမဟုတ်လားဆရာ။

ကျွန်ုပ်။ ။ ဟုတ်ပါတယ်ဗျာ။ ခင်ဗျားပြောတဲ့အတိုင်း ပိုရှင်းပါတယ်။ အဲသည်တော့ (6)ဂဏန်းအကြောင်းပြောရင် သောကြာဂြိုဟ်အကြောင်းစ,ပြောမှဖြစ်မယ်။ (6)ဂဏန်းဟာ နေစင်္ကြာဝဠာထဲမှာ ဗီးနပ်စ် လို့ခေါ်တဲ့ သောကြာဂြိုဟ်မင်းရဲ့ အမှတ်အသားပေါ့ဗျာ။ သူဟာ နေမင်းအနီးမှာ အမြဲကပ်လျှက် တည်ရှိ နေတတ်ပြီး ညနေခင်း နေ၀င်ချိန်နဲ့ နံနက် အရုဏ်တက်ချိန်မှာတွေ့ရလေ့ရှိတယ်။ မိုးသောက်ကြယ် ဆိုတာလည်း သူပါဘဲ။ နေ၀င်ကြယ်ဆိုတာလည်း သူပါ ဘဲ။ ဂြိုဟ်အားလုံးထဲမှာ အတောက်ပြောင်ဆုံး နဲ့ အထင်ရှားဆုံး လည်းဖြစ်တယ်။ ဂရိလူမျိုးတွေရဲ့ ဒဏ္ဍာရီအရ သောကြာဂြိုဟ် ဗီးနပ်စ်ဟာ အလှနတ် ဘုရားမ ဖြစ်ပြီး သူ့ရဲ့ သင်္ကေတဟာ အမျိုးသမီးတွေကို ကိုယ်စားပြုတဲ့အမှတ်အသားဖြစ်တယ်။

သောကြာဂြိုဟ် ၊ (6)ဂဏန်း နှင့် အမျိုးသမီးများကို ကိုယ်စားပြုသော သင်္ကေတ

သောကြာဂြိုဟ်ဟာ ချစ်ခြင်းမေတ္တာ၊ တဏှာပေမ၊ အနုပညာရပ်များ၊ အလှအပတရား၊ သဘာဝတရား၊ မိခင်ဆန်ခြင်း၊ လောကစည်းစိမ်နဲ့ နူးညံ့ သိမ်မွေ့တဲ့ အာရုံခံစားမှု တွေရဲ့ သင်္ကေတ လည်းဖြစ်တယ်။ ဒါကြောင့် (6)ဂဏန်းသမားတွေဟာ အနုပညာကို ခံစားထိသိလွယ်သူတွေဖြစ်ပြီး နူးညံ့ သိမ်မွေ့တဲ့ စိတ်ရှိကြတာများတယ်။ သူတို့ဟာ အရာရာမှာ နရီစည်းဝါးကျခြင်း(Hermony)၊ အစီအစဉ်ကျနခြင်း(Order)၊ ငြိမ်းချမ်းငြိမ်သက်ခြင်း (Peace) များကို နှစ်သက်မြတ်နိုးတတ်တယ်။ ကိုယ်တိုင် အနုပညာရှင်ဖြစ်ချင်ဖြစ်၊ မဖြစ်ရင် အနုပညာရပ်များကို မြတ်နိုးတတ်ကြသူများဖြစ်တယ်။ ဖရိုဖရဲဖြစ်ခြင်း၊ ဆူပူခြင်း၊ ဗရမ်းဗတာဖြစ်ခြင်းများကို နှစ်သက်လေ့မရှိကြဘူး။ မိမိ မိသားစုနဲ့နေအိမ် အပေါ်မှာ ခင်တွယ်မြတ်နိုးတတ်ကြပြီး မိမိရဲ့ နေအိမ်နဲ့ ပတ်ဝန်းကျင် ကိုလည်း ထာဝစဉ် လှပနေကြ စေလိုသူများဖြစ်တယ်။ သူတို့ဟာ ငြိမ်းချမ်းသာယာခြင်းကို မြတ်နိုးကြသူများဖြစ်ပြီး တကယ် လိုအပ်လာရင် ငြိမ်းချမ်းရေး အတွက် တိုက်ပွဲဝင်ဖို့ ၀န်မလေး ကြသူများဖြစ်တယ်။

(6)ဂဏန်းသမားတွေကို ပန်းချီ ပန်းပု သရုပ်ဆောင်အနုပညာရှင်များ၊ စာပေပညာရှင်များ အဖြစ် တွေ့မြင်ရတတ်သလို လူ့လောကကြီး ငြိမ်းချမ်းသာယာဖို့ နဲ့၊ ဖိနှိပ်ချုပ်ချယ်မှု များအောက်မှ လွတ်မြောက်ဖို့ တိုက်ပွဲဝင်နေသူများအဖြစ်လည်း တွေ့ရတတ်တယ်။ သူတို့ တိုက်ပွဲဝင်နေကြတာဟာလည်း ဆူပူလိုခြင်း၊ အကြမ်းဖက်လိုခြင်း၊ အာဏာရယူလိုခြင်းများ အတွက် မဟုတ်ဘဲ လူ့လောကကြီး ငြိမ်းချမ်းသာယာစေဖို့အတွက်သာ ဖြစ်ကြတယ်။

ဒါကြောင့် (6)ဂဏန်းသမားတွေထဲမှာ ကမ္ဘာကျော် မိုနာလီဇာ ပန်းချီကားကြီးကို ရေးဆွဲခဲ့တဲ့ လီယိုနာ ဒိုဒါဗင်ချီ၊ ပန်းချီပန်းပုပညာရှင် မိုက်ကယ်အိန်ဂျလို၊ စာရေးဆရာမကြီး အာဂါသာ ခရစ္စတီး၊ မွန်တီခရစ္စတိုဖာနယ်စားကြီး၏ ရတနာသိုက် ဆိုတဲ့ နာမည်ကျော် ၀တ္တုကြီးကိုရေးသားခဲ့တဲ့ စာရေးဆရာကြီး အလက်ဇန်းဒါး ဒူးမား၊ စာရေးဆရာကြီး ဆာဝေါ်လတာ စကော့ တို့လို ပုဂ္ဂိုလ်မျိုးတွေရှိသလို။ ပြင်သစ်တော်လှန်ရေး အာဇာနည် သူရဲကောင်းမလေး ဂျူန်းအော့အာ့ခ် ၊ ပါလက်စတိုင်းလွတ်မြောက်ရေးခေါင်းဆောင်ကြီး ရာဆာအာရာဖတ်၊ အမေရိကန် လူမည်းတို့ ရဲ့ လွတ်လပ်ခွင့်အတွက် အသက်စွန့်တိုက်ပွဲဝင်ခဲ့တဲ့ မာတင်လူသာကင်း တို့လို ပုဂ္ဂိုလ်တွေလည်း ပါဝင်နေတာဖြစ်တယ်။

(6)ဂဏန်းသမားတွေဟာ စိတ်ထားနူးညံ့သိမ်မွေ့ကြသူတွေ မေတ္တာတရားကြီးကြသူတွေဖြစ်လို့ စစ်ခေါင်းဆောင်တွေဖြစ်ရင်သော်မှ စိတ်ထားအနူးညံ့ဆုံး၊ သဘောထားအကြီးဆုံး ဖြစ်တတ်တာကို ဒုတိယကမ္ဘာစစ်ကြီးမှာ နာဇီဂျာမဏီ စစ်ခေါင်းဆောင်တစ်ဦးဖြစ်တဲ့ “အာဝင်ရွန်းမဲလ်” က သက်သေခံနေပါတယ်။ အာဝင်ရွန်းမဲလ်ဟာ နာဇီစစ်ခေါင်းဆောင်ဖြစ်ပေမယ့် စိတ်သဘောထားအကြီးဆုံး၊ စစ်တိုက်တာကလွဲပြီး ဂျူးလူမျိုးတွေကို အစုလိုက်အပြုံလိုက် သတ်ဖြတ် ညှင်းဆဲရာမှာ မပါဝင်ခဲ့သူတစ်ဦးဖြစ်ပါတယ်။ နောက်ဆုံး အာဏာရှင် ဟစ်တလာကို အာခံခဲ့လို့ သေဒဏ်အပေးခံရတဲ့ အထိအောင် ဖြစ်ရပါတယ်။ သူဟာ (15)ရက်ဖွား (6)ဂဏန်းသမားဖြစ်ပါတယ်။

ကိုသိန်းဖေ။ ။ အဲဒီတော့ (6)ဂဏန်းသမား (၃)မျိုးရဲ့ သီးခြား ဂုဏ်အင်္ဂါတွေကိုလည်း ပြောပြပါဦး ဆရာ။

ကျွန်ုပ်။ ။ အနုပညာ ဗီဇစိတ်နဲ့ မြတ်နိုးမှုကတော့ (6)ဂဏန်းသမားတိုင်း ရှိနေလို့ ဒါကိုတော့ အထူးမပြောလိုဘူး။ ထီးတည်းဂဏန်း လို့ ခေါ်တဲ့ (6)ရက်နေ့ မွေးတဲ့ (6)ဂဏန်းသမား များဟာ ကျန်(6)ဂဏန်းတွေနဲ့ ယှဉ်ရင် ပိုပြီး နူးညံ့သိမ်မွေ့မှုနဲ့ ချစ်ခြင်းမေတ္တာတရား ပိုမိုများပြားသူများဖြစ်တယ်။ သူတို့ဟာ ခင်မင် နှစ်လိုဘွယ်ကောင်းတဲ့ ဥပတိရုပ်မျိုးတွေ ရှိတတ် ကြတယ်။ သူများတွေရဲ့ အခက်အခဲတွေကို အမြဲတန်းကူညီ ဖြေရှင်းလိုကြသူများဖြစ်တယ်။ လူတစ်ဖက်သား အပေါ်မှာ အလွန်စိတ်ချယုံကြည်လွယ်သူများဖြစ်တယ်။ ဒါကို အခွင့်ကောင်း ယူပြီး သူတို့အပေါ် အမြတ်ထုတ်သွားမှုမျိုးတွေကိုလည်း ဘ၀မှာ အမြဲခံကြ ရတတ်တယ်။ သူတို့ဟာ မိတ်ဆွေ၊ သူငယ်ချင်းများအပေါ်မှာ အလွန်ခင်မင်ပြီး သစ္စာရှိတတ်ကြသူများဖြစ်တယ်။ အရေးကြုံရင် ကူညီဖို့ ၀န်မလေးတဲ့ မိတ်ဆွေကောင်းတွေ ဖြစ်တယ်။ ဒါပေမယ့် သူတို့အပေါ်မှာ ပြန်လည်တုန့်ပြန်ကူညီမှုများကတော့ မရှိသလောက် ရှားပါတယ်။ သူတို့ရဲ့ ဘ၀ဟာ နိမ့်မြင့် တက်ကျ သိပ်မရှိလှဘဲ ငြိမ်သက်လွန်းလှပါတယ်။ ဒါကြောင့် ကျွန်တော့်ကို သင်္ချာဗေဒပညာကို သင်ကြားပေးခဲ့တဲ့ ဆရာဖြစ်သူ ဆရာဦးဝင်းမြင့်သိန်း (ဆင်ဖြူကျွန်း) က ထီးတည်း (6)ဂဏန်းသမားများကို “ကြေကွဲဝမ်းနည်းမှုနဲ့ ငြိမ်သက်နေကြသူများ” လို့ ကင်ပွန်းတပ်ထားပါတယ်။ သူတို့ဘ၀မှာ အခြား သူတွေ မသိတဲ့၊ အခြားသူတွေ မသိစေချင်တဲ့ ကြေကွဲဝမ်းနည်းမှုတွေ ရှိတတ်ပြီး၊ ဒါကိုလည်း ရင်ထဲမှာ သိမ်းဆည်းထားကြရသူများလို့ ဆိုပါတယ်။

(15)ရက်နေ့မှာ မွေးတဲ့ (6)ဂဏန်းသမားများကျပြန်တော့လည်း တစ်မျိုးတစ်ဘာသာပါဘဲ။ သူတို့ဟာ တစ်ကယ့်အချစ်စစ်ကို တန်ဖိုးထားတတ်ကြသူများ ဖြစ်တယ်။ အလှအပတရားကို အလွန်မြတ်နိုးကြတယ်။ မိသားစုဘ၀ကိုလည်း ခင်တွယ်မြတ်နိုးတတ်သလို သဘာဝလောကကြီးကိုလည်း ခင်တွယ်မြတ်နိုး တတ်ကြသူများဖြစ်တယ်။ ရိုးသားဖြောင့်မတ်ကြသူများလည်း ဖြစ်ကြတယ်။ မိမိအိမ်ထောင်ဘက်နဲ့ သားသမီးများအပေါ်မှာလည်း အလွန်ချစ်ခင် မြတ်နိုးတတ်ကြသူများဖြစ်တယ်။ ဒါပေမယ့် (15)ရက်ဖွား အတော် များများဟာ ကိုယ်ပေးဆပ် သလောက် ပြန်မရကြတာ ပိုများပါတယ်။ အချစ်ရေး၊ အိမ်ထောင်ရေး မှာ အလွန်အနစ်နာ ခံကြရသူများဖြစ်တယ်။ သူတို့ဟာ သောကြာဂြိုဟ်စိုးမိုးမှုအောက်မှာ ရှိတယ်ဆိုပေမယ့် Taro-Numerology ပညာအရ နောက်ကွယ်က ကြိုးကိုင်နေတာက စနေဂြိုဟ်ဖြစ်ပါတယ်။ ဒါကြောင့် (15)ရက်ဖွားများဟာ Current of Destiny မကောင်းရင် ဥပစ္ဆေဒက ကံ သင့်တတ် ကြသူများဖြစ်တာကိုတော့ အထူးသတိထားရပါမယ်။

(24)ရက်နေ့မှာ မွေးတဲ့ (6)ဂဏန်းသမားများကျတော့လည်း စိတ်ထားခက်ထန်ကြသူများလို့ မပြောနိုင်ပေမယ့် ကြီးပွားတိုးတက်လိုစိတ်၊ ထင်ပေါ်ကျော်ကြား လိုစိတ်များ ရှိတတ်ကြပြန်ပါ တယ်။ သူတို့ဟာ အလွန်သွက်လက်၊ ဖြတ်လတ်ကြသူများ(Super Active)များ ဖြစ်တယ်။ လူမှုဆက်ဆံရေး အလွန်ကောင်းပြီး ဆွဲဆောင်နိုင်တဲ့ ဥပတိရုပ်မျိုးရှိကြသူများဖြစ်တယ်။ ထက်မြက်ပြတ်သားပြီး ခေါင်းဆောင်အရည်အသွေးရှိသူများဖြစ်တယ်။ စည်းရုံး ရေး အလွန်ကောင်းပြီး လူအများကို ကိုယ့်ဖက်ပါလာအောင် ဆွဲဆောင်နိုင်စွမ်းရှိကြသူများဖြစ်တယ်။ စည်းရုံးရေးကောင်းသလို စီမံခန့်ခွဲမှုအရည်အသွေးလည်း အလွန်ကောင်းတတ် ကြတယ်။ (24)ဂဏန်းသမားတွေကို အောင်မြင်တဲ့ စီးပွားရေး လုပ်ငန်းရှင်တွေအဖြစ် အများအပြားတွေ့ရတတ်တယ်။ လိင်ကိစ္စကို စိတ်အား ထက်သန် တတ်ကြပြီး အချစ်ရေး၊ အိမ်ထောင် ရေး ရှုတ်ထွေးမှုတွေ များတတ်တယ်။ တစ်ခြား (6)ဂဏန်းသမားများထက် စာရင် သူတို့ဟာ တစ်ကိုယ်ကောင်း ဆန်ချင် တဲ့ သဘောမျိုး၊ အာဏာရှင်ဆန်တဲ့ သဘောထားမျိုး ရှိတတ်ကြတယ်။

ကိုသိန်းဖေ။ ။တော်တော်စိတ်ဝင်စားစရာပါဘဲ ဆရာ။ သူတို့နဲ့ တည့်တဲ့ဂဏန်းလေးတွေနဲ့ သူတို့ဘဝအကျိုးပေးလုပ်ငန်းလေးတွေကိုလည်း အမိန့်ရှိပါဦး ဆရာ။

ကျွန်ုပ်။ ။ သူတို့ဟာ (2)ဂဏန်း၊ (3)ဂဏန်း၊ (6)ဂဏန်း၊ (9)ဂဏန်းသမားတွေနဲ့ သင့်မြတ်ပြီး (5)ဂဏန်း(7)ဂဏန်းသမားတွေနဲ့လည်း တွဲဖက်လို့ ရပါတယ်။ (1)ဂဏန်း (4)ဂဏန်း နဲ့ (8)ဂဏန်း သမားတွေနဲ့ အဆင်မပြေတတ်ကြပါဘူး။ သူတို့နဲ့ အကျိုးပေးတဲ့ အလုပ်တွေကတော့ ပန်းချီ၊ ပန်းပု၊ ဂီတ၊ သရုပ်ဆောင် ၊ မော်ဒယ် စတဲ့ အနုပညာရပ်အမျိုးမျိုး၊ စာပေ ရေးသားခြင်း၊ ခရီးသွားခြင်းနှင့် ပတ်သတ်သော လုပ်ငန်းများ၊ နိုင်ငံခြားဘာသာစကား သင်ကြားခြင်းလုပ်ငန်းများ၊ ကလေးသူငယ် နှင့် ဝေဒနာရှင်များအား ပြုစုစောင့်ရှောက်ခြင်း လုပ်ငန်းများ၊ အ၀တ်အထည် ဒီဇိုင်းပညာရှင်၊ အမျိုးသမီး အလှအပ ပြုပြင်ခြင်းလုပ်ငန်းများ၊ အမျိုးသမီး အလှအပဆိုင်ရာ ပစ္စည်းများ ထုတ်လုပ်ခြင်း နှင့် ရောင်းဝယ်ဖောက်ကားခြင်း၊ စတိုးဆိုင်လုပ်ငန်းတွေ အကျိုးပေးပါတယ်။ သောကြာဂြိုဟ်ဟာ မိန်းမသားတွေကို စိုးမိုးတဲ့ဂြိုဟ်ဖြစ်တာကြောင့် အမျိုးသမီးတွေနဲ့ ပတ်သက်နေတဲ့ လုပ်ငန်းမှန်သမျှ အကျိုးပြုနိုင်ပါတယ်။

ကိုသိန်းဖေ။ ။ ကဲ- ဆရာရေ။ နောက်ဆုံးအနေနဲ့ ကမ္ဘာကျော် (6)ဂဏန်းသမား တွေကိုလည်း ပြောပြပေးပါဦးဆရာ။

ကျွန်ုပ်။ ။ကမ္ဘာကျော် (6)ဂဏန်းသမားများကတော့ – ပန်းချီ၊ ပန်းပု၊ သိပ္ပံပညာ စွယ်စုံရတဲ့ မိုက်ကယ်အိန်ဂျလိုက (6)ရက်ဖွား၊ မိုနာလီဇာပန်းချီကား ဖန်တီးရှင် လီယိုနာ ဒိုဒါဗင်ချီက (15)ရက်ဖွား၊ နက္ခတ်ပညာရှင် ၀ီလီယံ ဟာရှဲလ် က (15)ရက်ဖွား၊ နက္ခတ်တာရာကြည့်မှန်ပြောင်းကို တီထွင်ခဲ့တဲ့ ဂလီလီယိုက (15)ရက်ဖွား၊ ဟောလီးဝုဒ် ရုပ်ရှင်မင်းသားဘ၀ကနေ သမ္မတ ဖြစ်လာသူ ရော်နယ်ရီဂင်က (6)ရက်ဖွား၊ ဆိုဗီယက် ယူနီယံ KGB အကြီးအကဲဟောင်း ယူရီအင်ဒရိုပေါ့ဗ်က (15)ရက်ဖွား၊ ပါလက်စတိုင်း လွတ်မြောက်ရေးခေါင်းဆောင် ရာဆာအာရာဖတ် က(24)ရက်ဖွား၊ အမေရိကန် တီထွင်သူနဲ့ သန်းကြွယ်သူဌေးကြီး ဟောင်းဝပ်ဟူးက (24)ရက်ဖွား၊ Apple ကွန်ပျူတာကုမ္ပဏီ တည်ထောင်သူ စတီဗင်ပေါလ်ဂျော့ က (24)ရက်ဖွား၊ ဂေါ့ဒ်ဖားသားဝတ္တုကြီးနဲ့ ကမ္ဘာကျော်ခဲ့တဲ့ စာရေးဆရာကြီး မာရီယိုပူဇို က (15)ရက်ဖွား၊ အဆိုတော် နဲ့ သရုပ်ဆောင် ဂျနီဖာလိုပက်ဇ်က (24)ရက်ဖွား၊ ပြင်သစ် အာဇာနည် သူရဲကောင်း မလေး ဂျူန်းအော့အာ့ခ် က (6)ရက်ဖွား၊ စာရေးဆရာမကြီး အာဂါသာ ခရစ္စတီးက (15)ရက်ဖွား၊ ဘောလုံးစတား ရော်ဗင် ဗန်ပါစီ က (6)ရက်ဖွား၊ မင်းသားကြီး ဆီဗက်စတာ စတားလုံးက (6)ရက်ဖွား၊ အီရန်ဘာသာရေးခေါင်းဆောင် အယာတိုလာ ခိုမေနီက (24) ရက်ဖွား၊ နပိုလီယံ ဘိုနာပတ်က (15)ရက်ဖွား၊ လူမည်းခေါင်းဆောင် မာတင်လူသာကင်းက (15)ရက်ဖွား၊ ဂျာမန် ဗိုလ်ချုပ်ကြီး အာဝင်ရွန်းမဲက (15)ရက်ဖွား၊ စိတ်သရုပ်ခွဲပညာရှင် ဒေါက်တာ ဆစ်ဂမန်ဖရွိုက်က (6)ရက်ဖွား၊ Lawrence of Arabia လို့ကျော်ကြားခဲ့တဲ့ တီအီးလောရင့်စ် က (15)ရက်ဖွား၊ ကမ္ဘာကျော် မိတ္တဗလဋီကာ နဲ့ သောကကင်းဝေးနေနိုင်ရေး ကျမ်းကြီးတွေကို ပြုစုခဲ့တဲ့ ဒေးလ်ကာနက်ဂျီက (24)ရက်ဖွား၊ ကွယ်လွန်ချိန်မှာ မိမိပိုင် ငွေအားလုံးကို လှူဒါန်း ပစ်ခဲ့တဲ့ အမေရိကန် သံမဏိသူဌေးကြီး အင်ဒရူးကာနယ်ဂျီက (24)ရက်ဖွား၊ စာရေးဆရာကြီး အလက်ဇန်းဒါးဒူးမားက (24)ရက်ဖွား၊ စာရေးဆရာကြီး ဆာဝေါ်လတာ စကော့က (6)ရက်ဖွား အသီးသီးဖြစ်ကြပါတယ်။

ကိုသိန်းဖေ။ ။ ကောင်းပါပြီဆရာ။ နောက်တစ်ပတ် တနင်္ဂနွေဆိုရင်ကော ဆွေးနွေးဖြစ်ကြဦးမလား။

ကျွန်ုပ်။ ။ ရိပ်သာတရားပတ်က သြဂုတ်လ (၈)ရက် စ, မှာဆိုတော့ မပြောတတ်သေးဘူးဗျ။ ဆွေးနွေးဖြစ်ရင် ကျွန်တော်ဖုန်းလှမ်းဆက်ပြီးခေါ်လိုက်ပါမယ်ဗျာ။

ဖတ်ရှုသူအားလုံး ကျန်းမာချမ်းသာကြပါစေသော်။

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)

(5)ဂဏန်းသမားများ အကြောင်း တစေ့တစောင်း

ယခုတပါတ်တနင်္ဂနွေသည့် ကျွန်ုပ်တို့၏ တနင်္ဂနွေ စကားဝိုင်း အလှည့်ကျလာသော နေ့ဖြစ်သောကြောင့် ယနေ့တွင် (5)ဂဏန်းသမားများအကြောင်း ဆွေးနွေးကြရန် ကျွန်ုပ်နှင့် ကိုသိန်းဖေ တို့ စကားဆိုခဲ့ကြပြီး ဖြစ်သည့်အတိုင်း ကျွန်ုပ်တို့၏ စကားဝိုင်းကို အစပြုလိုက်ရပေတော့သည်။

ကျွန်ုပ်။ ။ ကဲ- ကိုသိန်းဖေရေ။ ဒီနေ့တော့ (5)ဂဏန်းသမားတွေအကြောင်း ဆွေးနွေးကြမယ်မဟုတ်လားဗျာ။

ကိုသိန်းဖေ။ ။ ဟုတ်ပါ့ဗျား။ (5)ဂဏန်းနဲ့ပတ်သတ်ပြီး ဆရာ့အမြင်၊ အတွေ့အကြုံလေးတွေကို ပြောပြပါဦးဗျာ။

ကျွန်ုပ်။ ။ ကိုသိန်းဖေ ရေ။ (5)ဂဏန်းဟာ သင်္ချာဗေဒပညာမှာ ဗုဒ္ဓဟူးဂြိုဟ်စိုးမိုးတဲ့ဂဏန်းဗျ။ ဗုဒ္ဓဟူးဂြိုဟ်ကို အင်္ဂလိပ်လို Mercury လို့ခေါ်တယ်။ ဂရိ ဒဏ္ဍာရီတွေမှာတော့ “ဟားမီးစ်” လို့ခေါ်တဲ့ ခြေထောက်မှာ အတောင်ပံပါတဲ့ ခြေမြန်တော် နတ်သားဟာ ဗုဒ္ဓဟူးဂြိုဟ်ရဲ့ အမှတ်အသားပေါ့ဗျာ။ နောက်တစ်ခုက ပြဒါးကိုလည်း မာကျူရီလို့ဘဲခေါ်တယ်။ ပြဒါးဆိုတာ အဂ္ဂိရတ်သမား တွေအတွက်တော့ အင်မတန် အရေးကြီးတဲ့ ဒြပ်စင်တစ်မျိုးပေါ့ဗျာ။ ကြားဘူးမှာပေါ့ဗျာ။ ” သံ,သေ၊ တစ်ဆွေဝ၊ ပြဒါးသေ တစ်ပြည်ဝ” တဲ့။

ပြဒါးဆိုတဲ့ ဓာတ်ဟာ သေအောင်လုပ်ဖို့ အင်မတန်ခက်ခဲလွန်းလို့ ပြဒါးကို သေအောင် ထိုးနိုင်ရင် “ရွှေဖြစ်ချင်သလားရွှေ၊ ငွေဖြစ်ချင်သလား ငွေ” ဆိုတာမျိုးလို ဖြစ်နိုင်တယ်လို့ အဂ္ဂိရတ်သမားတွေယုံကြည်ကြတယ်။ ယုံကြည်သလိုလည်း လုပ်နေကြပေမယ့် အောင်မြင်တယ်လို့တော့ မကြားဘူးသေးပါဘူး။ ပေါက္ကံရာမလို့ ခေါ်တဲ့ ပုဂံပြည်ကြီး ကောင်းစားစဉ်က “ရှင်အဇ္ဇဂေါဏ” လို့ခေါ်တဲ့ ရှင်မထီးကြီးဟာ ပြဒါးကို သေအောင်ထိုးနိုင်လို့ ပေါက္ကံပြည်ကြီး ရွှေမိုးငွေမိုး ရွာခဲ့တယ်ဆိုတာလည်း ကြားဖူးမှာပေါ့။

ကိုသိန်းဖေ။ ။ အဲဒီတော့ (5)ဂဏန်းသမားတွေနဲ့ ပြဒါးရဲ့ဂုဏ်သတ္တိတို့ကြားမှာ ဆက်စပ်မှုနိုင်ရဲ့လားဆရာ။

ကျွန်ုပ်။ ။ ရှိတယ်လို့ ဆိုရမယ်ဗျ။ ပြဒါးဟာ အင်မတန်ဆုပ်ကိုင်ဖမ်းယူဖို့ ခက်တယ်။ အလွယ်တကူ ပြန့်ကြဲသွားနိုင်သလို၊ အလွယ်တစ်ကူ ပြန်လည် စုစည်းသွားနိုင်တယ်။ မင်းသားကြီးအားနိုးလ် သရုပ်ဆောင်ခဲ့တဲ့ Terminator (2) လား (3) လားမှာ ပါတဲ့ ပြဒါးလူသားလိုပေါ့ဗျား။ စက်ရုပ်ခြင်းတောင်မှ ခက်ခက်ခဲခဲ ပြန်တိုက်ခိုက်ယူရလောက်အောင် စွမ်းအားသတ္တိကြီးလှတယ်လေ။ ဒါပေမယ့် သူက အပူကို သိပ်ကြောက်တယ်။ ပြဒါးကို မီးသာပြလိုက်။ ရွှတ်ကနဲ ပျောက်ထွက်သွားတာဘဲဗျ။ မီးအပူကို သိပ်ကြောက်တယ်။ ဒီလိုဘဲ (5)ဂဏန်းသမားတွေဟာ လွတ်လပ်မှုကို သိပ်ကြိုက်တယ်။ အချုပ်ချယ်ခံဘဝ၊ သူများလက်အောက်ခံဘဝမှာ နေလိုသူတွေမဟုတ်ဘူး။ မီးအပူကို ကြောက်တဲ့သဘောက ဇွဲသတ္တိဝီရိယ နည်းတဲ့သဘောကို ပြတယ်ဗျ။ (5)ဂဏန်းသမားအတော်များများဟာ ဆင်းရဲပင်ပန်းခံပြီး ရေရှည်လုပ်ရမယ့် အလုပ်မျိုးဆိုရင် မီးနဲ့တွေ့သလို ပြေးတော့တာဘဲဗျို့။ (5)ဂဏန်းသမားတွေဟာ (2)ဂဏန်းသမား တွေလိုဘဲ ဇွဲသတ္တိသိပ်မကောင်းလှဘူးဗျ။ ရှေရှည်စွဲစွဲမြဲမြဲလုပ်ရမယ့် လုပ်ငန်းတွေထက် တစ်ပွဲတိုး ဖြတ်လမ်းနည်းတွေနဲ့ ကြီးပွားလိုချင်တတ်ကြတယ်။ ဝီရိယထက် ဉာဏ်ကို ပိုမိုအားကိုး လိုသူတွေဖြစ်တယ်။ ဉာဏ်ကလည်း အလွန်ကောင်းတတ်ကြတယ်ဗျို့။ (5)ဂဏန်းသမားတွေဟာ တင်္ခနုပ္ပတိလို့ခေါ်တဲ့ ဖြတ်ထိုးဉာဏ်အလွန်ကောင်းတယ်။ အာဝဇ္ဇန်းကောင်းတယ်။ လူမှု ဆက်ဆံရေးအလွန်ပြေပြစ်တယ်။ ဘယ်လိုလူမျိုးနဲ့မဆိုတည့်အောင်ပေါင်းနိုင်တယ်။

ကိုသိန်းဖေ။ ။ဗုဒ္ဓဟူးဂြိုဟ်ဟာ အသိဉာဏ်နဲ့ ဦးနှောက်ကို စိုးမိုးတာကြောင့် ဉာဏ်ကောင်းကြတာများလား။ နောက်တစ်ခုက ကြာသပတေးဂြိုဟ်ကလည်း ဉာဏ်ပညာကို စိုးမိုးတယ်လို့ ကျွန်တော်ကြားဘူးတယ်ဆရာ။

ကျွန်ုပ်။ ။ ဟုတ်တယ်။ (၂)ခုစလုံးကတော့ အသိဉာဏ်ပညာနဲ့ အတွေးအခေါ်ကို စိုးမိုးကြတာမှန်ပေမယ့် စိုးမိုးပုံခြင်း မတူကြဘူး။ ကြာသပတေးဂြိုဟ်က ခက်ခဲနက်နဲတဲ့ ဘာသာရေး၊ ဗေဒင်ပညာ၊ အဘိဓမ္မာ၊ ဖီလော်ဆိုဖီ သဘောတရားတွေကို ပိုမိုအစိုးရပြီး၊ ဗုဒ္ဓဟူးဂြိုဟ်က တင်္ခနုပ္ပတိဉာဏ်နဲ့ လူမှုဆက်ဆံရေးပညာရပ်၊ အနုပညာပညာရပ်၊ သိပ္ပံပညာရပ် နဲ့ စီးပွားရေးပညာတွေဘက်မှာ ပိုမိုအစိုးရတာကို တွေ့ရတယ်။ ကမ္ဘာကျော် သိပ္ပံပညာရှင်ကြီး အယ်လ်ဘတ်အိုင်စတိုင်း ဟာဆိုရင် မတ်လ (14)ရက်နေ့မှာမွေးတဲ့ (5)ဂဏန်းသမားဖြစ်ပြီး မတ်လ(14)ရက်နေ့ဟာ ကြာသပတေးဂြိုဟ်ပိုင်တဲ့ မိန်ရာသီထဲမှာ ကျရောက်နေလို့ သူ့ကျတော့ ဗုဒ္ဓဟူးဂြိုဟ်ရော၊ ကြာသပတေးဂြိုဟ်ပါ စိုးမိုးခံရသူဖြစ်တယ်။ ဒါကြောင့် သူဟာ သိပ္ပံပညာသာမက၊ အဘိဓမ္မာဆန်တဲ့ အတွေးအခေါ်တွေကိုပါ ပိုင်ဆိုင်သူတစ်ဦးဖြစ်သွားပါတယ်။

ကိုသိန်းဖေ။ ။ ဆရာတို့ ဗေဒင်ပညာမှာလည်း ဗုဒ္ဓဟူးဂြိုဟ် နဲ့ ကြာသတေးဂြိုဟ် အားကောင်းမှ ဗေဒင်ပညာကို တတ်မြောက်နိုင်တယ်လို့ ကျွန်တော်ကြားဘူးတာ ဟုတ်လားဆရာ။

ကျွန်ုပ်။ ။ ဒါလည်း ဟုတ်တာဘဲဗျ။ ဗေဒင်ပညာရှင်တစ်ယောက်ဖြစ်ဖို့ ဗုဒ္ဓဟူး နဲ့ ကြာသပတေး အားကောင်းဖို့လိုတယ်။ ဒါက ဂဏန်းဗေဒင်အရတော့ မဟုတ်ဘူး။ နက္ခတ်ပညာအရပါ။ နက္ခတ်ဗေဒင် ဇာတာခွင်တစ်ခုမှာ ဗုဒ္ဓဟူးဂြိုဟ်နဲ့ ကြာသတေးဂြိုဟ်ဟာ အားကောင်းရုံမက သမန္ဓ လို့ခေါ်တဲ့ ဆက်သွယ်မှုလည်း ကောင်းဖို့လိုတယ်။ သင်္ချာဗေဒအရတော့ (2)ဂဏန်းသမား၊ (5)ဂဏန်းသမား၊ (7)ဂဏန်းသမား (8)ဂဏန်းသမား နဲ့ (9)ဂဏန်းသမားတွေဟာ ဗေဒင်ပညာရပ်တွေကို လိုက်စားလို့ရပြီး တတ်မြောက်နိုင်ပါတယ်။

ကိုသိန်းဖေ။ ။(5)ဂဏန်းသမားတွေရဲ့ ထူးခြားချက်တွေကို ပြောပြပါဦးဆရာ။

ကျွန်ုပ်။ ။ (5)ဂဏန်းဟာ လူသားအင်မတန်ဆန်တဲ့ဂဏန်းဖြစ်ပြီး လူ ဆိုတဲ့ သတ္တ၀ါနဲ့ အင်မတန်နီးစပ်တဲ့ဂဏန်းဖြစ်တယ်။ လူ့ကိုယ်ခန္ဓာမှာ ခြေချောင်း၊ လက်ချောင်းတွေဟာ တစ်ဘက်ကို (၅)ချောင်းစီ ပါနေတာရယ်၊ အာရုံခံစားနိုင်တဲ့ အင်္ဂါရပ်ဟာလည်း မျက်စိ၊ နား၊ နှာခေါင်း၊ လျှာ၊ ကိုယ် ဆိုပြီး (၅)မျိုးရှိတာရယ်။ တရားသဘောအရခွဲခြမ်းစိတ်ဖြာလိုက်ရင် လူဆိုတာ “ရုပ်၊ ဝေဒနာ၊ သညာ၊ သင်္ခါရ၊ ဝိဉာဏ်” ဆိုတဲ့ “ခန္ဓာ(၅)ပါး” အစုအဝေးသာဖြစ်တာရယ်၊ သာမန်လူသားတွေ စောင့်ထိန်းအပ်တဲ့ သီလဟာ (၅)ပါးအပြား သာရှိတာရယ်၊ အနန္တောအနန္တ (၅)ငါးပါး ဟာ အကြီးအကဲဂိုဏ်းဝင်တွေဖြစ်တယ်ရယ်ဟာ လူသားဆိုတဲ့ ပညတ်နဲ့ အနီးစပ်ဆုံး သင်္ကေတတွေပါဘဲ။ နောက်တစ်ခုဟာ သင်္ချာဗေဒမှာ (1) ကနေ (9) အထိ ဂဏန်း (၉)ခုရှိတဲ့ အထဲမှာ (5)ဂဏန်းဟာ အလယ်ဗဟိုကျနေတာကို တွေ့ရလိမ့်မယ်။ ရှေ့မှာ ဂဏန်း (၄)လုံးရှိတယ်။ နောက်မှာ ဂဏန်း (၄)လုံးရှိတယ်။ သူက အလည်မှာ တံတားသဘောမျိုး ပေါင်းကူးပေးထားတာ မျိုးဖြစ်နေတယ်။

ကိုသိန်းဖေ။ ။အဲဒါ ဘာကိုဆိုလိုတာလည်းဆရာ။

ကျွန်ုပ်။ ။ အဲဒါက မျှတညီညွတ်အောင် ပေါင်းစပ်ပေးနိုင်ခြင်း၊ ပေါင်းကူးဆက်ဆံပေးနိုင်ခြင်း၊ စေ့စပ်ညှိနှိုင်းပေးနိုင်ခြင်း အဓိပ္ပါယ်တွေကို ဆောင်တယ်။ ဒါကြောင့် (5)ဂဏန်းသမားနဲ့ မတည့်တဲ့ ဂဏန်းမရှိသလောက်ဘဲ။ စိတ်ထဲက ပါသည်ဖြစ်စေ၊ မပါသည်ဖြစ်စေ၊ နှစ်သက်သည်ဖြစ်စေ၊ မနှစ်သက်သည်ဖြစ်စေ အားလုံးနဲ့ သင့်တင်အောင် ပေါင်းနိုင်ကြတယ်။ သူဟာ ဆက်သွယ်ရေးပေါင်းကူးဂြိုဟ်ဖြစ်နေတော့ (5)ဂဏန်းသမားတွေဟာ သတင်း၊ ဆက်သွယ်ရေး၊ လူမှုဆက်ဆံရေး၊ သတင်းဆက်သွယ်ရေး၊ စာနယ်ဇင်း၊ ရေဒီယို၊ သတင်းစာ၊ တီဗွီ၊ ကွန်ပျူတာ၊ အင်တာနက်၊ ကြော်ငြာလုပ်ငန်း၊ ၀ါဒဖြန့်ချိရေးလုပ်ငန်းတွေနဲ့ ဆက်စပ်ပတ်သက်နေသူတွေလည်း ဖြစ်နေတတ်တယ်။ ဂရိနတ်တွေထဲမှာ မာကြူရီနတ်သားဟာ ခြေထောက်မှာ အတောင်ပံပါတဲ့ ခြေမြန်တော်နတ်သားဖြစ်လို့ ဗုဒ္ဓဟူးဂြိုဟ်ဟာ ဆက်သွယ်ရေး၊ သတင်းဖြန့်ချိရေး၊ ကူးလူးဆက်ဆံရေး၊ သံခင်းတမန်ခင်းကိစ္စတွေရဲ့ အမှတ်အသား တစ်ခုဖြစ်နေတယ်လို့ ဆိုရမှာပေါ့ဗျာ။

ကိုသိန်းဖေ။ ။ (5)ဂဏန်းသမားတွေရဲ့ ယေဘူယျ သရုပ်သကန်တွေကို အတိုချုံးပြီးပြောပြပါဦးဆရာ။

ကျွန်ုပ်။ ။ ပြောခဲ့သလိုဘဲ။ ငါးဂဏန်းသမားတွေဟာ ဉာဏ်ကောင်းပြီး၊ ဝီရိယနည်းသူတွေဖြစ်တယ်။ လောကဓံတရားကို ခံနိုင်ရည်ရှိတယ်။ ရေရှည်ဇွဲသတ္တိနည်းတယ်။ လူမှုဆက်ဆံရေး အလွန်ကောင်းတတ်တယ်။ ကိုယ်မနှစ်သက်ရင်တောင် အလွန်အတိုက်အခံပြုခဲတယ်။ ရန်ကို ရှောင်ရှားတတ်တယ်။ နှုတ်သွက်တယ်။ စကားပြောကောင်းတယ်။ အာဝဇ္ဇန်းကောင်းတယ်။ ဖြတ်ထိုးဉာဏ်ကောင်းတယ်။ သူတစ်ပါးအပေါ် လွှမ်းမိုးလိုစိတ်နည်းတယ်။ အမိန့်သြဇာပေးလိုမှု နည်းတယ်။ လူ့အခွင့်အရေးကို လေးစားတယ်။ ဒါကြောင့် (5)ဂဏန်းသမား အာဏာရှင်ဖြစ်တာ မရှိသလောက် ရှားပါတယ်။ (5)ဂဏန်းသမားတွေထဲမှာ ဘုရင်တွေ၊ ဘုရင်မတွေ ရှိပေမယ့် သူတို့ဟာ မျိုးရိုးအစဉ်အဆက်အရဖြစ်ကြသူတွေဖြစ်ပြီး သူတို့လက်ထက်မှာ လည်း ဖိနှိပ်မှုတွေ သိပ်နည်းပါတယ်။

နောက်ပြီး သူတို့ဟာ အသုံးအစွဲကြီးပြီး လက်ဖွာသူများဖြစ်တယ်။ သူများကိုလည်း အလွယ်တကူ စွန့်ကြဲပေးကမ်းတတ်ကြတယ်။ အကောင်းစား ဇိမ်ခံပစ္စည်းတွေကို ခုံမင်နှစ်သက်တတ် တယ်။ သူတို့ဟာ မရှိလည်းပျော်ပျော်၊ ရှိလည်း ပျော်ပျော် နေတတ်သူတွေဖြစ်တယ်။ စည်းကမ်းသေဝတ်မှုနည်းတယ်။ တစ်ချို့ဆိုရင် ဗရမ်းဗတာ နေတတ်ထိုင်တတ်တာမျိုးတွေလည်း တွေ့ရတယ်။ ဉာဏ်ကောင်း၊ ဖြတ်ထိုးဉာဏ်ကောင်းပေမယ့် စီမံခန့်ခွဲမှုမှာတော့ အားနည်းညံ့ဖျင်းတတ်သူတွေဖြစ်တယ်။

(5)ဂဏန်းသမားတွေဟာ လူမှုဆက်ဆံရေးလည်းကောင်း၊ အပေါင်းအသင်းလည်းများ၊ စကားပြောလည်း ကောင်းတတ်သူတွေဖြစ်လို့ အချစ်ရေး၊ အိမ်ထောင်ရေးမှာ ဆန့်ကျင်ဘက်လိင် တွေရဲ့ သဘောကျမှုကို ခံရတတ်သူတွေဖြစ်တယ်။ ဒါကြောင့် အချစ်ရေး၊ အိမ်ထောင်ရေးကိစ္စတွေရှုတ်ထွေးတတ်ကြတယ်။ အိမ်ထောင်မကျခင်မှာ အချစ်ရေးရှုတ်ထွေးပြီး ရည်းစားများ တတ်ကြသူတွေဖြစ်တယ်။

ယေဘူယျပြောရရင်တော့ (5)ဂဏန်းသမားတွေဟာ အိမ်ထောင်ရေးကံကောင်းတတ်ကြတယ်။ အထူးသဖြင့် မိန်းကလေး (5)ဂဏန်းသမားတွေဟာ အိမ်ထောင်ရေးကံကောင်း တတ်တယ်။ သူတို့အိမ်ထောင်ဘက်ဟာ လူအေး၊ လူဖြောင့်၊ တွေဖြစ်တာများတယ်။ အထူးသဖြင့် (23)ရက်ဖွားမိန်းကလေးတွေဟာ အိမ်ထောင်ရေးကံ ကောင်းတတ်ကြတယ်။ ကိုယ့်ထက် အဆင့်မြင့်တဲ့ အိမ်ထောင်ဘက်ကို ရတတ်တယ် (ဒါမှမဟုတ်)ကိုယ်နဲ့ အိမ်ထောင်ကျပြီး ကြီးပွားချမ်းသာလာတတ်တယ်။ ဒါပေမယ့် သူတို့ရဲ့ အိမ်ထောင်ဘက်တွေဟာ အေးစက်စက်နိုင် ကြသူများဖြစ်လို့ ဒီအပေါ်မှာ ကျေနပ်မှု မရနိုင်ကြတာမျိုးတွေလည်း ရှိတတ်တယ်။

(5)ဂဏန်းသမားတွေဟာ စိတ်မှတ်ကြီးသူတွေမဟုတ်ဘဲ ခွင့်လွှတ်လွယ်တယ်သူများဖြစ်တယ်။ ဘယ်လောက် စော်ကားခံရခံရ ခဏလောက်ဘဲ ဒေါသဖြစ်၊ ပေါက်ကွဲတတ်ကြပြီး လွယ်လွယ် နဲ့ ပြီးပျောက်သွားကြသူများဖြစ်တတ်ကြပါတယ်။ သူတို့နဲ့ လိုက်ဖက်တဲ့ ဂဏန်းတွေကတော့ (2)ဂဏန်း၊ (5)ဂဏန်း၊ (7) ဂဏန်း နဲ့ (8)ဂဏန်းတို့ဘဲဖြစ်ပါတယ်။ ဒါပေမယ့် ကျန်တဲ့ ဂဏန်းအားလုံးနဲ့လည်း အဆင်ပြေညီညွတ်အောင် ပေါင်းသင်းနိုင်တဲ့ အရည်အချင်းမျိုးလည်း ရှိပါတယ်။ (5)ဂဏန်းသမားတွေဟာ (2)ဂဏန်းသမားတွေနဲ့ အိမ်ထောင်ကျတာကို အများဆုံး တွေ့ရတတ်တယ်။

ကိုသိန်းဖေ။ ။ (5)ဂဏန်းတစ်ခုခြင်းစီရဲ့ သီးခြားဂုဏ်အင်တွေကိုလည်း ပြောပြပါဦးဆရာ။

ကျွန်ုပ်။ ။ (5)ဂဏန်းသမားတွေထဲမှာ (5) ထီးတည်းသမားတွေဟာ အားလုံးနဲ့ ပိုမိုအဆင်ပြေပြီး၊ လွတ်လပ်မှုကို ပိုမိုမြတ်နိုးတယ်။ လူ့အခွင့်အရေးကို လေးစားတယ်။ ရက်ရောသဘောကောင်းမှုများတယ်။ စွန့်ကြဲပေးကမ်း လွယ်တယ်။ ပျော်ပျော်နေသေခဲဝါဒကို ကျင့်သုံးတတ်သူများဖြစ်တယ်။ အထက်တန်းကျကျ နေလိုတတ်ကြတယ်။ အပျော်ကြူးတတ်မှုတွေ ရှိနိုင်တာကိုတော့ သတိပြုသင့်တယ်။

(14)ဂဏန်းသမားတွေကျတော့ ထက်မြက်မှုရှိပြီး၊ အုပ်ချုပ်သူသြဇာအာဏာရှိသူများနဲ့ ရင်းနှီးကျွမ်းဝင်လွယ်တတ်ကြသူများဖြစ်တယ်။ သူတို့ရဲ့ အကူအညီနဲ့မိမိဘဝတက်လမ်းကို ရှာကြံ နိုင်တတ်ကြတယ်။ တနင်္ဂနွေ(1)ဂဏန်း နဲ့ ယူရေးနပ်စ်ဂြိုဟ် (4)ဂဏန်းပေါင်းစပ်ထားတာကြောင့် ကျန်တဲ့ (5)ဂဏန်းတွေထက် ပိုမိုထက်မြက်ပြီး သြဇာ နဲနဲ ပေးချင်တဲ့ သူတွေဖြစ်တယ်။ ယူရေးနပ်စ်ဂြိုဟ်ပါနေတဲ့အတွက် သူတို့ဟာ လောကဓံတွေကို မကြာခဏကြုံရတတ်တယ်။ ရန်အတိုက်အခံပိုများတယ်။ ဒါပေမယ့် သူတို့ဟာ လူကောင်းလူဖြောင့်တွေဖြစ်ပြီး အပေါင်း အသင်းများအပေါ်မှာ အနစ်နာခံပြီးပေါင်းတတ်ကြတယ်။ ခင်မင်မိပြီဆိုရင် အစွမ်းကုန် ကူညီတတ်ကြလေ့ရှိသူများဖြစ်တယ်။ သူတို့ဟာ နောက်က Current of Destiny ခေါ်တဲ့ မွေးတဲ့ ခုနှစ်ဂဏန်း မကောင်းရင် ဥပစ္ဆေဒကံ ရှိသူများဖြစ်တယ်။

(23)ဂဏန်းသမားတွေကျတော့ ဂဏန်းအားလုံးထဲမှာ ဘုရင်ဆိုလောက်တဲ့ဂဏန်းဖြစ်တယ်။ (23)ရက်ဖွားဟူသမျှကောင်းစားကြတာများတယ်။ မိန်းကလေးဆိုရင် ပိုကောင်းစား တတ်တယ်။ လင်ကောင်းသားကောင်းရတတ်တယ်။ (23)ရက်ဖွားယောင်္ကျားများကြပြန်တော့ ကံကြမ္မာရဲ့ မျက်နှာသာပေးမှုကို ရတတ်ပြီး ဘ၀တက်လမ်း အလွန်မြန်တတ်ကြတယ်။ ဒါပေမယ့် (23)ဂဏန်းဟာ တနင်္လာဂြိုဟ် နဲ့ ကြာသပတေးဂြိုဟ်ကြီးတို့ ပေါင်းစပ်ထားတဲ့ “စန္ဒြဂုရု” ယုဂ်ရတဲ့ ဂဏန်းဖြစ်လို့ ကိုယ်ကျင့်တရားကောင်းဖို့လိုတယ်။ (23)သမားတွေဟာ ကံကောင်းနေရာက ကိုယ်ကျင့်တရားပျက်ခြင်း၊ သူတစ်ပါးကို အနိုင်ထက်ပြုနှိပ်စက်ခြင်း၊ ကာမဂုဏ်ဖောက်ပြန်ခြင်း စတဲ့ ဒုစရိုက်တွေကို ကျူးလွန်မိရင် ကံတရားက ချက်ခြင်းအပြစ်ပေး ခံရတတ်ပြီး အောက်ဆုံးကို ပြုတ်ကျသွားတတ်တာကို သတိထားပါ။ (23)ဂဏန်းဟာ (5) , (14)ဂဏန်းတွေနဲ့ယှဉ်ရင် အတ္တစိတ်၊ တစ်ကိုယ်ကောင်းစိတ် ပိုများတတ်တယ်။ ကပ်စေးပို နဲတတ်တယ်။ ရက်ရောမိရင်လည်း သူမတူအောင် ရက်ရောတတ်သလို၊ ကပ်စေးနှဲမိရင်လည်း သူမတူအောင်ဖြစ်တတ်တယ်။

ကိုသိန်းဖေရေ – နောက်ဆုံးခြုံပြောရရင် (5)ဂဏန်းသမားတွေဟာ ပြဒါးကို သေအောင်သတ်ဖို့ မလွယ်သလို၊ သူတို့ကို ပြုပြင်ပြောင်းလဲဖို့လွယ်သူတွေ မဟုတ်ဘူးဗျ။ (5)ဂဏန်းသမား လူဆိုးဖြစ်မိရင် ဆုံးမပဲ့ပြင်ဖို့ကြိုးစားမနေနဲ့။ သူ့ဟာသူပြန်ကောင်းရင်ကောင်းလိမ့်မယ်။ သူများဆုံးမလို့တော့ နောင်တရမယ် မထင်နဲ့။ (5)ဂဏန်းသမားတွေဟာ ဘုန်းကြီးတစ္ဆေတွေဗျ။ သူ့ကို တရားသွားမဟောနဲ့ သူကပြန်ဟောပြလိမ့်မယ်။ သူတို့ဟာ လောကကြီးအကြောင်းကို နောကြေအောင်သိကြသူတွေဖြစ်တွေလို့ သူတို့ကို ဆရာလုပ်လို့ မလွယ်လှပါဘူး။

ကိုသိန်းဖေ။ ။ သိချင်တာတွေ အတော်ပြည့်စုံသွားပါပြီဆရာ။ ထင်ပေါ်ကျော်ကြားတဲ့ (5)ဂဏန်းသမားတွေကိုလည်း ပြောပြပါဦးဆရာ။

ကွန်ုပ်။ ။ အိန္ဒိယလွတ်လပ်ရေးဖခင်ကြီးနဲ့ ပထမဆုံးဝန်ကြီးချုပ် ဂျဝါဟလာနေရူး က (23)ရက်ဖွား၊ နပိုလီယံအလွန်ချစ်မြတ်နိုးတဲ့ မိဘုရားကြီး ဂျိုဆက်ဖင်က (23)ရက်ဖွား၊ လေရူးသုန်သုန် ဇာတ်ကားနဲ့ နာမည်ကြီးခဲ့တဲ့ ဟောလီးဝုဒ်မင်းသမီးချော ဗီဗီယံလေးက (5)ရက်ဖွား၊ မင်းသားကြီး ဂရေဂိုရီပတ်က (5)ရက်ဖွား၊ ဂျော့ဘုရင် နံပါတ်(6)က (14)ရက်ဖွား၊ ချက်နိုင်ငံရဲ့ ပထမဆုံးသမ္မတ စာပေနဲ့ကဗျာပညာရှင် ဗားကလက်ဟေဗယ်က (5)ရက်ဖွား၊ ဂျော်ဒန်ဘုရင်ဟူစိန်က (14)ရက်ဖွား၊ ဂျိမ်းစ်ဘွန်းမင်းသား ရော်ဂျာမိုးက (14)ရက်ဖွား၊ အမေရိကန်နိုင်ငံခြားရေးဝန်ကြီးတွေဖြစ်ခဲ့တဲ့ ကောလင်းပါဝယ်က (5)ရက်ဖွား၊ ကွန်ဒိုလီဇာရိုက်စ် က (14)ရက်ဖွား၊ ဘောလုံးသမား ဟာနန်ခရက်စ်ပိုက (5)ရက်ဖွား၊ အင်္ဂလိပ်လူမျိုး နက္ခတ်သင်္ချာစွယ်စုံပညာရှင် ရာဖေးလ် က (5)ရက်ဖွား၊ Dell ကွန်ပျူတာကုမ္ပဏီကို တည်ထောင်ခဲ့တဲ့ မိုက်ကယ်ဒဲလ် က (23)ရက်ဖွား၊ ဘီလျံနာ ဒေါ်နယ်ထရမ့်က (14)ရက်ဖွား၊ အာဏာရှင်တော်လှန်ရေးခေါင်းဆောင် ချီဂွေဗားရား က (14)ရက်ဖွား၊ ကွပ်မျက်ခံရတဲ့ ပါကစ္စတန် ဝန်ကြီးချုပ်ဟောင်း အလီဘူတို (ဘင်နာဇီယာဘူတို၏ဖခင်) က (5)ရက်ဖွား၊ ကာတွန်းပညာရှင်ကြီး ဝေါ့လ်ဒစ်နေး က (5)ရက်ဖွား၊ ကွန်မျူနစ်ဝါဒရဲ့ ဖခင်ကြီး ကားလ်မတ်ခ် က (5)ရက်ဖွား၊ ဗြိတိသျှ အိမ်ရှေ့စံ ချားလ်မင်းသားက (14)ရက်ဖွားများ ဖြစ်ကြပါတယ်။

ကဲ- ကိုသိန်းဖေရေ။ ကျွန်တော်တို့ရဲ့ တနင်္ဂနွေစကားဝိုင်းလေး ဒီမှာဘဲ အဆုံးသတ်လိုက်ကြရအောင်။ နောက်တစ်ပတ်ကျရင် (6)ဂဏန်းသမားများအကြောင်းပေါ့ဗျာ။

ကိုသိန်းဖေ။ ။ ကောင်းပါပြီဆရာ။ အခုကို သိခွင့်ရတာကျေးဇူးအထူးတင်ပါတယ်။ ကျွန်တော်လည်း ပြန်လိုက်ပါဦးမယ်။

ဖတ်ရှုသူအားလုံး ကျန်းမာချမ်းသာကြပါစေသော်။

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)

(4)ဂဏန်းသမားများ အကြောင်း တစေ့တစောင်း myths_uranus

(4)ဂဏန်းသမားများ အကြောင်း တစေ့တစောင်း

အမေရိကန်နိုင်ငံ , အိုဘားမားနဲ့ (4)ဂဏန်း အကြောင်းကို ရေးပြီးတော့ (4)ဂဏန်း အကြောင်းကို ဆက်ပြီး ရေးချင်စိတ် ပေါ်လာလို့ ရေးလိုက် တယ်ဗျာ။ ဗဟုသုတပေါ့။

(4)ဂဏန်း ဟာ ဂဏန်းဗေဒင်ပညာမှာ တော်တော်စိတ်ဝင်စားဖို့ကောင်းတဲ့ ဂဏန်း တစ်ခုပါ။ (4)ဂဏန်းဟာ ပထဝီ၊ ဝါယော၊ အာပေါ၊ တေဇော ဆိုတဲ့ မူလဘူတ ဓါတ်ကြီး (4)ပါးကို ကိုယ်စားပြုတဲ့ ဂဏန်းပါ။ နောက်ပြီး ဗုဒ္ဓဘာသာဝင်တွေ အတွက် ပဋိစ္စသမုပ္ပဒ်ဆိုတဲ့ သစ္စာတရားဟာ (4)ပါးရှိပါတယ်။ သမုဒယသစ္စာ၊ ဒုက္ခသစ္စာ၊ မဂ္ဂသစ္စာ နဲ့ နိယောဓ သစ္စာတို့ ဖြစ်ပါတယ်။ လောကမှာ “ပညတ်” တရားတွေ ဘယ်လောက် များများ၊ “ပရမတ်” တရားကတော့ (4)ခုသာ ရှိပါတယ်။ “စိတ်၊ စေတသိက်၊ ရုပ် ၊ နိဗ္ဗာန်” တို့ဘဲဖြစ်ပါတယ်။ (4)ဂဏန်း အတွဲပါဘဲ။

(4)ဂဏန်းဟာ ဂဏန်းဗေဒင်ပညာမှာ တော်တော်စိတ်ဝင်စားဖို့ကောင်းတဲ့ ဂဏန်း တစ်ခုပါ။ (4)ဂဏန်းဟာ ပထဝီ၊ ဝါယော၊ အာပေါ၊ တေဇော ဆိုတဲ့ မူလဘူတ ဓါတ်ကြီး (4)ပါးကို ကိုယ်စားပြုတဲ့ ဂဏန်းပါ။ နောက်ပြီး ဗုဒ္ဓဘာသာဝင်တွေအတွက် ပဋိစ္စသမုပ္ပဒ်ဆိုတဲ့ သစ္စာတရားဟာ (4)ပါးရှိပါတယ်။ သမုဒယသစ္စာ၊ ဒုက္ခသစ္စာ၊ မဂ္ဂသစ္စာ နဲ့ နိယောဓ သစ္စာတို့ ဖြစ်ပါတယ်။ လောကမှာ “ပညတ်” တရားတွေ ဘယ်လောက်များများ၊ “ပရမတ်” တရားကတော့ (4) ခုသာ ရှိပါတယ်။ “စိတ်၊ စေတသိက်၊ ရုပ် ၊ နိဗ္ဗာန်” တို့ဘဲဖြစ်ပါတယ်။ (4)ဂဏန်း အတွဲပါဘဲ။

နောက်ပြီး မဟာဘုတ်ပညာမှာ သုံးတဲ့ “အောင်၊ လံ၊ ထူ၊ စစ်၊ သူ၊ ကြီး၊ ပွဲ” ဆိုတာ တကယ်တော့ ဂြိုဟ်တစ်ခု နဲ့ တစ်ခု “စတုရန်း အစီအစဉ်နဲ့” ချထားတာ မဟုတ်ပါလား။ ဂြိုဟ်တစ်ခုကနေ ဂြိုဟ်တစ်ခုကို (4)ခုမြောက် ရေတွက်ပြီး ချထားတာဖြစ်တယ်။ (၁ – ၄ – ဝ – ၃ – ၆ – ၂ – ၅ )

ဂြိုဟ်စား သက်ရောက်ခွင်မှာ မကောင်းတဲ့ဂြိုဟ်စားဖြစ်တဲ့ “ဘုမ္မိဂြိုဟ်” ဆိုတာကလည်း မိမိမွေးဖွားတဲ့ မူလဂြိုဟ်ကနေ စတင်ရေတွက်ရင် (4)ခုမြောက်ကျတဲ့ သက်ရောက်ခွင်ဘဲဖြစ်ပါတယ်။

အင်္ဂဝိဇ္ဇာ ဓါတ်ရိုက်ဓာတ်ဆင် ပညာမှာ စတုရန်းဂြိုဟ်ကို “သတ်တတ်တဲ့” ဂြိုဟ် တစ်ခုလို့ သတ်မှတ်ပါတယ်။ “စတုရန်း၊ ခံနိုင်စွမ်းမရှိ” ဆိုပြီး ဆိုရိုးရှိပါတယ်။ နံတစ်ခုကို သတ်ချင်ရင် သူ့ရဲ့ စတုရန်းဂြိုဟ်နဲ့ သတ်ရင် လုံးဝမခံနိုင် ပါဘူးလို့ဆိုလိုတာပါ။ (သတ် တယ်ဆိုတာ ဗေဒင်ဝေါဟာရပါ။ အနိုင်ရအောင် လုပ်တာကို ပြောတာပါ။ သတ်တာဖြတ်တာ မဟုတ်ပါဘူး)

မြန်မာ့ဗေဒင်ပညာမှာတော့ (၄)ဂဏန်းကို ဗုဒ္ဓဟူးဂြိုဟ်ပိုင်တဲ့ ဂဏန်းလို့ ယူဆပြီး၊ အနောက်တိုင်း နျူမရိုလိုဂျီ (Numerology) ပညာမှာတော့ (4)ဂဏန်းကို ယူရေးနပ်စ်ဂြိုဟ်က ပိုင်တယ်လို့ ယူဆပါတယ်။

ထူးဆန်းတာက မြန်မာမှာ (၄)ဂဏန်းကို (၂)ဆပွားလိုက်ရင် ဖြစ်လာတဲ့ (၈)ကို ရာဟုဂြိုဟ်လို့ သတ်မှတ်ပြီး အဲဒီရာဟုဂြိုဟ်ဟာ ဗုဒ္ဓဟူးဂြိုဟ်နဲ့ လုံးဝမတည့်တဲ့ ဂြိုဟ်ဖြစ်နေပါတယ်။ “ ဦးညို၊ ခေမာ၊ သုတာ၊ ဝေရီ” ရန်စီစီ လို့ သတ်မှတ်ပါတယ်။ ဗုဒ္ဓဟူးဂြိုဟ်သက်ရောက်ခွင်ကနေ စတင်ရေတွက်ရင် (၄)ခုမြောက်ခွင်ဖြစ်တဲ့အတွက် ရာဟုဟာ ဗုဒ္ဓဟူးဂြိုဟ်ရဲ့ ဘုမ္မိဂြိုဟ်ဖြစ်ပြီး ဗုဒ္ဓဟူးဂြိုဟ်ကို ကောင်းကောင်း ဒုက္ခပေးနိုင်တဲ့ ဂြိုဟ်ဖြစ်ပါတယ်။ ဗုဒ္ဓဟူးသားသမီး တွေဟာ ရာဟုဂြိုဟ်သက်ရောက်ထဲမှာ ကျန်းမာရေး၊ စီးပွားရေး၊ အိမ်ထောင်ရေးတွေ ဒုက္ခပေးတတ်ပါတယ်။

အဲဒီလိုဘဲ အနောက်တိုင်းမှာ (4)ဂဏန်းကို (၂)ဆပွားလိုက်ရင် ဖြစ်လာတဲ့ (8)ဂဏန်းကို စနေဂြိုဟ်လို့ သတ်မှတ်ပြီး အဲဒီစနေဂြိုဟ်ဟာလည်း ယူရေးနပ်စ် ဂြိုဟ်နဲ့ လုံးဝမတည့်တဲ့ဂြိုဟ်ဖြစ်နေပါတယ်။ ရာဟုဂြိုဟ်ဟာ ဗုဒ္ဓဟူး ဂြိုဟ်ကို ကောင်းကောင်း ဒုက္ခပေးနိုင်သလို စနေဂြိုဟ်ဟာလည်း ယူရေးနပ်စ် ဂြိုဟ်ကို ကောင်းကောင်း ဒုက္ခပေး နိုင်ပါတယ်။

(4)ဂဏန်းဖြစ်တဲ့ ယူရေးနပ်စ်ဂြိုဟ် နဲ့ (8) ဂဏန်းဖြစ်တဲ့ စနေဂြိုဟ်တို့တွေ့တဲ့ အခါတိုင်းမှ ပြဿနာကြီး တွေဖြစ်တတ်တယ်လို့ ကျွန်တော်ပြောခဲ့ပါတယ်။ ဒါပေမယ့် အဲသည်လို ပြဿနာဖြစ်တိုင်း နောက်ဆုံး အနိုင်ရသွား တာက (8) ပါ။ (4) နဲ့ (8) ဟာ ရန်ဘက်ဖြစ်ပေမယ့် များသောအားဖြင့် ပြဿနာဖြစ်ရင် (4) ကရှုံးပြီး (8) ကသာ နိုင်တတ်တာကို သတိပြုမိပါတယ်။

ဒါကြောင့် (4)ဂဏန်း သမားတွေဖြစ်တဲ့ (4)ရက် ၊ (13)ရက်၊ (22)ရက်၊ (31)ရက်နေ့မွေးတဲ့သူတွေဟာ (8) ဂဏန်းကို အထူးသတိပြုပါ။ ဒုက္ခပေးတတ်ပါတယ်။ အသက်ကို ပေါင်းလိုက်ရင် (8) ကျတဲ့နှစ်တွေဖြစ်တဲ့ (17) ၊ (26)၊ (35)၊ (44)၊ (53)၊ (62)၊ (71)၊ (80) နှစ်တွေဟာ မကောင်းတတ်ပါဘူး။ နောက်ပြီး (4) နဲ့ (8) တွဲနေတဲ့ (48) နှစ် (84) နှစ်တွေလည်း မကောင်းပါဘူး။ (8)ဂဏန်းပါတဲ့ (18) ၊ (28) ၊ (38) ၊ (48) ၊ (58) ၊ (68) ၊ (78) ၊ (88) နှစ်တွေလည်း သတိထားရပါမယ်။

နောက်ပြီး ခရစ်သက္ကရာဇ်ကို ပေါင်းလိုက်ရင် (8) ကျတဲ့ (2006) လို နှစ်မျိုးလည်း (4)ဂဏန်း သမားတွေ အတွက် မကောင်းလှပါဘူး။ ပြီးခဲ့တဲ့ (2006) ခုနှစ်တုန်းက (4)ဂဏန်းသမား အတော်များများ လူမှုရေး၊ စီးပွားရေး၊ ကျန်းမာရေးတွေ အတော်ညံ့ခဲ့ကြတာကို သတိထားမိပါတယ်။ မယုံရင် လက်တွေ့လေ့လာကြည့်ပါ။

အခု (2008) ကျတော့ကော။ နောက်ဆုံးမှာ (8)ပါနေလို့ (4)ဂဏန်းသမား အတော်များများ အဆင်မပြေ ကြပါဘူး။ အမေရိကန်နိုင်ငံဟာ ဇူလိုင်လ (4)ရက်နေ့မှာ တည်ထောင်ခဲ့လို့ (4) ဂဏန်းစိုးမိုးတဲ့ နိုင်ငံတစ်ခုပါ။ 1776 ခုနှစ်မှာ နိုင်ငံတည်ထောင်ခဲ့တာမို့ အခု 2008 ခုနှစ်မှာ အနှစ် (233) နှစ်ထဲကို ရောက်လာတဲ့အချိန် (2+3+3) ပေါင်းရင် (8)ဂဏန်း ဖြစ်နေပြီး 2008 မှာလည်း (8) ပါနေတာမို့ စီးပွားပျက်ကပ်လိုမျိုး ကြုံရတာလို့ ယူဆနိုင်ပါတယ်။

(4)ဂဏန်းသမားများအကြောင်း တစေ့တစောင်း

(4)ဂဏန်းသင်္ချာအကြောင်း ပြောပြပြီးရင် (4)ဂဏန်း သမားတွေဖြစ်တဲ့ အင်္ဂလိပ်ရက် (4)ရက်၊ (13)ရက်၊ (22)ရက် နဲ့ (31)ရက် နေ့ဖွားများ အကြောင်း ပြောပြချင်ပါသေးတယ်။

(4)ဂဏန်းသမားတွေဟာ လူ့ဘောင်လူ့လောကထဲမှာ တော်တော်ထင်ပေါ်မှု ရှိတတ်ကြတဲ့သူတွေ ဖြစ်ပါတယ်။ ကောင်းချင်လည်းကောင်းမယ် ဆိုးချင်လည်းဆိုမယ်။ ဒါပေမယ့် ထင်ပေါ်ကျော်ကြားမှု ရှိတတ်ကြတယ်။ (4)ဂဏန်း သမားတွေဟာ မိမိမွေးရပ်ဟာ ဇနပုဒ်ဖြစ်ခဲ့ရင် ကြီးပွားတိုးတက်လေ့ မရှိကြဘူး။ မြို့ကြီးပြကြီး၊ နိုင်ငံရပ်ခြားများမှာ ပိုပြီး ကြီးပွားတတ်ကြတယ်။ (4)ဂဏန်းသမားများရဲ့ ဝိသေသ လက္ခဏာတွေကတော့ -

= ပတ်ဝန်းကျင်နဲ့ သိပ်အဆင်မပြေတတ်ဘူး။ ဘုကျတယ်။ ဘေးကျတယ်။ အလိုက်မသိတတ်ဘူး။ မယဉ်ကျေးဘူး။ စကားများတယ်၊ တစ်ကိုယ်ကောင်း ဆန်တယ်။ ပြောရဆိုရ အလွန်ခွကျတယ်လို့ အသတ်မှတ်ခံရ တတ်တယ်။

= မိရိုးဖလာ ဓလေ့ထုံးတမ်းတွေကို ယုံကြည်မှု နည်းပြီး လက်တွေ့ကျသူများဖြစ်တယ်။ အစဉ်အလာတစ်ခုကို ဖျက်သိမ်းပြီး စနစ်သစ်တည်ထောင်တဲ့နေရာမှာ စံပြဖြစ်တဲ့ သူတွေဟာ (4)ဂဏန်း သမားတွေ ဖြစ်နေတာကို တွေ့ရပါတယ်။ အမေရိကန်နိုင်ငံကို ကိုလိုနီဘဝကနေ လွတ်လပ်တဲ့ နိုင်ငံတော်ကြီးအဖြစ် တည်ထောင်ခဲ့တဲ့ “ဂျော့ဝါရှင်တန်” ဟာဆိုရင် (4)ဂဏန်းသမားပါ။ ဆိုဗီယက်ယူနီယံကြီးကို တည်ထောင်ခဲ့တဲ့ “လီနင်” ဟာလည်း (4)ဂဏန်းသမားပါ။ မြန်မာနိုင်ငံကို လွတ်လပ်ရေးရအောင် ဆောင်ကျဉ်းပေးခဲ့တဲ့ ဗိုလ်ချုပ်အောင်ဆန်း ဟာလည်း (4) ဂဏန်းသမားပါ။

= များသောအားဖြင့် အိမ်ထောင်ရေး အဆင်မပြေတတ်ကျဘူး။ ကိုယ့်အိမ်ထောင်ဘက်အပေါ်မှာ လုံးဝစိတ်တိုင်းမကျ တတ်ကြဘူး။ တစ်ချို့ (4)ဂဏန်းသမား တွေဟာ လူပျိုကြီး၊ အပျိုကြီးဖြစ်နေတတ်တယ်။

= ပုံမှန် အသက်ပိုင်းမှာ အိမ်ထောင်မကျတတ်ဘဲ အိမ်ထောင်ကျ အလွန်စောတာ ၊ အလွန်နောက်ကျတာမျိုး ဖြစ်တတ်တယ်။

= အချစ်ရေး၊ အိမ်ထောင်ရေး၊ လိင်ကိစ္စတွေ အရှုတ်အထွေးများတတ်တယ်။ အိမ်ထောင်မကျခင်လည်းရှုတ်၊ အိမ်ထောင်ကျပြီးလည်းရှုတ် တတ်တာ များတယ်။ (အထူးသဖြင့် ယောင်္ကျားလေးတွေပါ)။ မိန်းကလေးလည်း မပါဘူးလို့ မထင်နဲ့နော်။

= (4)ဂဏန်း မိန်းကလေးများကျတော့ အိမ်ထောင်ကျရင် “လင်ဆိုး” တွေနဲ့ အိမ်ထောင်ကျတတ်ပါတယ်။ “လင်ဆိုး မယား တဖားဖား” ဆိုတာ (4) ဂဏန်းသမား မိန်းကလေးတွေကို ဆိုလိုချင်တာထင်ပါတယ်။ (4)ဂဏန်းမွေး အိမ်ထောင်ရေးကံကောင်းတဲ့ မိန်းကလေး အလွန်ရှားပါတယ်။ မရှိဘူး လို့တော့ ပြောတာမဟုတ်ပါ။ (31) ရက်ဖွား မိန်းကလေး ဆိုရင် နဲနဲ သက်သာပါမယ်။

= အလွန် သိလွယ်တတ်လွယ်တယ် ။ တစ်ထွာပြရင် တစ်တောင်မြင်တတ်တယ်။ ဉာဏ်ကောင်းတယ်။ တီထွင်ဉာဏ် အလွန်ရှိတယ်။ ခေတ်ဟောင်း၊ စနစ်ဟောင်း၊ အတွေးအခေါ်ဟောင်းတွေကို တော်လှန် ချင်စိတ်များတတ်တယ်။

= အလုပ်တစ်ခုကို စွဲစွဲမြဲမြဲ မလုပ်ချင်ကြဘူး။ အလုပ်ခဏခဏ ပြောင်းချင်ကြတယ်။ ကိုယ်က မပြောင်းချင် ရင်လည်း ကံတရားက ပြောင်းပေးတတ်တယ်။

= ဘဝကံဇာတာ အနိမ့်အမြင့် အတက်အကျ အလွန်များတတ်တယ်။ ကောင်းလာပြီဆိုရင်လည်း သိပ်ဘဝင်မမြင့်နဲ့၊ မကြာခင် ပြုတ်ကျတတ်တယ်။ ဆိုးနေပြီဆိုရင်လည်း သိပ်စိတ်ဓာတ်မကျနဲ့ မကြာခင်ပြန်တတ်လာတတ်တယ်။

= ကောင်းပြီဆိုရင်လည်း လျှမ်းလျှမ်းတောက်အောင် ကောင်းတတ်ပြီး ဆိုးပြီးဆိုရင်လည်း စုတ်ပြတ်သတ်နေအောင် ဆိုးတတ်တယ်။ အထူးသဖြင့် (4)ရက်ဖွား နဲ့ (22)ရက်ဖွား (4)ဂဏန်းသမားတွေမှာ အများဆုံးဖြစ်တတ်တယ်။ (13)ရက် နဲ့ (31)ရက်ဖွားတွေက နဲနဲ တော်သေးတယ် ပြောရမှာပေါ့။ သူတို့အဆိုးက (4) နဲ့ (22)လောက် မပြင်းထန်တတ်ပါဘူး။

= (4)ဂဏန်းသမား (အထူးသဖြင့် ယောင်္ကျားလေးတွေ) ဟာ အိမ်မကပ်တဲ့သူတွေ၊ အိမ်မှာမပျော်ဘဲ အပြင်မှာသာ အပျော်များသူတွေ ဖြစ်တတ်ကြတယ်။ မိသားစုအပေါ်မှာ ချစ်ခင်တွယ်တာစိတ် နည်းတတ်တယ်။ ခရီးအလွန်သွားတတ်ကြတယ်။ ခြေစင်္ကြာအမြဲဖြန့်နေတတ်ကြတယ်။ (31)ရက်ဖွား တစ်ခုသာ နဲနဲခြေငြိမ်တယ် ဆိုရမယ်။

= (4)ဂဏန်းသမားတွေထဲမှာ ကိုယ်ကျိုးအစွန့်လွှတ်ဆုံး၊ အမြင့်မြတ်ဆုံး သူတွေကို တွေ့ရသလို၊ ကိုယ်ကျိုးအတ္တ အလွန် ကြီးတဲ့သူတွေကိုလည်း တွေ့ရတတ်တယ်။

= ခေတ်ပေါ်လုပ်ငန်းတွေဖြစ်တဲ့ ကွန်ပျူတာ၊ အီလက်ထရောနစ်၊ သုတေသန လုပ်ငန်းတွေနဲ့ အကျိုးပေးတတ်တယ်။ ခရီးသွားလုပ်ငန်း၊ ကိုယ်စားလှယ် လုပ်ငန်း၊ အကျိုးဆောင်လုပ်ငန်း၊ သတင်း ဆက်သွယ်ရေးလုပ်ငန်းတွေနဲ့ အကျိုးပေးတတ်မယ်။

= ကိုယ့်ဘဝမှာ ကြုံလာရတဲ့ အဆိုးတရားတွေဟာ ကံတရားထက်စာရင် ကိုယ့်ကြမ္မာ ကိုယ်ဖန်တီးတာမျိုး ဖြစ်တတ်တယ်။ ဘယ်သူမပြု မိမိမှု ဆိုတာမျိုးပေါ့။ (4)ဂဏန်း သမားတွေဟာ ကိုယ့်ပြဿနာကိုယ်ရှာ တတ်ကြတဲ့ သူမျိုးတွေဖြစ်တတ်တယ်။

= အသုံးအဖြုန်းကြီးတတ်တယ်။ ငွေကို နှမြောတွန့်တိုမှု မရှိတတ်ကြဘူး။ လွယ်လွယ်ရရင် လွယ်လွယ်သုံးတယ်။ ပိုက်ဆံမရှိတော့ရင် ရေသောက် ဗိုက်မှောက် နေတတ်မယ်။

= သပ်သပ်ရပ်ရပ်၊ သန့်သန့်ရှင်းရှင်း မနေတတ်ကြဘူး။ (4) ဂဏန်းသမားဆိုရင် ဘိုသီဘတ်သီ သမားက ပိုများတယ်။ ဖြစ်သလိုနေတတ်တယ်။ စည်းကမ်း မရှိတတ်ကြဘူး။

= ဘယ်တော့မှ နောင်တတရား မရတတ်ကြဘူး။ အမှားကို ဝန်ခံလေ့မရှိကြဘူး။ သေတဲ့ထိအောင် မာန် မလျှော့တတ်ကြဘူး။

= ကိုယ့်ကိုယ်ကို အလွန်အထင်ကြီးတတ်ကြတယ်။ ပါးစပ်ကသာဖွင့်မပြောပေမယ့် စိတ်ထဲမှာ သူများထက်ကိုယ်က ပိုတော်တယ်၊ တတ်တယ် လို့ ယူဆ ထားတတ်ကြတယ်။ အထူးသဖြင့် (22)ရက်ဖွား နဲ့ (31)ရက်ဖွားတွေဟာ ကိုယ့်ကိုယ်ကို အထင်ကြီးမှုပိုများတတ်တယ်။ (များသောအားဖြင့် တကယ်လည်း တော်ကြတာ များပါတယ်)။ (4)ဂဏန်းသမားမှန်ရင် ပါရမီထူး တစ်ခုခုတော့ ရှိတတ် ကြပါတယ်။

= (4) ဂဏန်း သမားမှန်ရင် နိမ့်မြင့် တက်ကျလောကဓံ ရှိကြတာချည်းပါဘဲ။ ဒါပေမယ့် အားလုံးထဲမှာ (13)ရက်နဲ့ (31)ရက်ဖွားတွေက လောကဓံနည်းတတ်ပြီး၊ (4)ရက် နဲ့ (22)ရက် ဖွားတွေကတော့ (နိမ့်မြင့်တက်ကျ) လောကဓံတရား အလွန်များတတ်တယ်။

= (4)ဂဏန်းသမားတွေရဲ့ လောကဓံတရား ခံနိုင်ရည်ကတော့ ကျန်တဲ့ မွေးဂဏန်းသမားတွေနဲ့ယှဉ်ရင် အမြင့်ဆုံး လို့ ဆိုရမှာပါဘဲ။ (4)ဂဏန်းသမား ကိုယ့်ကိုယ်ကို သတ်သေတာ အလွန်ရှားပါတယ်။ သူများတွေကသာ သူတို့ဒုက္ခရောက်တာကို စုတ်တသတ်သတ်ဖြစ်ချင်ဖြစ်နေမယ်။ သူတို့ကတော့ “အေးဆေးပါဘဲ”။

= နောက်ဆုံးအရေးကြီးဆုံးပြောရရင် (4)သမားတွေဟာ (Current of Destiny) လို့ခေါ်တဲ့ ကံကြမ္မာအဆုံးသတ် ဂဏန်းမကောင်းရင် အသေဆိုးနဲ့ သေရခြင်း၊ ဆင်းဆင်းရဲရဲ ချို့ချို့တဲ့တဲ့ နဲ့ ကွယ်လွန်ရခြင်းမျိုး ရှိတတ်ကြောင်း အထူးသတိပေး ပြောကြားလိုပါတယ်ခင်ဗျား။ Current of Destiny လို့ခေါ်တဲ့ ကံကြမ္မာအဆုံးသတ် ဂဏန်း အကြောင်းကို ထပ်ပြီး တင်ပြရေးသား သွားပါဦးမယ်။

ဖတ်ရှုသူအားလုံး ကျန်းမာချမ်းသာကြပါစေခင်ဗျား။

ဒေါက်တာတင်ဗိုလ်ဗိုလ် (ကွန်ပျူဗေဒ သုခုမ)

(3)ဂဏန်းသမားများ အကြောင်း တစေ့တစောင်း

(3)ဂဏန်းသမားများ အကြောင်း တစေ့တစောင်း

2954044387_2fe03c7e8dယနေ့သည် ကျွန်ုပ်တို့၏ တနင်္ဂနွေ စကားဝိုင်း အလှည့်ကျရောက်လာပြန်ပေပြီ။ ယနေ့အတွက် အများ တောင်းဆိုချက်အရ၄င်း၊ နံပါတ်စဉ်အတိုင်းလည်းဖြစ်သွားစေရန် (3) ဂဏန်းနှင့် ပတ်သတ်ပြီး ဆွေးနွေးကြမည် ဖြစ်ပေသည်။

ကျွန်ုပ်။ ။ ကိုသိန်းဖေရေ။ ဒီနေ့တော့ (3)ဂဏန်းအကြောင်း တစေ့တစောင်းလေး ဆွေးနွေးကြရအောင်လားဗျာ။

ကိုသိန်းဖေ။ ။ ကောင်းပါလေ့ဗျာ။ ဂဏန်းဗေဒင်ဟာ ဆရာ့ဘလော့ထဲမှာ လူ စိတ်ဝင်စားဆုံး ဘာသာရပ်တစ်ခု ဖြစ်နေတာ ကျွန်တော် သတိထားမိတယ်။

ကျွန်ုပ်။ ။ သူက ဖတ်ဖို့နားလည်ဖို့လွယ်တယ်လေ။ မြန်မာ့ဗေဒင်ကတော့ မဟာဘုတ်တို့ ဘာအကြွင်းဖွားတို့၊ ရာဇဖွားသိုက်ဖွားတို့နဲ့ ရှုတ်နေတော့ လူတွေက သိပ်နားမည်ကြဘူးဖြစ်နေတာလည်း ပါမှာပေါ့။

ကိုသိန်းဖေ။ ။ ဟုတ်တယ်ဗျ။ နောက်ပိုင်းလူငယ်တွေကလည်း စာဖတ်တဲ့ နေရာမှာ နဲနဲအားစိုက်ပြီးကို မဖတ်ချင်ကြတော့ဘူး။ ပေါ့ပေါ့ပါးပါးလွယ်လွယ်ကူကူ တွေကိုဘဲ ဖတ်ချင်ကြတော့တယ်။

ကျွန်ုပ်။ ။ ကဲ- ထားတော့ဗျာ။ (3)ဂဏန်း အကြောင်း စ,လိုက်ကြစို့လား။ (3)ဂဏန်းဟာ ကြာသပတေးဂြိုဟ်ပိုင်တဲ့ ဂဏန်းဗျ။ ကြာသပတေးဂြိုဟ်ဟာ ကျွန်တော်တို့ နေစင်္ကြာဝဠာအဖွဲ့အစည်းထဲမှာ “နေမင်း” ပြီးရင် ဒုတိယအကြီးဆုံးဂြိုဟ် ဖြစ်တယ်ဗျ။ ပြီးတော့ သူက အင်မတန်အားကြီးတဲ့ “သောမ” ဂြိုဟ်ကြီး လည်း ဖြစ်တယ်။ “သောမဂြိုဟ်” ဆိုတာက ဂြိုဟ်ကောင်းပေါ့ဗျာ။ “ပါပဂြိုဟ်” ကတော့ ဂြိုဟ်ဆိုးပေါ့။ နက္ခတ်ဗေဒင်ပညာမှာတော့ ကြာသပတေးဂြိုဟ်ကောင်း-အပြစ်တစ်သိန်းပျောက် လို့ ဆိုကြတယ်။ ဇာတာခွင်တစ်ခုမှာ ကြာသပတေးဂြိုဟ်သာ အားကောင်းရင် ကျန်တဲ့ အားနည်းချက်၊ အပြစ်တွေ ပျောက်ကုန်တယ်လို့ ယူဆကြပါတယ်။ သူဟာ တရားဥပဒေ၊ ဘာသာရေး၊ အတွေးအခေါ်ဒဿန၊ ငွေကြေးဓနဥစ္စာ၊ ကိုယ်ကျင့်တရား၊ ရိုးရာအစဉ်အလာတွေကို စိုးမိုးတယ်ဗျ။ ရောမဒဏ္ဍာရီမှာတော့ ကြာသပတေးဂြိုဟ်ကြီးဟ “ဂျူပီတာ” ဆိုတဲ့ နတ်ဘုရားရဲ့ အမှတ်အသားဖြစ်ပြီး သူဟာ “ကောင်းကင်၊ မြေကြီး နဲ့ မိုးကြိုး” တွေကို အစိုးရတဲ့ နတ်မင်းကြီးတစ်ပါးလို့ဆိုတယ်။ ပြီးတော့ “နတ်အားလုံးတို့ရဲ့ ဘုရင်” လို့ လည်းဆိုပြန်တယ်။ သူဟာ “တရားဥပဒေကို စိုးမိုးတဲ့ နတ်မင်းကြီး” လို့လည်း သတ်မှတ်ကြပြန်တယ်။

ဒါကြောင့် (3)ဂဏန်းသမားတွေဟာ တရားဥပဒေကို ရိုသေလေးစားလိုက်နာသူတွေ၊ ကိုယ်ကျင့်တရားကောင်းသူတွေ၊ ရိုးရာအစဉ်အလာတွေကို လိုက်နာလေ့ ရှိသူတွေများတယ်ဗျ။ သူတို့ဟာ ခေတ်ရေစီးကြောင်းကို သိပ်မလိုက်ချင်ကြတဲ့ ရှေးရိုးစွဲ ဝါဒီတွေလည်း ဖြစ်တတ်ကြတယ်။ ဒါပေမယ့် လွတ်လပ်ခြင်းနဲ့ ဒီမိုကရေစီကိုတော့ မြတ်နိုးကြတယ်ဗျ။ သိပ်ခေတ်ဆန်လွန်းတာ၊ ခေတ်ရှေ့ပြေးလွန်းတာတွေကိုတော့ သိပ်နှစ်ခြိုက်လေ့မရှိကြဘူး။ စည်းကမ်းလည်း အင်မတန်ကြီးကြတယ်။ ဇွဲသတ္တိအလွန်ကောင်းပြီး နောက်မလျော့အရှုံးမပေးတတ်တဲ့ စရိုက်တွေရှိတတ်တယ်။ ဥပမာအားဖြင့် အမေရိကန်နိုင်ငံရဲ့ အထင်ရှားဆုံး သမ္မတစ်ဦးဖြစ်တဲ့ “အေဘရာဟင်လင်ကွန်း” ဟာ (12)ရက်မွေးတဲ့ (3) ဂဏန်းသမားဘဲဗျ။ သူဟာ တောထဲက သစ်လုံးအိမ်ကလေးထဲမှာ မွေးဖွားခဲ့သူဖြစ်ပြီး ကိုယ့်ထူးကိုယ်ချွန်ဘဝနဲ့ အမေရိကန်နိုင်ငံရဲ့ အကြီးကျယ်ဆုံး သမ္မတဖြစ်လာသူဘဲ။ နောက်တစ်ယောက်က ဒုတိယယ ကမ္ဘာစစ်ကြီးမှာ နာဇီဂျာမဏီတို့ရဲ့ ရန်ကို ကြံ့ကြံ့ခံ တွန်းလှန်ခဲ့တဲ့ ဗြိတိသျှ ဝန်ကြီးချုပ် “ဆာဝင်စတန်ချာချီ” ကလည်း (30)ရက်နေ့မှာ မွေးတဲ့ (3)ဂဏန်းသမားတစ်ဦးဘဲဗျ။

နောက်တစ်ဦးကတော့ မြင်းမပါဘဲ သူ့ဟာသူသွားတဲ့ယာဉ်ကို တီထွင်မယ်ဆိုတော ရူးသွပ်နေသူတစ်ယောက်လို့ သတ်မှတ်ခံရပေမယ့် ကိုယ့်ယုံကြည်ချက်အတိုင်း တစ်စိုက်မတ်မတ် လုပ်ခဲ့လို့ ယနေ့ကာလမှာ ပျားပန်းခတ်မျှ သွားလေနေတဲ့ မော်တော်ကားကို တီထွင်ခဲ့သူ “ဟင်နရီဖို့ဒ်” ဟာလည်း (30)ရက်ဖွား (3)ဂဏန်းသမားဘဲဗျ။

(3)ဂဏန်းသမားတွေဟာ သူများမဖြစ်နိုင်ပါဘူးလို့ ပြောနေတဲ့ အရာတွေကို ဖြစ်အောင် လုပ်ပြနိုင်တဲ့  ဇွဲသတ္တိမျိုး ရှိကြသူတွေဖြစ်တယ်။ သမ္မတလင်ကွန်း ဟာ ဘယ်သူမှ မဖြစ်နိုင်ဘူးထင်တဲ့ “ငွေဝယ်ကျွန်စနစ်”ကိုဖျက်သိမ်းဖို့အတွက် ပြည်တွင်း စစ်ကြီးအနိုင်တိုက်ပြီးဖြစ်အောင်လုပ်ပြသွားသူဖြစ်တယ်။ ဝင်စတန်ချာချီ ဟာလည်း အင်္ဂလန်ကျွန်းလေးကို နောက်ဆုံးအချိန်အထိ ကြံ့ကြံ့ခံကာကွယ်ခဲ့ပြီး အရှုံးကနေ အနိုင်ပြန်ဖြစ်အောင် လုပ်နိုင်ခဲ့တယ်။ ကဲ- သူစရိုက်လက္ခဏာ လေးတွေကို လေ့လာကြည့်ကြရအောင်လား။

= (၃)ဂဏန်းသမားတွေဟာ တည်တည်တံ့တံ့နေလေ့ရှိသူများဖြစ်တယ်။ အိနြေ္ဒသိက္ခာကြီးမားကြတယ်။ (၃)ဂဏန်းသမားတွေထဲမှာ လူပျော်၊ လူရွှတ်၊ လူနောက်တွေ သိပ်မတွေ့ရဘူး။ တစ်ခါတစ်ရံ မာနကြီးတယ်လို့ အထင်ခံရတတ်တယ်။ သူတို့ဟာ တွေ့ရာလူနဲ့ ရောရောနှောနှော မနေတတ်ကြဘူး။

= ငယ်စဉ်ကတည်းက ကိုယ့်ကစားစရာ၊ ကိုယ့်ပစ္စည်းလေးတွေကို ရိုသေတယ်။ သူများကိုင်တာမကြိုက်ဘူး။ သူပိုင်ပစ္စည်းလေးတွေကို သီးသီးသန့်သန့်သိမ်းဆည်း တတ်တယ်။ ငွေကြေးကို ရိုသေတယ်။ စုဆောင်းတတ်တယ်။ တစ်ခါတစ်ရံ နှမြောတွန့်တိုတတ်တယ်။

= (3)ဂဏန်းသမားတွေဟာ စည်းကမ်းကြီးသူတွေဖြစ်လို့ မိသားစု အပေါင်းအသင်းတွေထဲမှာ သီးသီးသန့်သန့်လိုဖြစ်နေတယ်။ ဒွေးရောယှက်တင် မနေတတ်ကြဘူး။ သူတို့ဟာ သြဇာအာဏာပေးလိုသူတွေဖြစ်တယ်။ ငယ်စဉ်ကတည်းက ခေါင်းဆောင်စိတ်ရှိတယ်။ ကိုယ့်ဘဝတက်လမ်းကို အမြဲကြံစည်နေ တတ်ကြတယ်။ သူများလက်အောက်မှာ မနေလိုဘဲ သူများကိုသာ အုပ်ချုပ်လိုသူတွေဖြစ်တယ်။

= (3)ဂဏန်းသမားတွေဟာ ရိုးရိုးကျင့် မြင့်မြင့်ကြံ လိုသူတွေဖြစ်တယ်။ ဘဝကို တစ်ဆင့်ပြီး တစ်ဆင့် တက်လှမ်းလိုကြတယ်။ အချောင်နှိုက်၊ အပွကြံ၊ ဖြတ်လမ်းနည်း တွေနဲ့ ကြီးပွားချမ်းသာတာမျိုးကို သိပ်ပြီး မယုံကြည်သူတွေဖြစ်တယ်။ တကယ်လို့ လုပ်မိရင်လည်း ရေရှည်စွဲမလုပ်ဘဲ နောင်တရလွယ်သူတွေဖြစ်တယ်။

= (3)ဂဏန်းသမားတွေဟာ ရန်လိုသူတွေမဟုတ်ပေမယ့် သူတို့ရဲ့ စည်းကမ်းကြီးမှု၊ သြဇာပေးတတ်မှုတို့ကြောင့် အတူနေသူများနဲ့ မကြာခဏ မသင့်မတင့်  ဖြစ်လေ့ ရှိတတ်တယ်။ သူတို့ဟာ ကိုယ်စည်းကမ်းရှိသလို သူများတွေကိုလည်း စည်းကမ်းလိုက်နာစေချင်တယ်။ ကပျစ်ကညစ်နေတတ်တဲ့ သူများနဲ့ဆိုရင် မကြာခဏ ကတောက်ကဆဖြစ်လေ့ရှိတယ်။

= သူတို့ဘဝမှာ တက်လမ်းရှိပေမယ့် တက်သင့်သလောက် မတက်ရတဲ့ အထဲမှာ “လူ့အောက်မကြို့ချင်တဲ့ သူတို့ရဲ့ ညဉ်ကြောင့်” လည်းဖြစ်နေတတ်တယ်။ လူ့အောက်မကြို့ချင်တဲ့(မဖားတတ်တဲ့) သူတို့ညဉ်ကြောင့် သူတို့ဟာ အကြီးအကဲတွေရဲ့ နှစ်သက်မှုကို သိပ်မခံရသူတွေလည်းဖြစ်တယ်။ ဒါကြောင့် သူတို့ဟာ ဖားတာကို ကြိုက်တဲ့ အထက်လူကြီးရဲ့ လက်အောက်မှာဆိုရင် ဘဝတက်လမ်းပိတ်နေတတ်ပြီး၊ ဖားတာကို မကြိုက်ဘဲ အမှန်အကန်သမားကိုမှ ကြိုက်နှစ်သက်တဲ့ အထက်လူကြီးတွေလက်အောက်မှာဆိုရင် ဘဝတက်လမ်း အလွန်မြန်သူတွေဖြစ်ပြီး တာဝန်ကြီးကြီးမားမားတွေကို ပေးအပ်ခံရတတ်တယ်။ ယုံကြည်စိတ်ချ ခံရတတ်တယ်။ ယုံကြည်စိတ်ချခံရသလို ပေးအပ်တဲ့တာဝန်ကို အောင်မြင်အောင် ဆောင်ရွက်နိုင်စွမ်းရှိသူတွေလည်းဖြစ်တယ်။

= (3)ဂဏန်းသမားတွေဟာ သူတို့ကိုယ်တိုင် အုပ်ချုပ်သူလူကြီးဖြစ်လာရင်လည်း တင်းကြပ်တဲ့ စည်းကမ်းတွေနဲ့ အုပ်ချုပ်တတ်တာကြောင့် လက်အောက်လူတွေ တော်တော် အနေမချောင်ဘဲ ရွံ့ကြောက်ကြီး အဖြစ်ခံရတတ်ပါတယ်။ သူတို့ဟာ စည်းကမ်းနဲ့ ပတ်သက်လာရင် နည်းနည်းလေးမှ အလျော့မပေးတတ်သူတွေ ဖြစ်တယ်။ ဒါကြောင့် (3)ဂဏန်းသမားတွေဟာ လက်အောက်လူတွေရဲ့ ချစ်ခင်မှုကို မရကြတာများပါတယ်။

= (3)ဂဏန်းသမားတွေဟာ ဘယ်လိုဘဝအခြေအနေမျိုးမှာ ပေါက်ဖွားကြီးပြင်းလာရသည်ဖြစ်စေ နောက်ဆုံးမှာတော့ မြင့်မားတဲ့ ဘဝအခြေအနေကို တက်လှမ်းနိုင် ကြသူများဖြစ်တယ်။ အိုဇာတာ ကောင်းကြသူတွေများတယ်။ ဘဝမှာ အဆင့်မြင့်တာဝန်တွေကိုထမ်းဆောင်ရတတ်တယ်။ အကြီးအကဲခေါင်းဆောင်ဖြစ်လွယ်တယ်။ သူတို့ဟာ မွေးကတည်းက “ရာဇ”ယုဂ်ပါလာ ကြသူများဖြစ်ကြတယ်။

= အိမ်ထောင်ရေးနဲ့ ပတ်သက်လာရင်တော့ (3)ဂဏန်းသမားများဟာ အိမ်ထောင်ရေးကံ ညံ့သူတွေတော့မဟုတ်ဘူး။ ဒါပေမယ့် စည်းကမ်းကြီးလွန်းတာ၊ သူ့ဖက်ကိုယ့်ဘက် မျှတမှုနည်းပါးတာ၊ (ကိုယ်က မှားရင်တောင်မှ) မတောင်းပန်ချင်တာ၊ အောက်ကြို့မခံချင်တာ တွေကြောင့် အိမ်ထောင်ရေး ပဋိပက္ခတွေ မကြာခဏဖြစ်နိုင်တယ်။ နောက်ပြီး သူတို့ဟာ ခွင့်လွှတ်လွယ်သူတွေမဟုတ်ဘဲ အမှတ်အတေးကြီးတာတွေကြောင့် လည်း အိမ်ထောင်ရေးပြဿနာတွေဟာ အလွယ်တကူ ပြီးပျောက်မသွားနိုင်အောင်ဖြစ်နေတတ်ပါတယ်။

= (3)ဂဏန်းသမားတွေဟာ အိမ်ထောင်ရေးမှာ ကိုယ့်ဘက်ကသာ နဲနဲ လျော့ပေးလိုက်ပြီး၊ လူတိုင်း ကိုယ်လို မဟုတ်နိုင်ဘူးဆိုတာ နှလုံးသွင်းနိုင်ရင် သာယာတဲ့ အိမ်ထောင်ရေးတွေ ဖြစ်လာနိုင်ပါတယ်။ ကိုယ့်ဘက်ကသာ အလျော့မပေးရင် ဘာမဟုတ်တဲ့ ပြဿနာလေးတွေနဲ့ကို အိမ်ထောင်ရေး ပဋိပက္ခဖြစ်ပြီး နောက်ဆုံး အိမ်ထောင်ရေး လမ်းခွဲရတဲ့ အထိဖြစ်သွားတတ်ပါတယ်။

= (3)ဂဏန်းသမားတွေဟာ ကိုယ့်အလုပ်၊ ကိုယ့်ဆရာသမား နဲ့ အပေါင်းအသင်းတွေအပေါ်မှာ သစ္စာရှိတဲ့သူတွေဖြစ်ပါတယ်။ သူတို့မှာ ကပ်စေးနှဲတဲ့ ညဉ်လေး ရှိတတ်ကြပေမယ့် ကိုယ်တကယ် ခင်မင်တဲ့ သူတွေ ဒုက္ခရောက်နေရင်တော့ ရှောင်ပြေးလေ့မရှိဘဲ တတ်အားသရွေ့ ကူညီတတ်ကြသူတွေလည်းဖြစ်ပါတယ်။

= ကပ်စေးနှဲတဲ့ ညဉ်နဲ့ ပတ်သက်ပြီးပြောရရင် (3)ဂဏန်းသမားတွေဟာ သူတို့ မစားရက်၊ မသုံးရက်စုဆောင်းထားတဲ့ ငွေကြေးဥစ္စာတွေဟာ သူတို့မသုံးလိုက်ရဘဲ သူများအတွက် ဖြစ်သွားရတတ်တာ အထူးသတိထားပါ။ သုံးသင့်တဲ့ အချိန်မှာ သုံးသင့်သလောက် မသုံးလို့ နောက်ဆုံး ကိုယ့်နောက်ပါမသွားဘဲ “ဥစ္စာစု၊ ထိုက်သူဖို့” ဆိုတာလို ဖြစ်သွားရတတ်ပါတယ်။

ကိုသိန်းဖေ။ ။တော်တော်လေးပြည့်စုံပါပေတယ်ဆရာ။ သူတို့နဲ့ တည့်တဲ့ဂဏန်းလေးတွေနဲ့ သူတို့ဘဝအကျိုးပေးလုပ်ငန်းလေးတွေကိုလည်း အမိန့်ရှိပါဦး ဆရာ။

ကျွန်ုပ်။ ။ အင်း။ (3)ဂဏန်းသမားတွေနဲ့ တည့်တဲ့ ဂဏန်းကလည်း ခပ်ရှားရှားဘဲဗျ။ သင်္ချာဗေဒစာအုပ်တော်တော်များများမှာတော့ (3)ဂဏန်းသမား (3,6,9) ဂဏန်းသမားတွေနဲ့ သင့်မြတ်ကောင်းမွန်သည်ဆိုတဲ့ အဆိုကိုတော့ ကျွန်တော်သိပ်သဘောမကျလှဘူးဗျ။ (6) ဂဏန်းသမားနဲ့ မိတ်ဘက်ကျတယ်ဆိုတာတော့ လက်ခံနိုင်ပေမယ့် (9)ဂဏန်းသမားနဲ့ (3)ဂဏန်းသမားတော့ အဆင်မပြေနိုင်ဘူး။ (9)ဂဏန်းသမားတွေဟာ အတ္တစိတ်ကြီးတတ်တယ်။ အနိုင်ထက်ပြုတတ်တယ်။ သူများကို လွှမ်းမိုးလိုတယ်။ “တရားတစ်ဖက် ဒါးတစ်လက်” ပြုတတ်တယ်။ ဒါတွေဟာ (3)ဂဏန်းသမားတွေနဲ့ထိပ်တိုက်တွေ့နိုင်တဲ့ ကိစ္စဘဲဗျ။

(1)ဂဏန်းသမားတွေနဲ့ ဆိုရင်လည်း “ဟိုကလည်း ဆရာကြီး၊ သူကလည်း ဆရာကြီး” ဆိုတော့ မဖြစ်ပြန်ဘူး။ (2)ဂဏန်းသမားနဲ့တော့ သိပ်မဆိုးလှဘူးဗျ။ (2)ဂဏန်း သမားတွေကတော့ အေးချမ်းပြီး၊ သူများအပေါ် လွှမ်းမိုးလိုစိတ်မရှိတော့ လိုက်ဖက်နိုင်တယ်။ အဲ- (4)ဂဏန်း နဲ့ (5) ဂဏန်းတွေကတော့ ကပျစ်ကညစ်သမားတွေက များတော့ (3)ဂဏန်းသမားနဲ့ကတော့ “ဓမ္မာသောက၊ အင်းဝရာဇာ” ဆိုတာမျိုးလိုဘဲဖြစ်သွားနိုင်တယ်။

(7)ဂဏန်းသမားနဲ့ တည့်နိုင်တယ်။ (8)ဂဏန်းသမားနဲ့ကျတော့ ဂြိုဟ်ရဲ့ သဘာဝချင်းကိုက ဖြောင့်ဖြောင့်ကြီး ဆန့်ကျင်နေတော့ လုံးဝမဖြစ်နိုင်ဘူး ။ ဒါကြောင့် အသင့်တော်ဆုံးက (2)(3)(6)(7)ဂဏန်းသမားတွေဟာ (3)ဂဏန်း သမားတွေနဲ့ သင့်မြတ်နိုင်တယ်။

(3)ဂဏန်းသမားတွေနဲ့ အကျိုးပေးနိုင်တဲ့လုပ်ငန်းတွေကတော့ တရားဥပဒေနဲ့ ပတ်သက်တဲ့လုပ်ငန်းတွေ၊ ဘဏ်လုပ်ငန်း၊ စာရင်းအင်းလုပ်ငန်း၊ သင်ကြားပြသခြင်း လုပ်ငန်း၊ အုပ်ချုပ်ရေးနဲ့ စစ်ဘက်ဆိုင်ရာလုပ်ငန်း၊ ဘာသာရေးနှင့် ဆက်နွယ်နေသော လုပ်ငန်းများ၊ အာမခံလုပ်ငန်း၊ အသိပညာအတတ်ပညာများ ဖြန့်ဝေပေးရသော လုပ်ငန်း၊ အနုပညာလုပ်ငန်းများ၊ စာပေးရေးသားခြင်းလုပ်ငန်းများ အကျိုးပေးနိုင်တယ်။ နောက်ဆုံးပြောရရင်တော့ (3)ဂဏန်းသမားများဟာ ဘာလုပ်ငန်းကိုဘဲ လုပ်လုပ် စည်းကမ်းရှိခြင်း၊ ဝီရိယရှိခြင်း၊ အလုပ်ကို ရိုသေခြင်း၊ ကြီးပွားတိုးတက်လိုခြင်း၊ စေ့စပ်သေချာခြင်းများကြောင့် မြင့်မားတဲ့ ဘဝအဆင့်အတန်းတွေကို ရောက်ကို ရောက်ရ မှာဘဲဗျ။

ကိုသိန်းဖေ။ ။ (3)ဂဏန်းတစ်မျိုးစီရဲ့ သီးခြားဂုဏ်အင်္ဂါလေးတွေကိုလည်း ပြောပြပါဦးဆရာ။

ကျွန်ုပ်။ ။ (3)ဂဏန်းလေးမျိုးရှိတယ်ဗျ။ “ထီးတည်း” လို့ခေါ်တဲ့ (3)ရက်ဖွားရယ်၊ (12)ရက်ဖွားရယ်၊ (21)ရက်ဖွားရယ်၊ (30)ရက်ဖွားရယ်ပေါ့။ အဲဒီထဲမှာ ကျွန်တော်အကြိုက်ဆုံးကတော့ (21)ဂဏန်းဘဲဗျ။ (3) ထီးတည်းကတော့ စည်းကမ်းကြီးလွန်းပြီး အထီးကျန်ဆန်တယ်။ ဒီနေရာ တစ်ခုပြောချင်တာ (1)ကနေ (9) အထိ ဂဏန်း(9)လုံးဟာ တွဲဖက်မရှိလို့ သူတို့ကို “ထီးတည်း” ဂဏန်းတွေလို့ ခေါ်တယ်ဗျ။ ထီးတည်းဂဏန်းမှန်ရင် (5)ဂဏန်းတစ်ခုကလွဲရင် ကျန်တဲ့ ထီးတည်း ဂဏန်းသမားတွေဟာ အထီးကျန်ဆန်ခြင်း၊ ပေါင်းရသင်းရခက်ခြင်းဆိုတဲ့ သဘောတရားတွေ အနည်းနဲ့အများ ရှိနေကြသူတွေဘဲဖြစ်တယ်။ (10)ကနေ စပြီး (31) အထိ ဂဏန်းတွေကိုတော့ “တွဲလုံး” ဂဏန်းတွေလို့ခေါ်တယ်။ ဂဏန်းဗေဒင်နဲ့ ပတ်သက်ရင် ဒီအချက်ဟာ သိထားသင့်တယ်။

(12)ဂဏန်းဟာ နဲနဲတော့ စိုးရိမ်ရတဲ့ ဂဏန်းဖြစ်တယ်။ သူ့မှာ ရန်သူ(၅)ပါးဘေး၊ သဘာဝဘေးအန္တရာယ်ဘေးတွေ ကျရောက်လွယ်တယ်။ အိမ်ထောင်ရေးပြဿနာ အကြီးစားတွေဖြစ်နိုင်တယ်။ သူတို့ဟာ “ဗူးဆိုရင် ဖရုံမသီး” တဲ့လူတွေဖြစ်ပြီး ဖြောင့်ဖျပြောဆိုဖို့ အင်မတန်ခက်ခဲတယ်။ ရန်သူပေါတယ်။ မုန်းသူများမယ်။ သူများရဲ့ လုပ်ကြံချောက်တွန်းမှုတွေ ခံရနိုင်တယ်။

(21)ဂဏန်းသမားတွေကတော့ ဂဏန်းအရတော့ ရှယ်ဘဲဗျ။ ကြာသပတေးဂြိုဟ်ရဲ့ Logo သင်္ကေတကို ကြည့်ပါလား။ (21)ဂဏန်းနဲ့ တူမနေဘူးလား။ ဒါကြောင့် (21)ဂဏန်းဟာ ကြာသပတေးဂြိုဟ်ရဲ့ ကောင်းကျိုးတွေကို အပြည့်အဝရတဲ့ ဂဏန်းတစ်ခုဖြစ်တယ်ဗျ။ ဘဝအကျိုးပေးလည်း ကောင်းတတ်တယ်။ သူတို့ရဲ့ ဘဝတည်ငြိမ်တယ်။ မချမ်းသာရင်တောင်မှ ဘဝက ပရမ်းပတာ ဖြစ်မသွားနိုင်ဘူး။ အိမ်ထောင်ဘက်ကောင်း ရတတ်တယ်။ မိန်းကလေး (21)သမားတွေကတော့ ရုပ်ရည်အဆင်ပြေချောမောတတ်ကြပြီး ကိုယ့်ထက် အဆင့်အလွန်မြင့်မားတဲ့ ယောင်္ကျားမျိုးကို ရတတ်တယ်။ သူတို့ဟာ အိမ်ထောင်ဘက်အပေါ်မှာလည်း လွှမ်းမိုးနိုင်စွမ်းရှိတယ်ဗျ။

(30)ရက်ဖွားတွေကတော့ သြဇာအာဏာကြီးသူတွေဖြစ်တယ်။ လွယ်လွယ်နဲ့ လက်လျော့အရှုံးမပေးတတ်ဘူး။ နောက်ဆုံးတော့ သူတို့ဘဲ အနိုင်ရသွားတတ်ပါတယ်။ စဉ်းစားချင့်ချိန်ဉာဏ်အလွန်ကောင်းတယ်။ အတွေးအခေါ်မြင့်မားတယ်။ တစ်ယူသန်ဆန်တယ်။ တစ်ချို့ အနုပညာဘက်မှာ အလွန်အကျိုးပေးတတ်တယ်။ သူတို့မှာလည်း ရန်သူမျိုးငါးပါးဘေးနဲ့ လုပ်ကြံခံရမှုမျိုးရှိနိုင်တတ်တယ်။

ကိုသိန်းဖေ။ ။ ကဲ-ဆရာရေ။ နောက်ဆုံးအနေနဲ့ ကမ္ဘာကျော် (3) ဂဏန်းသမားတွေကိုလည်း ပြောပြပါဦး။ ဗဟုသုတပေါ့ဗျာ။

ကျွန်ုပ်။ ။ ကမ္ဘာကျော်တဲ့ (3) ဂဏန်းသမားတွေကတော့ = အေဘရာဟမ်လင်ကွန်း က (12)ရက်ဖွား၊ ဝင်စတန်ချာချီက (30)ရက်ဖွား၊ မော်တော်ကားတီထွင်ခဲ့ သူ ဟင်နရီဖို့ဒ် က (30)ရက်ဖွား၊ လူဟာ မျောက်ကဆင်းသက်တယ်ဆိုတဲ့ သီအိုရီကို ဖော်ထုတ်ခဲ့သူ ချားလ်ဒါဝင်က (12)ရက်ဖွား၊ စာရေးဆရာကြီး မတ်တွိန်းက (30) ရက်ဖွား၊ နိုဘယ်ဆုဖောင်ဒေးရှင်းကို တည်ထောင်ခဲ့တဲ့ အယ်ဖရက်နိုဘယ် က (21)ရက်ဖွား၊ အခု ကယ်လဖိုးနီးယားပြည်နယ် အုပ်ချုပ်ရေးမှူး အက်ရှင်မင်းသားကြီး အာနိုးလ်က (30)ရက်ဖွား၊ ဟောလီးဝုဒ် မင်းသမီးချော ကင်မရွန်းဒဇ် က (30)ရက်ဖွား၊ တိုက်တန်းနစ်သီချင်းနဲ့ ကမ္ဘာကျော်သွားတဲ့ အဆိုတော် ဆယ်လိုင်းဒီယွန် က (30)ရက်ဖွား၊ အောင်ဆန်း-အက်တလီ , နု- အက်တလီ ဆိုတဲ့ မြန်မာနိုင်ငံလွတ်လပ်ရေးရဖို့ ကိစ္စမှာ အရေးပါခဲ့တဲ့ ဗြိတိသျှဝန်ကြီးချုပ် ကလီးမင့် အက်တလီက (3)ရက်ဖွား၊ နိုဗယ်ဆုရ စာရေးဆရာကြီး အားနက်စ် ဟင်းမင်းဝေးက (21)ရက်ဖွား၊ စာရေးဆရာကြီး ဂျက်လန်ဒန်က (12)ရက်ဖွား၊ ဖလော်ရင့် နိုက်တင်ဂေးက (12)ရက်ဖွား၊ ချယ်ဆီးတိုက်စစ်မှူး ဖရင့် လမ်းပတ် က(21)ရက်ဖွား၊ ကားမှောက်ကွယ်လွန်သွားတဲ့ မိုနာကိုမင်းသမီးကြီး ဂရေ့စ်ကယ်လီက (12)ရက်ဖွား၊ ဟောလီဝုဒ် သရုပ်ဆောင်နဲ့ဒါရိုက်တာဖြစ်တဲ့ မဲလ်ဂစ်ဘ်ဆင် က (3)ရက်ဖွား၊ ပြိုင်ကားမောင်းချန်ပီယံ မိုက်ကယ်ရှုးမေကာက (3)ရက်ဖွား၊ လုပ်ကြံခံရတဲ့ ကိုရီးယားသမ္မတဟောင်း ပတ်ချုံဟီးလ် က (30)ရက်ဖွား၊ နောက်ထပ်လုပ်ကြံခံရတဲ့ ဆွီဒင်ဝန်ကြီးချုပ် အိုလော့ပန်း က (30)ရက်ဖွား၊ လက်ရှိ အင်္ဂလန်နိုင်ငံရဲ့ ဘုရင်မကြီး အယ်လီဇဘက် က (21)ရက်ဖွား၊ ကမ္ဘာကျော် ကာတွန်းသရုပ်ဆောင် “မောဂ္ဂလိ ” ကို ဖန်ဆင်းခဲ့တဲ့ စာရေးဆရာကြီး ရုယဒ်ကစ်ပလင်းက (30)ရက်ဖွား၊ သိပ္ပံစာရေး ဆရာကြီး H.G Well က (21)ရက်ဖွား၊ ဂျာမန်နာဇီခေါင်းဆောင်တစ်ဦးဖြစ်တဲ့ ဟာမန်းဂိုးအားရင်းက (12)ရက်ဖွား – တစ်ခြားကျန်တာတွေရှိသေးတယ်။ သိပ်များသွားမှာစိုးလို့ တော်လောက်ပြီထင်တယ်ဗျာ။

ကိုသိန်းဖေ။ ။ ဆရာရေ၊ ဒီစာရင်းအရဆိုရင် (3)ဂဏန်းသမားတွေဟာ နိုင်ငံခေါင်းဆောင်တွေ၊ စာရေးဆရာတွေနဲ့ အနုပညာရှင်တွေ တော်တော်ထွန်းကားတဲ့ မွေးရက်တစ်ခုလို့ ဆိုရမှာပေါ့နော်။

ကျွန်ုပ်။ ။ ဒီလိုလည်း ပြောနိုင်ပါတယ်။ နောက်ဆုံးတော့ ကျွန်တော်ပြောခဲ့သလို ဘာအလုပ်ဘဲလုပ်လုပ် (3)ဂဏန်းသမားကတွေကတော့ တဖြည်းဖြည်း မြင့်တက် သွားမယ့်သူတွေဖြစ်တယ်။ ကဲ – (3)ဂဏန်းသမားအကြောင်း တစေ့တစောင်းကို ဒီမှာဘဲ အဆုံးသတ်လိုက်ကြရအောင် ။ နောက်တစ်ပတ် တနင်္ဂနွေကျရင် (5)ဂဏန်း သမားတွေအကြောင်း ဆွေးနွေးကြတာပေါ့ဗျာ။

ဖတ်ရှုသူအားလုံး ကျန်းမာချမ်းသာကြပါစေသော်၊

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)